96 દિવસમાં 7 લાખ એક્ટિવ કેસમાં ઘટાડો, હવે એસકેટી 2.90 લાખ બાકી, ફેબ્રુઆરી સુધીમાં એક્ટિવ કેસમાં એકદમ ઘટાડો થવાની આશા.

Published By : B.K.NEWS DAINIK
Published Date : 2020-12-22 11:32:57
Views : 374
Modified Date : 2020-12-22 11:32:57

દેશમાં કોરોનાના એક્ટિવ કેસોમાં સતત ઘટાડો થઈ રહ્યો છે. સોમવારે આ આંકડો ત્રણ લાખથી પણ ઓછો થઈ ગયો. હવે માત્ર 2.90 લાખ દર્દીઓની સારવાર કરવામાં આવી રહી છે. 17 સપ્ટેમ્બરના રોજ આ સંખ્યા 10.17 લાખ પર હતી. હાલમાં સરેરાશ 14 દિવસમાં એક લાખ એક્ટિવ કેસ ઓછા થઈ રહ્યા છે. જો ગતિ સમાન રહેશે, તો જાન્યુઆરીના અંત સુધી અથવા ફેબ્રુઆરીની શરૂઆત સુધી એકદમ ઘટાડો થઇ શકે છે. ત્યારબાદ છૂટાછવાયા કેસો સામે આવશે. સોમવારે દેશમાં 19 હજાર 141 કોરોના લેસ મળી આવ્યા હતા. 30 હજાર 199 દર્દીઓ સાજા થયા અને 300 લોકોનાં મૃત્યુ થયાં. આ રીતે એક્ટિવ કેસમાં 11 હજાર 372નો ઘટાડો થયો છે. અત્યાર સુધીમાં 1 કરોડ 75 હજાર 422 કેસ નોંધાયા છે. તેમાંથી 96.35 લાખ દર્દીઓ સાજા થયા છે અને 1.46 લાખ લોકો મૃત્યુ પામ્યા છે. હવે કુલ 2.90 લાખ દર્દીઓ સારવાર લઈ રહ્યા છે.

કેરળમાં છેલ્લા 24 કલાકમાં 3423 કોરોનાના દર્દીઓ નોંધાયા છે. 4494 દર્દીઓ સાજા થયા, જ્યારે 27 લોકો મૃત્યુ પામ્યા. હવે અહીં 60 હજાર 522 એક્ટિવ કેસ છે. આ મામલે તે મહારાષ્ટ્રને પછાડીને ટોપ પર પહોંચી ગયું છે. મહારાષ્ટ્રમાં હવે 59 હજાર 469 એક્ટિવ કેસ છે. કોરોનાના કેસની કુલ સંખ્યા વિશે વાત કરીએ તો મહારાષ્ટ્રમાં અત્યાર સુધીમાં 18.99 લાખ કેસ નોંધાયા છે. તેમાંથી 17.89 લાખ દર્દીઓ સાજા થયા છે, જ્યારે 48 હજાર 801 લોકો મૃત્યુ પામ્યા છે. જ્યારે, કેરળમાં 7.09 લાખ કેસ નોંધાયા છે અને 6.45 લાખ દર્દીઓ સાજા થયા છે અને 2844 લોકો મૃત્યુ પામ્યા છે.