રાજ્યમાં બે લાખ રોજગારીની વાતો વચ્ચે ૨૬૩૪ તલાટી મંત્રીની ઘટ

Published By : B.K.NEWS DAINIK
Published Date : 2021-03-07 11:42:03
Views : 279
Modified Date : 2021-03-07 11:42:03

રાજ્યમાં સરકારી યોજનાઓ ગામડાના નાગરિકો સુધી પહોંચે તેનો મુખ્ય આધાર તલાટી કમમંત્રી ઉપર રહેલો હોય છે. તલાટી ગામના નાગરિકોના વિકાસનો આધાર છે. પરંતુ વિકાસ અને ગતિશિલ સરકારમાં ગામડાઓ ભાગી રહ્યા છે. નાગરિકોના કામ થતા નથી તેવી બૂમો પડે છે. તેનુ મુખ્ય કારણ રાજ્યની ગ્રામ
પંચાયતમાં ખાલી પડેલી જગ્યાઓ છે. વિધાનસભામાં પૂછાયેલા સવાલમાં ચોકાવનારા આંકડા આવ્યા છે. હાલમાં સમગ્ર રાજ્યમાં ૨૬૩૪ તલાટીઓની ઘટ જાેવા મળી રહી છે. જેમાં સૌથી વધુ ભાવનગરમાં ૧૬૦ અને અમરેલી જિલ્લામા ૧૫૧ ઘટ છે.
ખાનગીકરણમાં ઓતપ્રોત રહેતી સરકારમાં અનેક કચેરીઓ ખાલી પડી છે. નિવૃતિ બાદ પણ કર્મચારીઓને નોકરીમાં લેવામાં આવે છે. પરિણામે કામગીરીમાં ઝડપ આવતી નથી. ખારી દાનત હોવાના કારણે નાગરિકોના કામ મોડા થાય છે. ત્યારે વિધાનસભામાં શનિવારે કલોલના ધારાસભ્ય બળદેવજી ઠાકોરે સવાલ
પૂછ્યો હતો કે, હાલમાં રાજ્યમા તલાટી કમમંત્રીની કેટલી ઘટ છે, તેના જવાબમાં ચોકાવનારા આંકડા સામે આવ્યા હતા. રાજ્યમાં ૩૦ જૂન ૨૦૧૯ની સ્થિતિમાં રાજ્યમાં ૨૬૩૪
તલાટીઓની અછત સામે આવી રહી છે. સરકાર દ્વારા તલાટીઓની ભરતી પ્રક્રિયા હાથ ધરવામાં આવશે તેવો જવાબ આપવામાં આવ્યો છે. પરંતુ હજુ પણ સરકાર તેની વિચારણા કરી રહી છે. ક્યારે ભરતી કરશે તે કંઇ કહી શકતી નથી. જ્યારે જે ગ્રામ
પંચાયતમાં તલાટી નથી, તેવા ગામમાં ચાર્જમાં કર્મચારી મુકવામાં આવે છે. પરિણામે એક કર્મચારી ઉ૫ર કામનંુ ભારણ વધારી દેવામાં આવે છે. ઉલ્લેનિય છેકે, જાે વિધાનસભામાં એક ધારાસભ્યનુ અવસાન થાય તો તે જગ્યાને ૬ મહિનામાં ચૂંટણી કરી ભરી દેવામાં આવે છે. પરંતુ રાજ્યનો આધાર ગામડા ઉપર રહેલો છે, ત્યારે તે જગ્યાઓ ભરવામાં સરકાર વામણી પુરવાર થઇ રહી છે.

ભરતી પહેલા બદલી કેમ્પ કરવો જાેઇએ
સરકાર તલાટી કમ મંત્રીની જગ્યાઓ ભરવાની વિચારણા કરી રહી છે તેવો જવાબ આપવામાં આવ્યો છે. ત્યારે આ બાબતે કેટલાક તલાટીઓએ કહ્યુ હતુ કે, સરકારે ભરતી પહેલા જિલ્લા ફેરનો બદલી કેમ્પ કરવો જાેઇએ. જાે બદલી કેમ્પ કરવામાં આવે તો ફરીથી ત્યા જગ્યા ખાલી નહિ પડે, નહિ તો નોકરી કરતો તલાટી પરીક્ષા આપશે અને અન્ય જિલ્લામાં પસંદગી પામશે તો ફરીથી ત્યા જગ્યા ખાલી જ રહેશે.

કયા જિલ્લામાં કેટલા તલાટીની ઘટ
વિધાનસભામા જાહેર કરાયા મુજબ હાલમાં ૨૬૩૪
તલાટીઓની અછત છે. જેમાં અમદાવાદ ૧૨૨, અમરેલી ૧૫૧, આણંદ ૬૯, અરવલ્લી ૩૦, બનાસકાંઠા ૧૦૦, ભાવનગર ૧૬૦, ભરૂચ ૧૦૮, બોટાદ ૩૩, છોટા ઉદેપુર ૬૦, દાહોદ ૬૧, દેવભુમિ દ્વારકા ૭૨, ડાંગ ૧૧, ગાંધીનગર ૪૫, ગીરસોમનાથ ૭૮, જામનગર ૧૧૭, જૂનાગઢ ૧૪૩, ખેડા ૯૨, કચ્છ ૧૧૬, મહેસાણા ૧૧૮, મોરબી ૫૦, મહિસાગર ૩૪, નર્મદા ૬૧, નવસારી ૩૦, પંચમહાલ ૮૨, પાટણ ૮૬,
પોરબંદર ૪૧, રાજકોટ ૧૩૯, સુરેન્દ્રનગર ૧૧૯, સાબરકાંઠા ૩૧, સુરત ૯૪, તાપી ૪૬, વડોદરા ૭૪ અને વલસાડમાં ૬૩ જગ્યા ખાલી બતાવાઇ છે.