અમદાવાદમાં શોરૂમના માલિકે લગ્નની લાલચ આપી સેલ્સગર્લને બે વર્ષ સુધી પીંખી

Published By : B.K.NEWS DAINIK
Published Date : 2019-11-20 14:07:38
Views : 844
Modified Date : 2019-11-20 14:07:38

જુહાપુરા વિસ્તારના લેડીઝ કપડાંના શોરૂમના માલિક વિરૂદ્ધ વેજલપુર પોલીસ સ્ટેશનમાં દુષ્કર્મની ફરિયાદ યુવતીએ સોમવારે નોંધાવી છે. ફરિયાદ મુજબ યુવતીને નોકરીએ રાખીને આરોપીએ મિત્રતા કેળવી પ્રેમસંબંધ બાંધી લગ્નની લાલચ આપી શારીરિક સંબંધો બાંધ્યા હતા. બે વર્ષ સુધી યુવતી સાથે સંબંધ બાંધતા શખ્સ સમક્ષ યુવતીએ લગ્ન અંગે મુદ્દે વાતચીત કરતાં આરોપી ઉશ્કેરાયો હતો. સાત દિવસ અગાઉ યુવતીને નોકરીમાંથી કાઢી મુકીને જેમફાવે તેમ બોલ્યો હતો. વેજલપુર પોલીસે આરોપી વિરૂદ્ધ ગુનો દાખલ કરી તપાસ હાથ ધરી છે.વેજલપુર પોલીસ સ્ટેશનમાં 22 વર્ષીય શબાના (નામ બદલ્યું છે) લેડીઝ કપડાંના શોરૂમમાં છેલ્લા બે વર્ષથી ફરજ બજાવતી હતી. ફરજ દરમિયાન શોરૂમના માલિક મુસ્તાક ફકીરમંહમદ મોડનએ શબાનાને જૂદા જૂદા વાયદા કરીને પોતાની પ્રેમજાળમાં ફસાવી હતી. શબાનાએ પણ ભોળવાઈને આરોપી સાથે પ્રેમસંબંધો આગળ વધાર્યા હતા. બે વર્ષના સમયગાળામાં અનેકવાર શબાના સાથે શારીરિક સંબંધો બાંધી આરોપીએ તેણે દગો દીધો હતો.

શબાનાએ આ અંગે આરોપીને લગ્ન માટે દબાણ કરતાં ઉશ્કેરાયેલા શખ્સએ તેણે નોકરીમાંથી કાઢી મુકી હતી. વેજલપુર પોલીસ સ્ટેશનમાં શબાનાએ સોમવારે રજૂઆત કરતાં પોલીસે આરોપી મુસ્તાક વિરૂદ્ધ દુષ્કર્મનો ગુનો દાખલ કરી તપાસ હાથ ધરી છે. પોલીસે યુવતીનું મેડિકલ કરાવી તેના રિપોર્ટના આધારે આરોપી વિરૂદ્ધ કાર્યવાહી કરી હતી.