ડીસામાં સ્પોર્ટ્સ ક્લબ ખાતે SAVE SOIL અભિયાન દ્વારા લોકોમાં જાગૃતતા આવે તે માટે કાર્યક્રમનું આયોજન કરવાંમાં આવ્યું હતું.

Published By : B.K.NEWS DAINIK
Published Date : 2022-03-27 10:45:36
Views : 188
Modified Date : 2022-03-27 10:45:36

યુગદ્રષ્ટા સદગુરુના ઈશા ફાઉન્ડેશન દ્વારા માટી બચાવો અભિયાન શરૂ કરવામાં આવ્યું છે જે અંતર્ગત આજરોજ ડીસામાં સ્પોર્ટ્સ ક્લબ ખાતે SAVE SOIL અભિયાન દ્વારા લોકોમાં જાગૃતતા આવે તે માટે કાર્યક્રમનું આયોજન કરવાંમાં આવ્યું હતું..જેમાં 100થી પણ વધુ વિદ્યાર્થીઓએ ભાગ લીધો હતો

આજના જમાનામાં ખેડૂતો જમીનમાં વધુમાં વધુ પાક મેળવવા માટે અનેક રાસાયણિક દવાઓનો ઉપયોગ કરીને જમીનની ફળદ્રુપતા ઘટાડી રહ્યા છે જમીનમાં જે સેન્દ્રીય ખાતર હોવા જોઈએ તે હવે ધીમે ધીમે નષ્ટ પામી રહ્યા છે અને જો આવી જ રીતે ચાલતું રહ્યું તો આવનારા 50 વર્ષોમાં જમીનમાંથી કંઈપણ પેદાશ મેળવવી મુશ્કેલ બની જશે ત્યારે એક યોગી અને યુગદ્રષ્ટા સદગુરુ દ્વારા કરાઇ રહેલો માટી બચાવવા માટેનો 100 દિવસનો પ્રવાસ લંડનના પ્રસિદ્ધ ટ્રફાલ્ગર સ્ક્વેરથી શરૂ થયો છે. માટીનું અધઃપતન અટકાવવા અને તેને પાછું ઠેલવા માટેની એક તાકીદની માંગણીને પૂરી કરવા સદગુરુએ માટી બચાવવા માટેની કોન્સિયશ પ્લેનેટ ચળવળ શરૂ કરી છે.. યુકે, યુરોપ, મધ્ય પૂર્વ અને ભારતમાંથી પસાર થઈને 30,000 કિલોમીટરની એકલી મોટરસાઈકલ યાત્રા શરૂ કરીને સદગુરુ આગામી થોડા મહિનામાં 27 દેશોની મુલાકાત લેશે..જ્યાં તેઓ વિશ્વના નેતાઓ, મીડિયા અને વિશ્વભરના અગ્રણી નિષ્ણાતો સાથે મુલાકાત કરશે. જેમા તેઓ જમીનને બચાવવા માટેની તાત્કાલિક જરૂરિયાત પર પગલાં ભરવાનું મહત્વ જણાવશે..

યુનાઈટેડ નેશન્સ કન્વેન્શન ટુ કોમ્બેટ ડેઝર્ટિફિકેશન (UNCCD) મુજબ 2050 સુધીમાં પૃથ્વીની 90% થી વધુ જમીન અધોગતિ પામી શકે છે. જેના કારણે વિશ્વભરમાં આપત્તિજનક પરિસ્થિતિ ઊભી થઈ શકે છે. જમીનના અધોગતિને કારણે આપણી જમીન ખોરાક ઉગાડવાની ક્ષમતા ગુમાવી રહયી છે.. ત્યારે માટી બચાવો અભિયાન દ્વારા લોકોને જાગૃત કરવામાં આવી રહ્યા છે

SAVE SOIL અભિયાન અંતર્ગત સમગ્ર વિશ્વમાં વિવિધ કાર્યક્રમો થકી લોકોને જાગૃત કરવામાં આવી રહ્યા છે ત્યારે આજરોજ ડીસામાં સ્પોર્ટ્સ ક્લબના સૌજન્યથી ઈશા ફાઉન્ડેશનના વોલેન્ટીયર દ્વારા એક કાર્યક્રમનું આયોજન કરવામાં આવ્યું હતું..આ કાર્યક્રમમાં ડીસાની એંજલ્સ સ્કૂલના 100 થી પણ વધારે વિદ્યાર્થીઓ દ્વારા SAVE SOILની ધુન ઉપર સુંદર ડાન્સ પર્ફોમન્સ કરવામાં આવ્યું હતું.. આ સમગ્ર ડાન્સ પર્ફોર્મન્સની કોરિયોગ્રાફી પ્રણવ સોનગરા દ્વારા કરવામાં આવી હતી..આ કાર્યક્રમ દ્વારા વિદ્યાર્થીઓ,તેમના વાલી અને લોકોને જાગૃત કરવામાં આવ્યા હતા..શાળાના વિદ્યાર્થીઓએ પુરા ઉત્સાહ સાથે આ કાર્યક્રમમાં ભાગ લીધો હતો..વિદ્યાર્થીઓ દ્વારા માટી બચાવવાના આ અભિયાનમાં જોડાઈ ખરેખર ઉમદા કાર્ય કર્યું હતું..કાર્યક્રમના અંતે SAVE SOIL, SAVE SOILના નારા લગાવી નાસ્તો કરીને સૌ કોઈ છુટા પડયા હતા

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links