અશોક સ્તંભ : વિપક્ષે કહ્યું- રાષ્ટ્રીય પ્રતીક ચિન્હમાં સિંહ બદલવામાં આવ્યો: તેને આક્રમક અને ક્રૂર દર્શાવાયો

Published By : B.K.NEWS DAINIK
Published Date : 2022-07-13 12:42:27
Views : 326
Modified Date : 2022-07-13 12:42:27

પ્રધાનમંત્રી મોદીએ 11 જૂલાઈના રોજ નવા સંસદ ભવનની છત પર લાગેલા રાષ્ટ્રીય પ્રતીક અશોક સ્તંભનું ઉદ્ધાટન કર્યું હતું. જ્યારે વિપક્ષે આ સ્તંભના આકારમાં છેડછાડ કરવાનો આરોપ લગાવતા કેન્દ્ર સરકાર પર પ્રહાર કર્યા હતા. કેટલાય વિપક્ષી નેતાઓએ આરોપ લગાવ્યો છે કે, રાષ્ટ્રીય પ્રતીક ચિન્હની સાથે ચાર સિંહના આકૃતિમાં ફેરફાર કરીને સંવિધાનનું ઉલ્લંઘન કરવામાં આવ્યું છે.

વિપક્ષનો આરોપ છે કે, અશોક સ્તંભના સિંહને ક્રૂર અને આક્રમક બનાવામાં આવ્યા છે. તેના માટે સિંહના મોં ખુલ્લા બતાવામાં આવ્યા છે. જ્યારે સારનાથ મ્યૂઝિયમમાં રાખેલા મૂળ સ્વરૂપવાળા અશોક સ્તંભમાં સિંહના મોં એટલા ખુલ્લા ન થી. જો કે, કેન્દ્ર સરકારે આ આરોપને ફગાવી દીધા છે.

તો વળી આ સ્તંભને બનાવવાની પ્રક્રિયામાં જોડાયેલા સુનીલ દેવરેએ જણાવ્યું હતું કે, અમે કોઈના પણ કહેવા પર કોઈ ફેરફાર નથી કર્યો. આ સારનાથમાં રહેલા સ્તંભની જ કોપી છે. સુનીલે સ્તંભ માટે ક્લે અને થર્મોકોલ મોડલ તૈયાર કર્યો હતો.

જયરામ રમેશે કહ્યું-રાષ્ટ્રીય પ્રતીકનું અપમાન

કોંગ્રેસ મહાસચિવ જયરામ રમેશે કહ્યું કે, સારનાથમાં અશોક સ્તંભ પર સિંહનું ચરિત્ર અને પ્રકૃતિને બદલવી એ ભારતના રાષ્ટ્રીય પ્રતીકનું બેશર્મીભર્યું અપમાન છે. તો વળી કોંગ્રેસ નેતા ગૌરવ ગોગોઈએ કહ્યું કે, સંસદ અને રાષ્ટ્રીય પ્રતિક ભારતના લોકોનું છે. કોઈ એક વ્યક્તિનું નહીં.