બનાસકાંઠામાં વધુ 28 કેસ, 13 પાલનપુરના, ભીડભાડા વાળા વિસ્તારોમાં સંક્રમણ વધ્યું

Published By : B.K.NEWS DAINIK
Published Date : 2020-07-07 10:50:39
Views : 2794
Modified Date : 2020-07-07 10:50:39

કોરોના સંક્રમિત દર્દીઓની સંખ્યા જિલ્લામાં 320 પહોંચી ગઈ છે. સૌથી વધુ પાલનપુર અને ડીસા શહેરમાં કોરોના પોઝિટિવ દર્દીઓ દિન-પ્રતિદિન વધી રહ્યા છે. જિલ્લા આરોગ્ય વિભાગે 10,138 સેમ્પલ અત્યાર સુધી લીધા છે. જેમાં 320 પોઝિટિવ આવ્યા છે. જિલ્લામાં કોરોનાના કેસો વધતા આરોગ્ય વિભાગે પાલનપુર અને ડીસામાં જનજાગૃતિ માટે ધન્વંતરી રથ દ્વારા લોકોમાં જાગૃતિ લાવવાનું આયોજન હાથ ધર્યું છે. આરોગ્ય વિભાગના સૂત્રોએ જણાવ્યું હતું કે ધનવંતરી રથ દ્વારા લોકોને આરોગ્ય સંબંધિત તકેદારી કેવી રીતે રાખવી તે અંગેનું માર્ગદર્શન આપવામાં આવશે જેઓ કોરોના સંક્રમિત વિસ્તારમાં રહે છે તેમને કેવા પ્રકારની સાવચેતી રાખવી તે અંગે સમજાવવામાં આવશે. પાલનપુર શહેરના કેટલાક વિસ્તારોમાં જ્યાં પોઝિટિવ દર્દીઓ આવ્યા છે તે વિસ્તારમાં પાલનપુર નગરપાલિકા દ્વારા કે પોલીસ કર્મીઓ દ્વારા કોઈપણ પ્રકારની ગંભીરતા ન દાખવાતી હોવાની ફરિયાદો ઉઠી છે. સ્થાનિક રહીશે ફરિયાદ કરતાં જણાવ્યું હતું કે સંક્રમિત વિસ્તાર હોવા છતાં લોકો આડેધડ પાન-મસાલા ખાઈ જાહેરમાં થુકે છે. જે વિસ્તારમાં કેસો આવ્યા છે ત્યાં ભીડભાડ રહે છે. આરોગ્ય વિભાગની ટીમો દ્વારા કોરોના ના કેસો નહોતા ત્યારે જાગરૂકતા બતાવી કામગીરી કરવામાં આવતી હતી હવે પોઝિટિવ કેસો વધવા છતાં સર્વે કામગીરી હજુ સઘન બનાવી નથી. બનાસકાંઠામાં સોમવારે પ્રથમ 22 અને સાંજે વધુ 6 પોઝિટિવ બહાર આવતાં પોઝિટિવ સંખ્યા 28 પર પહોંચી હતી. જેમાં બે પોઝિટિવનાં નામ મોડી રાત સુધી જાહેર કરાયાં ન હતાં. જેમાં નૌંધાયેલા દર્દીઓ પૈકી તમામ દર્દીઓની ઉંમર 30 વર્ષથી ઉપરની જણાઈ આવી હતી. તો કોરોના સંક્રમણ ઘટાવવા માટે પાલનપુરમાં પોલીસની સઘન કાર્યવાહી કરવામાં આવે તેવી લોકોની માંગ ઉઠી છે. તાલુકાના કાણોદર ગામમાં પોઝિટિવ કેસોની સંખ્યામાં વધારો થતાં કાણોદરના લોકોએ જાગરૂકતા બતાવી દસ દિવસનું બજાર બંધ કરી સ્વૈચ્છિક લોકડાઉન અપનાવ્યું છે. શહેરમાં અનલોક ટુ દરમિયાન રાત્રે 10:00 વાગ્યા પછી કરફ્યુ હોવા છતાં લોકો ભોજન પછી રાત્રે વોકિંગ કરવા માટે માસ્ક લગાવ્યા વિના જ ટહેલવા નીકળી જાય છે. શહેરમાં વધતા જતા સંક્રમણને રોકવા માટે પોલીસે કડકાઈ પૂર્વક રોક લગાવવાની માંગ ઉઠી છે. પાલનપુરમાં સતત સંક્રમિતોની વધતી સંખ્યા ચિંતાનો વિષય બન્યો છે.

