ગોધરાનો રફીક ભટુકે સાબરમતી ટ્રેન સળગાવવા માટે પેટ્રોલ ભરી આપ્યું હતું, દિલ્હી સહિતના શહેરોમાં 19 વર્ષ સુધી ચોકીદાર બનીને સંતાઇ રહ્યો.

Published By : B.K.NEWS DAINIK
Published Date : 2021-02-16 13:24:06
Views : 354
Modified Date : 2021-02-16 13:24:06

સાબરમતી ટ્રેન હત્યાકાંડનો મુખ્ય આરોપી રફીક હુસેન ભટુક છેલ્લા 19 વર્ષથી દિલ્હી સહિતના શહેરોમાં ચોકીદાર, મજૂર અને ફ્રુટનો ફેરિયો બનીને સંતાતો ફરતો હતો. દરમિયાન ગોધરામાં આવતા પોલીસે તેને ઝડપી લીધો હતો. રફીક હુસેન ભટુકે ટ્રેન સળગાવવા પેટ્રોલ ભરી આપવાની કામગીરી કરી હતી. રેલવેની પોલીસ ફરિયાદમાં રફીક ભટુકને કોર ગ્રૂપનો મુખ્ય આરોપી દર્શાવાયો હતો.

રફીક હુસેન ભટુક છેલ્લાં 19 વર્ષથી દિલ્હી સહિતનાં અન્ય શહેરોમાં છુપાઇને રહેતો હતો. તાજેતરમાં ગોધરા આવેલો રફીક હુસેન ભટુક સિગ્નલ ફળિયામાં ઇમરાન મસ્જિદ પાસેના તેના ઘરે આવીને છૂપાઇ રહ્યો હોવાની બાતમી મળતાં ગોધરા એસઓજી અને બી ડિવિઝન પોલીસની ટીમે તેના ઘરેથી 51 વર્ષીય આરોપી ભટુકને દબોચી લીધો હતો. તેની પાસેથી મોબાઇલ, ચૂંટણીકાર્ડ મળ્યું હતું. તેને રેલવે પોલીસને સોંપાશે. ટ્રેન હત્યાકાંડના ત્રણ આરોપીઓ ફરાર છે, જેઓ પાકિસ્તાન ભાગી ગયા હોવાને લઇને તેઓ વિરુદ્ધ રેડ કોર્નર નોટિસ પણ ઇશ્યુ કરાઈ હતી. ટ્રેનકાંડમાં નામ ખૂલતાં રફીક ફરાર થયો હતો. આખરે 19 વર્ષે પકડાઇ ગયો હતો.

ગોધરા સાબરમતી ટ્રેન હત્યાકાંડનો આરોપી રફીક હુસેન ભટુક 33 વર્ષનો હતો ત્યારે વર્ષ 2002માં ટ્રેન સળગાવવા પેટ્રોલ ભરી આપવામાં સંડોવાયેલો હતો. ટ્રેન હત્યાકાંડનો આરોપી રફીક હુસેન ગોધરા રેલવે સ્ટેશન પર જે તે વખતે ફેરિયાનું કામ કરતો હતો. રેલવે પોલીસે તેને કોર ગ્રૂપનો મુખ્ય આરોપી તરીકે દર્શાવ્યો હતો. ટ્રેન કાંડનો 33 વર્ષનો આ આરોપીને 19 વર્ષ બાદ એટલે 51 વર્ષનો થયો ત્યારે પકડાયો હતો. ફરાર થયા બાદ રફીક દિલ્હી સહિતનાં અલગ-અલગ શહેરોમાં 19 વર્ષ સુધી જુદી જુદી ફેક્ટરીઓમાં ચોકીદારની નોકરી કરતો હતો.

ફાઇલ તસવીરઃ ગોધરા કાંડમાં સાબરમતી એક્સપ્રેસને સળગાવવામાં આવી હતી

સાબરમતી ટ્રેન હત્યાકાંડના રેલવે પોલીસ મથકે નોંધાયેલા ગુનામાં રફીક હુસેન ભટુકનો પણ સમાવેશ થતો હતો. રફીક ધરપકડ ટાળવા ઘરેથી ભાગી છૂટ્યો હતો અને દિલ્હીમાં જઈ ફેકટરીમાં કે અન્ય સ્થળે છૂટક મજૂરી કરી પોતાનું ગુજરાન ચલાવતો હોવાનું પોલીસની પ્રાથમિક તપાસમાં જણાય આવ્યું છે.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links