ભાષણની શરૂઆતની 1 મિનિટમાં કરેલી ભૂલ સુધારવા વાઘાણી 12 મિનિટની સ્પીચમાં 10 વખત પાટીલભાઈ બોલ્યા.

Published By : B.K.NEWS DAINIK
Published Date : 2021-02-13 12:44:42
Views : 589
Modified Date : 2021-02-13 12:44:42

ભાવનગર શહેરના બોરતળાવ વિસ્તારમાં આજે ભાવનગર મહાનગરપાલિકાની ચૂંટણી સંદર્ભે ગુજરાત રાજ્યના મુખ્યમંત્રી વિજયભાઈ રૂપાણી અને ગુજરાતના ભાજપના અધ્યક્ષ સી.આર.પાટીલએ ભાવનગરના વોર્ડ નંબર 9 બાલવાટિક પાસે જંગી જાહેર સભાનું આયોજન કરવામાં આવ્યું હતું અને સ્થાનિક સ્વરાજની ચૂંટણીની પ્રથમ જાહેર સભા ભાવનગર ખાતે થી પ્રારંભ કરવામાં આવ્યો હતો. પોતાના ભાષણમાં જીતુભાઈ વાઘાણીએ શરૂઆતની 1 મિનિટમાં જ ભૂલ કરી હતી અને ગુજરાતના ભાજપના અધ્યક્ષ સી.આર.પાટીલની જગ્યાએ ફળદુ હાજર છે એવો ભાંગરો વાટ્યો હતો અને તેની પછી 12 મિનિટના ભાષણમાં તેને બંને મહાનુભાવો અને સી.આર.પાટીલભાઈ એમ 10 વખત બોલ્યા હતા.

ભારતીય જનતા પાર્ટીએ ભાવનગરના બોરતળાવથી ચૂંટણી સભાની શરૂઆત કરી હતી. બોરતળાવમાં મુખ્યમંત્રી વિજય રૂપાણી, પ્રદેશ અધ્યક્ષ સીઆર પાટીલ સહિતના મહાનુભાવો ઉપસ્થિત રહ્યાં હતા. જે દરમિયાન ભાજપના પૂર્વ અધ્યક્ષ અને ધારાસભ્ય જીતુભાઈ વાઘાણી ભાષણ કરવા ઉભા થયાં હતા. ભાષણની શરૂઆતમાં આવેલા મહાનુભાવોનો પરિચય આપતી વખતે જીતુ વાઘાણીએ ભાંગરો વાટ્યો હતો અને કહ્યું હતું કે નવા વાઇબ્રેશન સાથે કાર્યકર્તાઓને નવો પ્રાણ ફૂંકવાનો પ્રયાસ કર્યો છે તેવા પ્રાંત અધ્યક્ષ ફળદુ તેમ બોલી ગયા હતા.

જેવા જીતુ વાઘાણીએ પ્રદેશ અધ્યક્ષ તરીકે ફળદુનું નામ બોલ્યા કે તરત જ સ્ટેજ પર હાજર સીઆર પાટીલે હાથ ઉંચો કરીને વાઘાણીની દર્શાવી હતી અને બાદમાં મુખ્યમંત્રી વિજય રુપાણીને આ ભૂલ અંગે જણાવી હસ્યા હતા. જોકે પાટીલે હાથ ઉંચો કરીને કરેલા ઇશારા બાદ જીતુ વાઘાણીની નજીક બેસેલા કાર્યકરે વાઘાણીનું ધ્યાન દોર્યું હતું. વાઘાણી ભૂલ સુધારી હતી અને પાટીલનો ઉલ્લેખ કર્યો હતો. જે દરમિયાન ભાજપના કાર્યકર્તાઓમાં પણ હાસ્ય રેલાયું હતું.