જિલ્લાના 28 કોરોના પોઝિટિવ દર્દીઓનાં નામોની વિગત
1. હિતેશકુમાર માંગીલાલ શાહ(ઉ.વ) 33)(રહે.મોટી બજાર,પાલનપુર)
2. અંજનાબેન અબાજીત કિરદાન(ઉ.વ40)(રહે.ઢાળવાસ,પાલનપુર)
3. પદ્માબેન હોતચંદ ભાગવાણી(ઉ.વ59)(રહે.આરોગ્યધામ પાછળ,પાલનપુર)
4. ભરતભાઈ જગદીશભાઈ સોલંકી(ઉ.વ43)(રહે.મેતા,વડગામ)
5. અનીલભાઇ દિનેશભાઇ મંડોરા(ઉ.વ38)(રહે.ડીસા
6.વિનોદભાઈ વાઘજીભાઈ પરીખ(ઉ.વ52)(રહે.અંબિકાનગર,પાલનપુર)
7. અહમદહુસેન રાજમહંમદ માકણોજીયા(ઉ.વ 59)(રહે.કાણોદર,પાલનપુર)
8. ગૌતમકુમાર શંભુપ્રસાદ ઠાકર(ઉ.વ 48)(રહે. દિલ્હીગેટ,પાલનપુર)
9. હુસેન અનવર સિપાઈ(ઉ.વ60)(રહે.ઢૂંઢિયાવાડી પોલીસચોકી પાછળ, પાલનપુર)
10 શૈલેષ રમેશભાઈ માળી(ઉ.વ50)(રહે.શક્તિનગર,પાલનપુર)
11.નસરીનબેન મહેંદીહુસેન ઉમટીયા(ઉ.વ43)(રહે.કાણોદર,પાલનપુર)
12.કાંતિભાઈ કાળુભાઇ સોલંકી,(ઉ.વ70)(રહે.ચાણક્ય પુરી,પાલનપુર)
13. હંસરાજ દેવજીભાઈ ગૌરી(ઉ.વ 68)(રહે.પાલનપુર)
14. જયેશકુમાર મણિલાલ રાવલ(ઉ.વ76)(રહે.ગાયત્રી પરિવાર સોસાયટી, પાલનપુર)
15.અલ્પેશગીરી દશરથગીરી ગૌસ્વામી(ઉ.વ 18)(રહે.ઇન્દીરાનગર,ડીસા)
16 જીતેન્દ્રસિંગ નુતનસિંગ સિંગ(ઉ.વ32)(રહે.ડીસા હાઇવે,પાલનપુર)
17.પ્રકાશભારથી વિરમભારથી ગૌસ્વામી(ઉ.વ 27)(રહે.ઇન્દીરાનગર,ડીસા)
18.રોહીત કુમાર જગદીશકુમાર મોદી(ઉ.વ31)(રહે.જુની પોલીસલાઇન,ડીસા).
19.જોશનબેન હરિપ્રસાદ દવે(ઉ.વ 64) (રહે.શિહોરી)
20.મહેન્દ્ર શંકરલાલ મોદી(ઉ.વ 60)(રહે.જૂની પોલીસ લાઇન,ડીસા)
21. રમેશ ભૂરાજી જૈન(ઉ.વ 50)(રહે.વર્ધમાન સોસાયટી,ડીસા)
22.યોગેશ સેવંતિલાલ સોની(ઉ.વ 44)(રહે.ડીસા)
23.પાર્વતીબેન રમેશભાઈ ઉંમર વર્ષ 49 રહે ડીસા
24.લાડી બેન રમેશભાઈ ઉમર વર્ષ 40 રહે ભાભર
25.કલ્પેશ કુમાર ઉંમર વર્ષ 33 માલગઢ ડીસા
26.પ્રવીણભાઈ માનસિંગભાઈ ઉંમર વર્ષ 63 હરસોલીયાવાસ ડીસા
27.સુરેશકુમાર વેણ ઉંમર વર્ષ 30 રહે. વાવ
28.ઉકાજી રાજપુત ઉંમર વર્ષ 40 રહે કોરેટી તા. વાવ
(અન્ય બે નામો જાહેર કરાયાં નથી)