અમદાવાદના અમરાઇવાડીમાં બિલ્ડીંગ ધરાશાયી થતા અનેક દટાયા, 2ના મોત, બચાવ કામગીરી શરૂ

Published By : B.K.NEWS DAINIK
Published Date : 2019-09-05 17:05:14
Views : 450
Modified Date : 2019-09-05 17:05:14

અમદાવાદમાં અમરાઇવાડી વિસ્તારમાં 100 વર્ષ જૂની 3 માળની બિલ્ડીંગ ધરાશાયી થતાં અનેક લોકો દટાયા હતા. અમરાઇવાડી વિસ્તારના જનતાનગર ટોરેન્ટ પાવરની સામે 100 વર્ષ જૂની બિલ્ડીંગ એકાએક ધરાશાયી થઇ હતી. હાલમાં ફાયર વિભાગની 7 ટીમ દ્વારા રેસ્ક્યું ઓપરેશન હાથ ધરાયું છે.

અમદાવાદના અમરાઈવાડીમાં 100 વર્ષ જૂની ત્રણ માળની બિલ્ડીંગ ધરાશાયી થઇ હતી. આ દુર્ઘટનામાં બે મહિલાઓના મોત થયા છે. આ દુર્ઘટના અમરાઇવાડીના વિસ્તારમાં બંગલાવાળી ચાલીમાં બની હતી. આ દુર્ઘટનામાં હજુ પણ કેટલાક લોકો દટાયા હોવાની આશંકા છે. ઘટનાસ્થળે હાજર ફાયર વિભાગની ટીમ દ્વારા 5થી વધુ લોકોને બચાવી લેવાયા છે. જ્યારે રાહત અને બચાવ કામગીરી ચાલી રહી છે. જ્યારે કાટમાળમાંથી બહાર કઢાયેલા ઇજાગ્રસ્ત લોકોને એલજી હોસ્પિટલ ખસેડવામાં આવ્યા છે.પોલીસની ટીમ, ફાયર વિભાગની ટીમ અને કોર્પોરેશનની ટીમ ઘટનાસ્થળેઅમરાઈવાડી વિસ્તારમાં આવેલા બંગલાવાળી ચાલીમાં બિલ્ડીંગ ધરાશાયી થયાના સમાચાર કોર્પોરેશન અને પોલીસને મળતાં અમરાઇવાડી પોલીસ અને કોર્પોરેશનના અધિકારીઓ ઘટના સ્થળે પહોંચ્યા હતા. દુર્ઘટનાને પગલે આસપાસના લોકો દોડી જતા ટોળેટોળા વળ્યા છે. ઘટનાને પગલે ફાયર વિભાગની ટીમો દોડી ગઈ છે. યુધ્ધના ધોરણે બચાવ કામગીરી હાથ ધરાઈ છે. મેયર દૂર્ઘટના અંગે અજાણઅમરાઇવાડીમાં બિલ્ડીંગ ધરાશાયી થવાની દુર્ઘટના બની છે ત્યારે મેયર બિજલબેન પટેલ બેઠકમાં વ્યસ્ત હોવાનું સામે આવી રહ્યું છે. સાથે મેયર આ દુર્ઘટના અંગે પણ અજાણ હોવાનું સામે આવ્યું છે.કોર્પોરેશનને નહોતી પાઠવી નોટિસ5 લોકોને ફાયર વિભાગની ટીમે બચાવી લીધા છે. જ્યારે કાટમાળ નીચે 10 લોકો દટાયા હોવાની આશંકા છે. ફાયરબ્રિગેડની સાત ટીમો દ્વારા રેસ્ક્યૂ કામગીરી ચાલું છે. તો મકાન ધરાશાયી થયા બાદ અમદાવાદ કોર્પોરેશનની ઘોર બેદરકારી સામે આવી છે. 100 વર્ષ જૂનું મકાન હોવા છતાં પણ કોર્પોરેશન દ્વારા મકાનમાલિકને નોટિસ પાઠવવામાં આવી ન હતીઅત્રે ઉલ્લેખનીય છે કે, થોડા દિવસો અગાઉ અમદાવાદના બોપલમાં પાણીની ટાંકી ધરાશાયી થવાની ઘટના બની હતી. જેમાં બે લોકોના મોત થયા હતા. જ્યારે ત્રણ લોકો ગંભીર ઇજાગ્રસ્ત થયા હતા.દુર્ઘટના માટે જવાબદાર કોણ?ત્યારે અહીં અનેક સવાલો થાય છે કે, 100 વર્ષ જૂની બિલ્ડીંગ હોવા છતાં AMCએ નોટિસ કેમ ન પાઠવી? પાણીની ટાંકી ધરાશાયી થવી કે મકાનો ધરાશાયી થવા એ શું સામાન્ય ઘટનાઓ છે? કેમ દરેક વખતે દુર્ઘટના બાદ જાગે છે તંત્ર? ક્યાં સુધી તંત્રની બેદરકારીનો ભોગ લોકો બનતા રહેશે? અમદાવાદમાં મોતના મકાન કેટલા? ભયજનક મકાનધારકો પાસે વિકલ્પ શું? અમદાવાદમાં દુર્ઘટના ક્યારે રોકાશે? જૂની ઇમારતોની સમસ્યાનું સમાધાન શું? ભયજનક મકાનોનો ઉકેલ શું? કાટમાળમાં દબાઇને હજુ કેટલાના મોત થશે? 2ના મોત માટે જવાબદાર કોણ? શહરેમાં જીવન કેવી રીતે જીવી શકાય?