તાઉ-તે : દિલ્હીમાં વરસાદનો 120 વર્ષ જૂનો રેકોર્ડ તૂટ્યો, રાજસ્થાનમાં 14 કલાક સુધી વાદળા વરસ્યા; કેદારનાથમાં બરફવર્ષા.

Published By : B.K.NEWS DAINIK
Published Date : 2021-05-20 17:29:00
Views : 433
Modified Date : 2021-05-20 17:29:00

તાઉ તે વાવાઝોડાં અનેક રાજ્યોના હવામાનનો મિજાજ બગાડી નાખ્યો છે. સામાન્ય રીતે જ્યાં મેમાં અકળાવી નાખનાર ગરમી પડે છે, ત્યારે દેશના 6 રાજ્યોમાં વરસાદ વરસી રહ્યો છે. જેના પગલે અહીં તાપમાન ઘટી ગયું છે. હવામાન વિભાગ (IMD) મુજબ વાવાઝોડાંને કારણે દિલ્હી, રાજસ્થાન, ઉત્તર પ્રદેશ, હિમાચલ પ્રદેશ અને ઉત્તરાખંડનાં ભારે વરસાદ પડી રહ્યો છે. દિલ્હીમાં વરસાદનો 120 વર્ષ જૂનો રેકોર્ડ તૂટી ગયો છે.

બુધવારે અહીં 119.3 મિલીમીટર વરસાદ થયો, જે 1901થી અત્યાર સુધીમાં મેમાં એક દિવસમાં પડેલો સૌથી વધુ વરસાદ છે.રાજસ્થાનમાં સતત 14 કલાક સુધી વરસાદ પ્ડયો તો કેદારનાથના પહાડો પર બરફવર્ષા શરૂ થઈ ગયો છે. હવામાન વિભાગ મુજબ હાલ બંગાળના ખાડીમાં આવી રહેલા યાસ વાવાઝોડાંનો ખતરો પણ અનેક રાજ્યોમાં જોવા મળી રહ્યો છે, જે 22થી 26 મે વચ્ચે પોતાની અસર દેખાડી શકે છે.

દિલ્હીમાં બુધવારે થયેલા વરસ્દા પછી મેક્સિમમ ટેમ્પરેચર ઘટીને 23.8 ડિગ્રી સેલ્સિયસ થઈ ગયું છે. આ સામાન્યથી 16 ડિગ્રી ઓછું છે. 70 વર્ષ પછી મેમાં આટલું ઓછું ટેમ્પરેચર નોંધવામાં આવ્યું છે. ન્યૂયનત તાપમાન 19.3 ડિગ્રી રેકોર્ડ કરાયું છે, જે સામાન્યથી 7 ડિગ્રી ઓછું છે. આ પહેલાં દિલ્હીમાં મેમાં આટલું ઓછું તાપમાન 1951માં થયું હતું. દિલ્હીમાં ભારે વરસાદને કરાણે અનેક વિસ્તારોમાં પાણી ભરાય ગયા છે. જેનાથી વાહન વ્યવહારને અસર થઈ છે. હવામાન વિભાગ 12 મિલીમીટરને હળવું, 15થી 64.5 મિનીને સામાન્ય, 64.5થી 115.5 મિમીને ભારે અને 115.5 મિમીથી 204.4 મિમીને ઘણો જ વધારે વરસાદ પડ્યો હોવાનું માનવામાં આવે છે.

ચક્રવાતી વાવાઝોડું તાઉ તેની અસર બુધવારે પૂર્વી રાજસ્થાનમાં પણ જોવા મળી. જયપુર, ભરતપુર સંભાગના અનેક જિલ્લામાં 14 કલાકથી વધુ સમય સુધી સતત રિમઝિમ વરસાદ અને તેજ હવાઓની અસર જોવા મળી. હવામાનમાં આવેલા આ ફેરફારને કારણે પ્રદેશના 7 જિલ્લામાં બુધવારે દિવસનું ટેમ્પરેચર 25 ડિગ્રી સેલ્સિયસથી નીચે જોવા મળ્યું. અલવરમાં રાતનું ટેમ્પરેચર 21.2 ડિગ્રી સેલ્સિયસે પહોંચી ગયું હતું.