ડીસા,થરા અને દિયોદરના 4 જુગારધામો પર પત્તાં ટીચતાં 16 ઝડપાયા, 4 ફરાર

Published By : B.K.NEWS DAINIK
Published Date : 2020-08-08 12:21:18
Views : 517
Modified Date : 2020-08-08 12:21:18

બનાસકાંઠા જિલ્લાની ડીસા, થરા અને દિયોદર પોલીસે ગુરુવારે 4 જુગારધામો પર દરોડા પાડી જુગાર રમી રહેલા 16 જુગારીયાઓને રૂ.47,290ના મુદ્દામાલ સાથે ઝડપી પાડ્યા હતા. જોકે 4 જુગારીયા ફરાર થઇ જતાં ગુનો નોંધી કાર્યવાહી હાથ ધરી છે. ડીસા રૂરલ પોલીસે ગુરુવારે ગંગાજી વ્હોળા નજીક ગંજીપાના વડે જુગાર રમી રહેલા 4 જુગારીને રૂ.21,160ના મુદ્દામાલ સાથે ઝડપી પાડી ગુનો નોંધી કાર્યવાહી હાથ ધરી હતી. તો થરા પોલીસે ભદ્રેવાડી ગામની સીમમાં જુગાર રમી રહેલા 7માંથી 3 જુગારીયાઓને રૂ.8670 ના મુદ્દામાલ સાથે ઝડપી પાડ્યા હતા. જોકે 4 જુગારીયા ફરાર થઇ જતાં પોલીસે કુલ 7 સામે ગુનો નોંધી કાર્યવાહી હાથ ધરી હતી. ભદ્રેવાડી ગામમાં જ ખુલ્લી જગ્યામાં બેસી જુગાર રમી રહેલા 4 જુગારીને રૂ.2460ના મુદ્દામાલ સાથે ઝડપી પાડ્યા હતા. ત્યારે દિયોદર પોલીસે જેતડા ત્રણ રસ્તા નજીક જુગાર રમી રહેલા 5 જુગારીને રૂ.15,000ના મુદ્દામાલ સાથે ઝડપી પાડી કાર્યવાહી હાથ ધરી હતી.

જુગાર રમતાં 20 શખ્સો ઝડપાયા, 4 ફરાર

ડીસાથી