જુલાઈ 2021 થી તમારું પગારનું માળખું બદલાશે, રાજ્ય સરકારો નવા લેબરકોડ અંગે નિર્ણય લેશે.

Published By : B.K.NEWS DAINIK
Published Date : 2021-04-09 12:10:47
Views : 269
Modified Date : 2021-04-09 12:10:47

જો તમે નોકરી કરો છો તો તમારા માટે આ સમાચાર ખૂબ જ મહત્વપૂર્ણ છે. આ વર્ષે જુલાઈથી તમારું સેલેરી સ્ટ્રક્ચર બદલાઈ શકે છે. નવા લેબર કોડ્સ સંબંધિત નિયમોને ધ્યાનમાં રાખીને શ્રમ મંત્રાલયે રાજ્યોને આગામી મહિનામાં રાજ્યને અંતિમ સ્વરૂપ આપવા જણાવ્યું છે. સુત્રોના જણાવ્યા અનુસાર નવા શ્રમ કાયદા લાગુ કરવા શ્રમ અને રોજગાર મંત્રાલયે જુલાઈ સુધીની સમયમર્યાદા નક્કી કરી છે.એવી અપેક્ષા રાખવામાં આવે છે કે ચારેય કાયદાને એક સાથે લાગુ કરવામાં આવશે. નિષ્ણાતોના મતે નવા લેબર કોડમાં પગારની નવી વ્યાખ્યા સૂચવવામાં આવી છે. આ બદલાવના કારણે કંપનીઓએ ગ્રેચ્યુઇટી, રજાના બદલામાં પૈસા અને પીએફ માટે વધારે રકમની જોગવાઈ કરવાની રહેશે. નવી જોગવાઈઓ હેઠળ તેની નાણાકીય અસરનું મૂલ્યાંકન કર્યા પછી કંપનીઓ વર્ષના બીજા ભાગ માટે પગાર બજેટની સમીક્ષા કરી શકશે.

શ્રમ મંત્રાલયે ઉદ્યોગ ધરાવતા રાજ્યો માટે નવા લેબર એક્ટના નિયમો નક્કી કરવા જૂન સુધીનો સમય આપ્યો છે. નવા કાયદાઓનો અમલ એપ્રિલથી જ થવાનો હતો પરંતુ ઉદ્યોગોવાળા રાજ્યોને જૂનની અંતિમ મુદત આપવામાં આવી છે. કેન્દ્રની મોદી સરકારના નવા વેતન સંહિતા મુજબ કંપનીઓએ મે 2021 ના કુલ પગારમાં સીટીસી અથવા મૂળભૂત પગારના ઓછામાં ઓછા 50 ટકા કરવાના રહેશે. એપ્રિલથી શરૂ થતા નવા નાણાકીય વર્ષમાં મોટાભાગની કંપનીઓ તેમના કર્મચારીઓને ઇન્ક્રીમેન્ટ આપીને પગાર વધારો કરે છે. નવા લેબર કોડમાં કોસ્ટ ટૂ કંપનીને ફરીથી નક્કી કરવાની રહેશે. આની અસર એ થશે કે પીએફનું યોગદાન વધશે. જો કંપનીઓ ઇન્ક્રીમેન્ટ આપે છે તો તે પીએફ યોગદાન એડજસ્ટ કરી શકાય છે એટલે કે પગાર વધારા પછી હાથમાં રોકડમાં ઘટાડો થશે.