BJPનું આજથી ‘Quit India’ અભિયાન, ભ્રષ્ટાચાર અને પરિવારવાદ પર કરશે વાર.

Published By : B.K.NEWS DAINIK
Published Date : 2023-08-09 17:13:04
Views : 128
Modified Date : 2023-08-09 17:13:04

ભારત છોડો આંદોલનના 81 વર્ષ પૂર્ણ થવા પર ભારતીય જનતા પાર્ટી(BJP) એક મેગા અભિયાન શરૂ કરવા જઈ રહી છે. 21 દિવસના આ અભિયાનની શરૂઆત બુધવારે સંસદમાં સ્થાપિત ગાંધી પ્રતિમાથી કરવામાં આવશે. આ અભિયાનને વિપક્ષી ગઠબંધન ‘I.N.D.I.A’ પર આકરા પ્રહાર તરીકે ગણવામાં આવી રહ્યું છે, જેમાં બંને ગૃહોના ભાજપના સાંસદો ભાગ લેશે.આ અભિયાન ખુદ વડાપ્રધાન નરેન્દ્ર મોદીના નિર્દેશ પર શરૂ કરવામાં આવી રહ્યું છે. 9 ઓગસ્ટ, 1942ના રોજ મહાત્મા ગાંધીએ અંગ્રેજો વિરુદ્ધ ભારત છોડો આંદોલન શરૂ કર્યું હતું, જેને બુધવારે 81 વર્ષ પૂરા થયા છે.સવારે 10 વાગે વડાપ્રધાન સહિત પાર્ટીના અન્ય નેતાઓ સંસદમાં મહાત્મા ગાંધીની પ્રતિમા પાસે એકઠા થશે, ત્યારબાદ અભિયાન શરૂ કરવામાં આવશે. પાર્ટીના સાંસદો સાથેની બેઠક દરમિયાન પીએમે કહ્યું કે તેઓએ સોશિયલ મીડિયા પર વિપક્ષી ગઠબંધન ભારત વિરુદ્ધ પણ અભિયાન ચલાવવું જોઈએ. ભાજપનું આ નવું અભિયાન 29 કે 30 ઓગસ્ટના રોજ સમાપ્ત થશે, જેનું સમાપન કર્તવ્ય પથ પર થશે.પાર્ટીના સાંસદો સાથેની મીટિંગમાં પીએમ મોદીએ કહ્યું કે તેઓએ સોશિયલ મીડિયા પર ‘ફેમિલીઝિમ ક્વિટ ઈન્ડિયા’, ‘કરપ્શન ક્વિટ ઈન્ડિયા’ જેવી લાઈનોનો ઉપયોગ કરીને અભિયાન ચલાવવું જોઈએ. પીએમએ કહ્યું કે વિરોધ પક્ષોમાં કેટલાક એવા લોકો છે જે ન તો કંઈ સારું કરે છે અને ન તો બીજાને સારું કરવા દે છે. પાર્ટી દ્વારા જાહેર કરાયેલા પત્ર અનુસાર વડાપ્રધાન 16 ઓગસ્ટે તેમના માસિક રેડિયો શો ‘મન કી બાત’ દરમિયાન ‘મેરી માટી મેરા દેશ’ અભિયાનની પણ શરૂઆત કરશે. પીએમએ સોશિયલ મીડિયા પર આ અભિયાનને પ્રમોટ કરવા કહ્યું છે.તાજેતરમાં જ પીએમ મોદીએ 508 રેલ્વે સ્ટેશનના પુનઉદ્ધાર પ્રોજેક્ટની શરૂઆત કરી હતી. આ કાર્યક્રમમાં લોકોને સંબોધિત કરતી વખતે પીએમએ વિપક્ષ પર આકરા પ્રહારો કર્યા હતા. તેમણે કહ્યું કે આખો દેશ મહત્વપૂર્ણ ‘ભારત છોડો આંદોલન’થી પ્રેરિત છે અને ભ્રષ્ટાચાર, વંશવાદનો આહવાન કરી રહ્યો છે.