ઝાલોરમાં હાઈટેન્શન લાઈનની ઝપટમાં આવીને બસમાં લાગી આગ, 6 મુસાફરો જીવતા સળગ્યા; 36 દાઝ્યા.

Published By : B.K.NEWS DAINIK
Published Date : 2021-01-17 11:28:00
Views : 285
Modified Date : 2021-01-17 11:28:00

રાજસ્થાનના ઝાલોરમાં શનિવારે મોડી રાતે ભયાનક દુર્ઘટનામાં 6 લોકોનાં મોત થયા. દુર્ઘટના એક બસના 11 કેવી (11 હજાર વોલ્ટ) હાઈટેન્શન લાઈનની ઝપટમાં આવવાથી થઈ. જેના પછી બસમાં આગ લાગી ગઈ. આ ઘટનામાં 36 અન્ય લોકો દાઝ્યા છે. જેમની સારવાર ચાલી રહી છે. આ તમામ જૈન સમાજના શ્રદ્ધાળુ છે, જેઓ બસમાં સવાર થઈને નાકોડા જૈન મંદિરના દર્શન કરીને બ્યાવર પરત આવી રહ્યા હતા.

આ ઘટનામાં બ્યાવરના સોનલ, સુરભી, ચાંદ દેવી, અજમેરના રાજેન્દ્ર અને ડ્રાઈવર ધર્મચંદ જૈન તેમજ કન્ડક્ટરના મોત થયા છે. આ ઉપરાંત જયપુરના પ્રિયંકા, અજમેરના નિશા જૈન, બ્યાવરના શંકુતલા, અનૌસી, ભીલવાડાના શિલ્પા બાફના, બ્યાવરની સુનીતા, જયપુરના સીમા જૈન, રિતિકા અને શિલ્પા ઘાયલ છે.ઘટનાની માહિતી મળ્યા પછી ફાયર બ્રિગેડની ટીમ ઘટનાસ્થળે પહોંચી ગઈ અને આગને કાબુમાં કરી હતી. ઘાયલોનો ઈલાજ ઝાલોર જિલ્લા હોસ્પિટલમાં ચાલી રહ્યો છે. કેટલાક મુસાફરોની હાલત ગંભીર હોવાથી તેમને રિફર કરાયા છે.

દુર્ઘટના ઝાલોર જિલ્લાથી 7 કિમી દૂર મહેશપુરા ગામમાં શનિવારે રાતે 10.45 વાગ્યે બની. બસમાં સવાર તમામ શ્રદ્ધાળુ અજમેર અને બ્યાવરના છે. તેઓ બે બસોમાં સવાર થઈને શુક્રવારના રાત બ્યાવરથી રવાના થયા હતા. તમામ ઝાલોરના માંડોલીમાં જૈન મંદિરના દર્શન કરવા પહોંચ્યા હતા. દર્શન પછી તેઓ બ્યાવર પરત આવતી વખતે રસ્તો ભૂલીને મહેશપુરા ગામે પહોંચી ગયા હતા. મહેશપુરાની સાંકડી ગલીઓમાંથી પસાર થતી વખતે 11 કેવી લાઈનની ઝપટમાં બસ આવી ગઈ અને કરંટ ફેલાઈ જતા આખી બસમાં આગ લાગી ગઈ.

બસમાં સવાર મુસાફરોએ જણાવ્યું કે તેઓ નાકોડા પછી માંડોલીમાં દર્શન કરવા ગયા હતા. શનિવારે મોડી સાંજે તમામ ઝાલોર શહેર પહોંચી ગયા હતા. અહીં ભોજન કર્યા પછી તેમને બ્યાવર જવાનું હતું. ગૂગલ મેપથી બ્યાવરનો માર્ગ જોઈને બસ આગળ વધી રહી હતી. ભૂલથી બસ મહેશપુરા ગામમાં પહોંચી. બસ ગામની સાંકડી ગલીમાં પહોંચી ગઈ અને ત્યાં 11 કેવીની લાઈન ખૂબ નીચે હતી. બસનો કન્ડક્ટર તાર જોવા માટે ઉપર ચઢ્યો. કન્ડક્ટર 11 કેવીની લાઈન હટાવવા લાગ્યો અને કરંટ આખી બસમાં ફેલાઈ ગયો, જેનાથી આગ લાગી.