અમદાવાદમાં RT-PCR ટેસ્ટ માટે ડ્રાઇવ-થ્રુ ટેસ્ટિંગ સેન્ટરો વધ્યા, હવે ચાંદખેડામાં પણ AMC ગ્રાઉન્ડમાં ટેસ્ટિંગ બુથ શરૂ કરાયું.

Published By : B.K.NEWS DAINIK
Published Date : 2021-05-05 12:55:51
Views : 257
Modified Date : 2021-05-05 12:55:51

રાજયમાં RT-PCR ટેસ્ટિંગને લઈને હાઇકોર્ટની ટકોર અને અમદાવાદ શહેરમાં રેપીડ ટેસ્ટીંગ માટે બનાવેલા ડોમમાં હવે માત્ર ગણતરીની કિટો આપી અને રોજના ગણતરીના જ ટેસ્ટિંગ કરવામાં આવે છે. ત્યારે RT-PCR ટેસ્ટની સંખ્યામાં વધારો કરવા માટે મ્યુનિસિપલ કોર્પોરેશને ખાનગી લેબોરેટરી એવી સાલવસ બાયોરિસર્ચ સોલ્યુશન સાથે મળી બોપલ બાદ ચાંદખેડા વિસ્તારમાં વિસત ગાંધીનગર હાઇવે પર વૃંદાવન પર્લ 2 સામે આવેલા AMC ગ્રાઉન્ડમાં ડ્રાઇવ થ્રુ RT-PCR ટેસ્ટીંગ શરૂ કર્યું છે. ચાંદખેડા અને મોટેરા વિસ્તારના લોકોને ટેસ્ટ માટે વસ્ત્રાપુર GMDC સુધી જવું પડતું હતું. પરંતુ હવે સાલવસ બાયોરિસર્ચ સોલ્યુશન દ્વારા શરૂ કરાયેલા સેન્ટર પર લોકો ટેસ્ટ કરાવી શકશે. ટેસ્ટ માટેનો સમય સવારે 8થી 6 સુધીનો રહેશે.

ઉલ્લેખનીય છે કે AMCએ ન્યુ બર્ગ સુપ્રટેક સાથે મળી GMDC ગ્રાઉન્ડ અને ત્યારબાદ કાંકરીયાના ફુટબોલ ગ્રાઉન્ડ સહિત 5 જગ્યાએ ડ્રાઇવ થ્રુના માધ્યમથી લોકોનું ટેસ્ટિંગ કરી રહી છે GMDC ગ્રાઉન્ડ ખાતે મળેલી સફળતા બાદ અને હાલની પરિસ્થિતિને જોતા ઉભી થયેલી જરુરિયાત મુજબ વધારાના બે સ્થળો રાણીપ અને બોડકદેવમાં અને રાણીપ ખાતે ડીમાર્ટ પાસે શરૂ કરવામાં આવ્યું છે. જ્યારે બોડકદેવ ખાતે રાજપથ ક્લબની પાસે કોર્પોરેશન સંચાલિત પ્લોટમાં બૂથ ઉભા કરવામાં આવ્યા છે.

અગાઉ GMDC ગ્રાઉન્ડ, કાંકરીયા ફુટબોલ ગ્રાઉન્ડ, રાણીપ, વસ્ત્રાલ ખાતે પણ ડ્રાઇવ થ્રુના બૂથનું સેટઅપ કરવામાં આવ્યું હતું. થોડા દિવસો પહેલા જ બોપલમાં પણ સોબો સેન્ટર પાસે નવું ડ્રાઈવ-થ્રુ ટેસ્ટિંગ શરૂ કરાયું હતું. ત્યારે હવે અમદાવાદમાં છેવાડે ચાંદખેડામાં ડ્રાઇવ થ્રુ ટેસ્ટ સેન્ટર બનાવવામાં આવતા મોટેરા, ચાંદખેડાના લોકોને સરળતા રહેશે. મહત્વનું છે કે આ તમામ બૂથ ઉપર દૈનિક 2 હજાર લોકોના ટેસ્ટિંગ કરવાનો અંદાજ છે.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links