મલેશિયાથી કેરળ પરત ફરેલી એક વ્યક્તીનું શંકાસ્પદ મોત

Published By : B.K.NEWS DAINIK
Published Date : 2020-03-01 17:40:40
Views : 513
Modified Date : 2020-03-01 17:40:40

ભારતમાં કોરોના વાયરસનું સંક્રમણ તો ઘણા સમય પહેલા જ પહોંચી ચૂક્યું હતું. એક 36 વર્ષના યુવકને અર્નાકુલમના સરકારી મેડિકલ કોલેજમાં ભરતી કરવામાં આવ્યો હતો જેમાં કોરનાના કોવિડ-19 વાયરસના લક્ષણ જોવા મળ્યા હતા.શુક્રવારે મોડી રાત્રે તે વ્યક્તિનું મૃત્યું થઈ ગયું છે. હવે ડોક્ટર એ તપાસ કરી રહ્યા છે કે શું વ્યક્તિનું મૃત્યું કોરોના વાયરસના કારણે થયું છે કે અન્ય કોઈ કારણ છે. મૃતક વ્યક્તિ મલેશિયાથી પરત આવ્યો હતો તેનો પ્રાથમિક ટેસ્ટ રિપોર્ટ નેગેટિવ આવ્યો હતો.અલાપુઝામાં નેશનલ ઇન્સ્ટિટ્યુટ ઓફ વાયરોલોજીના પહેલા રિપોર્ટ અનુસાર આ વ્યક્તિ કોવિડ-19થી સંક્રમિત નહોતો. જોકે મૃતકના મૃતદેહને હજુ પણ આઈસોલેશનમાં રાખવામાં આવ્યો છે.વર્લ્ડ હેલ્થ ઓર્ગેનાઇઝેશન અનુસાર આના પર કોઈપણ નિર્ણય બીજા સેમ્પલના રિપોર્ટ બાદ જ લેવામાં આવશે. શનિવારે જિલ્લાના આરોગ્ય અધિકારીઓએ એક બેઠક કરી અને સેમ્પલ બીજીવાર ટેસ્ટ માટે પુણેના NIV મોકલવા માટે નક્કી કર્યું છે.આ વ્યક્તિ પાછલા અઢી વર્ષથી મલેશિયાના એક સુપરમાર્કેટમાં નોકરી કરતો હતો. તે મૂળ રુપે કેરળના પેન્નૂરનો રહેવાસી હતો. ગુરુવારે રાત્રે તે કોચીન ઇન્ટરનેશનલ એરપોર્ટ પર પહોંચ્યા હતો. જ્યાંથી જ તેને સીધો સરકારી મેડિકલ કોલેજના આઇસોલેશન વોર્ડમાં લઈ જવામાં આવ્યો હતો. જ્યાં તેને વેન્ટિલેટર પર રાખવામાં આવ્યો હતો.તેના પ્રાથમિક રિપોર્ટ મુજબ દર્દીને એક્યુટ ન્યુમોનિયા થયો હતો જેના કારણે તેનું મૃત્યું થયું છે. તે ડાયાબિટિક કિટોએસિડોસિસથી પણ પીડિત હતો. મેડિકલ રિપોર્ટ મુજબ એક્યુટ ન્યુમોનિયાના કારણે તેની શ્વસન સિસ્ટમ ફેઇલ થઈ ગઈ હતી અને આ કારણે તેનું મોત નિપજ્યું હતું.શનિવાર સુધીના આંકડાને જોઈએ તો એક વ્યક્તિ મેડિકલ કોલેજના આઇસોલેશન વોર્ડમાં છે જ્યારે 12 વ્યક્તિઓને તેમના ઘરે આસોલેશનમાં રાખવામાં આવ્યા છે. એકલા કોચીમાં અત્યાર સુધી કુલ 40 લોકોને આઇસોલેશનમાં રાખવામાં આવ્યા છે. જ્યારે 6 સેમ્પલને અલાપુઝા નેશનલ ઇન્સ્ટિટ્યુટ ઓફ વાયરોલોજીમાં મોકલવામાં આવ્યા છે.