B K News | News|Daily News| Deesa Daily News|Banaskantha Daily News|Banaskantha News

પાલનપુરમાં ચાલતા જિમ - ડાન્સ ક્લબ યુવતીઓ માટે અસુરક્ષિત

Published By : B.K.NEWS DAINIK
Published Date : 2019-12-03 11:19:09
Views : 984
Modified Date : 2019-12-03 11:19:09

પાલનપુર શહેરમાં ચાલતા જિમ અને ડાન્સ ક્લબમાં જતી યુવતીઓ- મહિલાઓ અસુરક્ષિત હોવાના આક્ષેપ સાથે આ સ્થળોએ સીસીટીવી કેમેરા લગાવી રજિસ્ટ્રેશન ફરજીયાત કરવા બનાસકાંઠા હિંદુ સંગઠન દ્વારા સોમવારે જિલ્લા
પોલીસવડાને રજૂઆત કરવામાં આવી હતી.
હૈદરાબાદમાં લેડી ડોક્ટર પ્રિયંકા રેડી પર ગેંગરેપ બાદ તેની નિર્મમ હત્યાની ઘટનાને લઇ દેશભરમાં ઘેરા પ્રત્યાઘાતો પડ્‌યા છે. ત્યારે પાલનપુર શહેરમાં બનાસકાંઠા હિન્દુ સમાજ દ્વારા પોલીસ અધિક્ષકને આવેદનપત્ર પાઠવી આરોપી ઓને ફાંસીની સજાની માંગણી કરાઇ હતી. હૈદરાબાદમાં વેટરનરી ડોક્ટર પ્રિયંકા રેડી
પર થયેલા અમાનુષી અત્યાચાર બાદ તેમને જીવતા સળગાવી મૂકી મોત ને ઘાટ ઉતારવાની ઘટના સામે દેશભરમાં રોષ પ્રવર્તી રહ્યો છે. ત્યારે સમાજમાં દાખલો બેસાડવા આરોપી ઓને તાત્કાલિક ફાંસીની સજા કરવામાં આવે તેવી માંગ સાથે બનાસકાંઠા જિલ્લા હિન્દૂ સમાજ દ્વારા જિલ્લા પોલીસ અધિક્ષકને આવેદનપત્ર સુપ્રત કરાયું હતું. આ ઉપરાંત પાલનપુર શહેરમાં ચાલતા ડાન્સ ક્લબ અને જીમ જેવા સ્થળોએ પણ સીસીટીવી કેમેરા લગાવવામાં આવે ઉપરાંત રજિસ્ટર નિભાવવામાં આવે તેવી રજૂઆત હિન્દુ સમાજ દ્વારા બનાસકાંઠા પોલીસ અધિક્ષકને કરાઇ હતી.