175 વર્ષ જૂના રિદ્ધિ-સિદ્ધિ ગણપતિ મંદિરમાં એક જ આરસમાંથી બનેલી મૂર્તિ

Published By : B.K.NEWS DAINIK
Published Date : 2020-08-23 13:29:13
Views : 356
Modified Date : 2020-08-23 13:29:13

શહેરના દાંડિયાબજાર વિસ્તારમાં અંદાજિત 175 વર્ષ જૂનું રિદ્ધિ-સિદ્ધિ ગણપતિ મંદિર આવેલું છે. આ મંદિર ગાયકવાડી શાસનમાં બનાવવામાં આવ્યું હતું. જેમાં આરસપહાણની શ્રીજીની મૂર્તિ સાથે રિદ્ધિ-સિદ્ધિ પણ બિરાજમાન છે. આ મૂર્તિને એક જ આરસમાંથી બનાવવામાં આવેલી છે. ગાયકવાડ શાસનમાં બનેલું આ મંદિર લાકડાની બાંધણીવાળું છે તેમજ તેમાં વિવિધ નકશીકામ કરવામાં આવ્યું છે. ગાયકવાડી શાસનમાં રહેલા આ મંદિરનો વહીવટ હાલ કલેક્ટર પાસે છે. મંદિરના પૂજારીના મતે આ મંદિરનું બાંધકામ કોણે કરાવ્યું તેની જાણકારી નથી, પરંતુ આ પૌરાણિક મંદિરમાં ભક્તો અપાર શ્રદ્ધા ધરાવે છે.175 વર્ષ જૂના ગાયકવાડી સાશનમાં બનેલા રિદ્ધિ સિદ્ધિ ગણપતિ મંદિરમાં આરસ માંથી તૈયાર કરેલી સુંદર શ્રીજી બિરાજમાન છે. હાલ આ મંદિરનો વહીવટ કલેકટર હસ્તક છે.શહેરના દાંડિયાબજાર વિસ્તારમાં આવેલા રિદ્ધિ-સિદ્ધિ ગણપતિ મંદિરના પૂજારીઓ એ જણાવ્યું કે તેમની 7 પેઢી આ મંદિરમાં પૂજા કરતી આવી છે.જ્યારે આ મંદિરમાં બિરાજમાન ગણેશજી મનોકામના પૂર્તિ કરતા હોવાથી ખાસ કરીને ગણેશ ચતુર્થીના તહેવારોમાં આ મંદિરમાં હજારો ભક્તો દર્શન કરવા માટે આવે છે. જ્યારે ચાલુ વર્ષે કોરોના મહામારીના પગલે ભક્તો જૂજ સંખ્યામાં દર્શન કરવા માટે આવી રહ્યા છે. બીજી તરફ દેશ - દુનિયામાં રહેતા ભક્તોએ ગણપતિજીના દર્શન ઓનલાઈન કરી શકે તેવી વ્યવસ્થા ઉભી કરવા પણ ઈચ્છા જાહેર કરી છે. જેને પગલે વિચારણા હાથ ધરાઇ છે. આ મંદિરમાં પોતાની મનોકામના પૂરી કરવા સર સયાજીરાવ ગાયકવાડ પણ આવતા હોવાનું પૂજારીએ જણાવ્યું હતું. ઉલ્લેખનીય છે કે, બાપ્પાના ભક્તો હાલ ઘરે રહીને જ ઘરમાં માટીની મૂર્તિનું સ્થાપન કરી પ્રાર્થના અને પૂજન કરી રહ્યા છે.