અગાઉની ટ્વીટ ડિલીટ કર્યા પછી ફરીથી ધર્મેન્દ્રને ખેડૂતોની ચિંતા થઈ આવી, કહ્યું, 'ખેડૂત ભાઈઓની પીડાથી દુઃખી છું, સરકાર જલદી કંઈક કરે'

Published By : B.K.NEWS DAINIK
Published Date : 2020-12-11 14:00:57
Views : 426
Modified Date : 2020-12-11 14:00:57

કેન્દ્ર સરકારના નવા કૃષિ કાયદાના વિરોધમાં રસ્તે ઊતરેલા ખેડૂતોના સમર્થનમાં વરિષ્ઠ અદાકાર ધર્મેન્દ્રને ત્રણ દિવસ પછી ફરીથી લાગી આવ્યું છે. આજે શુક્રવારે સોશિયલ મીડિયા પર એમણે લખ્યું છે કે, 'ખેડૂત ભાઈઓની પીડા જોઈને હું ઘણો દુઃખી છું, સરકાર ઝડપથી કંઈક કરે.' રસપ્રદ વાત એ છે કે ત્રણ દિવસ પહેલાં પણ ધર્મેન્દ્રએ સરકારને પ્રાર્થના કરેલી કે તેઓ ઝડપથી ખેડૂતોના પ્રશ્નોનો ઉકેલ લાવે. પરંતુ પછીથી કોઈ અગમ્ય કારણોસર એમણે તે પોસ્ટ ડિલીટ કરી નાખી હતી. તે મુદ્દે તેઓ ખાસ્સા ટ્રોલ પણ થયા હતા.

અહીં એ વાત પણ ઉલ્લેખનીય છે કે ધર્મેન્દ્રના એક્ટર દીકરા અને ગુરદાસપુરથી ભાજપના સાંસદ એવા સની દેઓલે નરો વા કુંજરો વા જેવું નિવેદન આપ્યું હતું. સની દેઓલે તેના સ્ટેટમેન્ટમાં કહ્યું હતું કે, 'આ મુદ્દો સરકાર અને ખેડૂતો વચ્ચેનો છે, કોઈ અન્યે આમાં દખલ દેવાની જરૂર નથી.' જ્યારે પિતા ધર્મેન્દ્રએ ફરીથી આગ્રહ કર્યો છે કે ખેડૂતોના પ્રશ્નોનો ઉકેલ લાવવો જોઈએ.થોડા દિવસ પહેલાં પોતાના 85મા જન્મદિવસે ટાઈમ્સ ઓફ ઇન્ડિયા સાથેની વાતચીતમાં ધર્મેન્દ્રે કહ્યું, 'લોકો કોરોના વાઇરસને ભૂલી ગયા છે. દેશભરમાં અફરા- તફરી ફેલાઈ છે. હું જન્મદિવસ કઈ રીતે સેલિબ્રેટ કરું? આપણે બધા ભારત માતાના બાળકો છીએ. માણસાઈથી મોટો કોઈ ધર્મ નથી. કોઈની સારપ, મજબૂરી કે માણસાઈનો ફાયદો ન ઉઠાવો. ખેડૂત શું બોલવા ઈચ્છે છે, તેમની વાત એકવાર સાંભળી લો. તે આટલી ઠંડીમાં રસ્તા પર બેઠા છે. એક પરસ્પર વાતચીતથી ઉપાય મળી શકે છે.'અગાઉ ધર્મેન્દ્રે ખેડૂત આંદોલનને લઈને એક સોશિયલ મીડિયા પોસ્ટ કરી હતી, જે ત્યારબાદ તેમને ડીલીટ કરવી પડી. તેની સ્પષ્ટતા કરતા તેમણે ઇન્ટરવ્યૂમાં કહ્યું, 'મારો હેતુ માત્ર એ બોલવાનો હતો કે ખેડૂતોની વાત સાંભળી લો. હું હંમેશાં પોઝિટિવ વાત કરું છું, પરંતુ લોકો તેનો અલગ જ અર્થ લે છે. ટ્વિટર પર ભડાસ કાઢે છે. હું હવે તેનાથી અંતર રાખીશ કારણકે આ ઘણી ઝેરી જગ્યા થઇ ગઈ છે. લોકો દિલ તોડી દે છે.'

ધર્મેન્દ્રે તેમની સોશિયલ મીડિયા પોસ્ટમાં લખ્યું હતું, 'સરકારને પ્રાર્થના છે કે ખેડૂત ભાઈઓની પ્રોબ્લેમ્સનો કોઈ ઉપાય જલ્દી શોધે. કોરોનાના કેસ દિલ્હીમાં વધતા જઈ રહ્યા છે. આ દુઃખદાયક છે.'ગુરદાસપુરના બીજેપી સાંસદ અને એક્ટર સની દેઓલે રવિવારે સોશિયલ મીડિયા પર સ્ટેટમેન્ટ આપ્યું હતું કે, સરકાર હંમેશાં ખેડૂતો વિશે વિચારે છે અને પાર્ટી ખેડૂતો સાથે છે. કેન્દ્રએ હંમેશાંથી ખેડૂતોનું ભલું વિચાર્યું છે.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links