રાજકોટમાં પિતા-પુત્ર બાદ પુત્રીનું પણ મોત, મધર્સ ડેના દિવસે જ માતાએ દીકરીનો મૃતદેહ જોયો, મરવા મજબૂર કરનાર શખ્સની ધરપકડ.

Published By : B.K.NEWS DAINIK
Published Date : 2021-05-09 14:49:59
Views : 385
Modified Date : 2021-05-09 14:49:59

આજે મધર્સ ડે છે અને આ મધર્સ ડેના દિવસે જ રાજકોટમાં એક માતાને તેમની યુવાન દીકરીના મૃતદેહ જોવાનો વખત આવ્યો છે. શહેરના શિવમપાર્ક વિસ્તારમાં વિપ્ર પરિવાર સામુહિક ઝેરી દવા પીવાના ચકચારી બનાવમાં પિતા-પુત્ર બાદ આજે પુત્રીએ પણ સારવાર દરમિયાન દમ તોડ્યો છે. સમગ્ર મામલે પોલીસે સ્યુસાઇડ નોટના આધારે ગુનો નોંધી એડવોકેટ વોરા અને દિલીપ કોરાટ વિરુદ્ધ ગુનો નોંધી દિલીપ કોરાટની ધરપકડ કરી ફરાર એડવોકેટને પકડી પાડવા તજવીજ હાથ ધરી છે.

ગત 3 મેના રોજ શહેરના નાનામવા રોડ પર આવેલા શીવમ પાર્ક ખાતે કમલેશભાઇ રામકૃષ્ણભાઇ લાબડીયાએ કોરોનાની દવા છે તેમ કહી દિકરા અંકિત લાબડીયા તથા દીકરી કૃપાલી લાબડીયા એમ ત્રણેયે ઝેરી દવા પી જતા સરકારી હોસ્પિટલ ખાતે સારવારમાં લઇ જતા પ્રથમ પુત્ર અંકિત કમલેશભાઇ લાબડીયાનું મૃત્યુ થયું હતું. બાદમાં બીજા દિવસે 4 મેના રોજ પિતા કમલેશ લાબડીયા પણ મૃત્યુ પામ્યા હતા. બાદમાં આજે સારવાર દરમિયાન પુત્રી કૃપાલીનું પણ મોત નીપજતા પરિવાર વેર-વિખેર થઇ ગયો છે.

રાજકોટમાં ચર્ચાનું કેન્દ્ર બનેલા આ બનાવ અંગે ખુદ રાજકોટ શહેર પોલીસ કમિશનર મનોજ અગ્રવાલ ગંભીરતાથી નોંધ લઇ ગુનો રજીસ્ટર કરવા માટેની સુચના આપી હતી. જેથી મરણ જનાર કમલેશભાઇની સ્યુસાઇડ નોટ કબ્જે કરી ગુનો નોંધી આરોપીઓને પકડી પાડવા કાર્યવાહી હાથ ધરી હતી. જેમાં ગઇકાલે અમદાવાદ હાઇવે પરથી આરોપી દિલીપ કોરાટને ચોક્કસ બાતમીના આધારે પકડી પાડી કોરોના રિપોર્ટ નેગેટિવ આવતા ધરપકડ કરી કાયદેસરની કાર્યવાહી હાથ ધરી છે.

સ્યુસાઇડ નોટમાં જણાવ્યા મુજબ, સંતાનોના લગ્ન માટે માટે કમલેશભાઈ લીંબાડિયાએ પોતાનું મકાન વહેંચવા જાહેરાત આપી હતી. જેના આધારે એડવોકેટ આર. ડી. વોરાએ સંપર્ક કરી તેના સગા દિલીપ કોરાટને રૂા.1.20 કરોડમાં મકાન અપાવ્યું હતું. મકાનના આર.ડી. વોરા અને દિલીપભાઈ કોરાટે 20 લાખ રોકડા આપ્યા હતા. જો કે બાકી નિકળતા રૂપિયા 1 કરોડની માંગ કરતા આ રૂપિયા આપી દીધા હોવાનું કહી પોલીસમાં અરજી કરી હેરાનગતી કરતા હતા અને હિતેશ અને ભાવિન નામના બે વ્યક્તિ રૂા.2.12 લાખ લઈને જતા રહ્યા હોઈ મકાન અને કારના હપ્તા ચડી ગયા હોવાથી પોતે સામૂહિક ઝેરી દવા પીધી હોવાનો ઉલ્લેખ કર્યો હતો.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links