ભારતમાં અનેક સ્થળે હોસ્પિટલ તો ક્યાંક પરિજનો માહિતી છુપાવી રહ્યાં છે, સંક્રમિતોના મૃત્યુનું કારણ જૂની બીમારી બતાવાઇ છે.

Published By : B.K.NEWS DAINIK
Published Date : 2021-04-26 11:28:48
Views : 355
Modified Date : 2021-04-26 11:28:48

ભારતમાં કોરોનાવાયરસની બીજી લહેર ભયાનક સંકટમાં ફેરવાઇ ચૂકી છે. હોસ્પિટલો ભરાઇ ચૂકી છે, ઓક્સિજન સપ્લાઇ ઓછો પડી રહ્યો છે, હતાશ દર્દીઓ ડૉક્ટરની રાહ જોતાં દમ તોડી રહ્યા છે. મૃતકોની વાસ્તવિક સંખ્યા સરકારી આંકડાથી ઘણી વધારે છે. વિશ્વના લગભગ અડધા નવા કેસ ભારતમાં મળી રહ્યા છે. નિષ્ણાતોનું કહેવું છે કે આ આંકડો વિચલિત કરી શકે છે છતાં સંક્રમણની સાચી સ્થિતિ નથી બતાવાઇ રહી. વિજ્ઞાનીઓ ચિંતિત છે કે ભારતમાં વાયરસના નવા સ્વરૂપ વધુ ઘાતક હોઇ શકે છે. વેક્સિનનો વધુ પ્રતિકાર પણ કરી શકે છે. નવા દર્દીઓની સંખ્યામાં ઝડપી વૃદ્ધિ પાછળ વાયરસના નવા સ્વરૂપની ભૂમિકા હોઇ શકે છે.

દેશના વિવિધ ભાગોમાં સ્મશાનોમાં લોકો સાથે થયેલી વાતચીતથી જાણવા મળે છે કે સાચો મૃત્યુઆંક સરકારી આંકડાથી ઘણો વધારે છે. કુલ મોતનો આંકડો 2 લાખની નજીક પહોંચ્યાની સરકારી માહિતી શંકાસ્પદ છે. વિશ્લેષકોનું કહેવું છે કે નેતાઓ અને વહીવટી તંત્ર મોત ઓછાં બતાવી રહ્યાં છે. પરિવારજનો પણ સ્વજનનું કોરોનાથી મોત થયાનું શરમના માર્યા છુપાવે છે. ક્યારેય બંધ ન થતા ઇન્ડસ્ટ્રિયલ પ્લાન્ટની જેમ અમદાવાદમાં એક મોટા સ્મશાનગૃહમાં ચોવીસેય કલાક ચિતાઓ સળગી રહી છે.

ત્યાં કામ કરતા સુરેશભાઇ જણાવે છે કે તેમણે મોતનો આવો અંતહીન સિલસિલો અગાઉ ક્યારેય નથી જોયો. તેઓ મૃતકોનાં સ્વજનોને જે પહોંચ આપે છે તેમાં મૃત્યુનું કારણ નથી લખતા. કહે છે કે આવું કરવાનો અધિકારીઓનો આદેશ છે. ભારતની સ્થિતિ પર ચાંપતી નજર રાખતા મિશિગન યુનિ.ના મહામારી નિષ્ણાત ભ્રમર મુખર્જીનું કહેવું છે કે આ આંકડાનો સંપૂર્ણ સંહાર છે. અમે જેટલા મોડલ બનાવ્યા છે એના આધારે અમને વિશ્વાસ છે કે અસલ મૃત્યુઆંક જેટલો દર્શાવાઇ રહ્યો છે એનાથી બેથી પાંચ ગણો વધુ છે. થોડા મહિના અગાઉ ભારતમાં સ્થિતિ સારી હતી. અધિકારીઓ અને નાગરિકોએ ખરાબ દિવસો વીતી ચૂક્યા હોવાનું માનીને તકેદારી રાખવાનું છોડી દીધું.

સ્મશાનગૃહોમાં કામ કરતા લોકો કહે છે કે તેઓ થાકી ગયા છે. તેમણે ક્યારેય આટલા ટૂંકા ગાળામાં આટલી મોટી સંખ્યામાં લોકોને મરતા જોયા નથી. 14 એપ્રિલના રોજ સુરત અને ગાંધીનગરનાં સ્મશાનગૃહોમાં ટાઈમ્સને માહિતી મળી કે ત્યાં એક દિવસમાં 124 લોકોના અંતિમસંસ્કાર થયા છે. એ દિવસે અધિકારીઓએ સમગ્ર રાજ્યમાં કોવિડ-19થી 73 મોતની માહિતી આપી હતી. કાનપુર શહેરમાં કેટલાક બગીચામાં અંતિમસંસ્કાર શરૂ કરાયા છે, કેમ કે સ્મશાનગૃહોમાં જગ્યા નથી. અમદાવાદમાં વાડજ સ્મશાનગૃહમાં કાળા ધુમાડાનાં વાદળો જોવા મળી રહ્યાં છે. ક્લાર્ક સુરેશે ફોન પર કહ્યું હતું કે, તમામ મૃત્યુ પ્રમાણપત્ર પર કારણ બીમારી લખીએ છીએ. વધુ સવાલ પુછતાં તેણે ફોન બીજા અધિકારીને પકડાવી દીધો. એ અધિકારીએ સવાલ બીજા અધિકારીને રિફર કર્યો, જેણે જવાબ આપવાની ના પાડી દીધી.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links