દસ વર્ષ બાદ શિક્ષકની બદલી થતાં ગામલોકોએ ખભે બેસાડીને વિદાય આપી, મહિલાઓએ પરંપરાગત આદિવાસી ડાન્સ કર્યો.

Published By : B.K.NEWS DAINIK
Published Date : 2021-02-02 11:56:38
Views : 418
Modified Date : 2021-02-02 11:56:38

આ દૃશ્યો એ વાતની સાક્ષી પૂરે છે કે સમાજમાં માતા-પિતા બાદ શિક્ષકને શ્રેષ્ઠ અને આદર્શ માનવામાં આવે છે. ને આવું સન્માન આંધ્ર પ્રદેશના વિજયનગર જિલ્લાના મલ્લુગુડામાં નરેન્દ્ર નામના શિક્ષકને આપવામાં આવ્યું હતું. પ્રાથમિક શાળામાં દસ વર્ષ સુધી શિક્ષક તરીકે સેવા આપ્યા બાદ તેમની બદલી થઈ હતી. જેથી શિક્ષક નરેન્દ્ર માટે ગામના આદિવાસી લોકોએ મોટા પાયે વિદાયનો કાર્યક્રમ યોજ્યો હતો. સાથી શિક્ષકો અને મંડળના લોકોએ શિક્ષકને ખભે બેસાડી ધૂમધામથી વિદાય આપી હતી. સ્થાનિક લોકોએ પ્રશંસા કરી હતી કે ભૂતકાળમાં આસપાસના વિસ્તારોમાં પણ આવો વિદાય સમારંભ ક્યારેય યોજાયો નથી. નરેન્દ્રએ આવું સન્માન રાતોરાત પણ નહોતું મેળવ્યું. આ માટે તેમણે સતત 10 વર્ષ સુધી વિદ્યાર્થીઓને શિક્ષિત કરવાની સાથે સાથે વાલીઓમાં પણ લોકચાહના મેળવી હતી. ગ્રામજનોએ તેમની સેવાઓને માન આપીને એક શોભાયાત્રામાં કાઢીને શિક્ષકને વિદાય આપી હતી. હાલ શિક્ષકની વિદાયનો આ વીડિયો સોશિયલ મીડિયા પર ખૂબ જ વાયરલ થઈ રહ્યો છે અને લોકો તેમની પ્રશંસા કરી રહ્યાં છે.