અમદાવાદના સફાઈકર્મીઓની હડતાળ આક્રમક, મ્યુનિ.કચેરી અને પોલીસ સ્ટેશનના દરવાજા બંધ કરતા આંદોલનકારીઓ ઉગ્ર.

Published By : B.K.NEWS DAINIK
Published Date : 2020-12-24 13:25:03
Views : 269
Modified Date : 2020-12-24 13:25:03

શહેરમાં નવા પશ્ચિમ ઝોનમાં ફરજ બજાવતા સફાઈકર્મચારીઓને વારસાઈનો હક મળે એવી માગ સાથે આજે સવારથી શહેરમાં ફરજ બજાવતા 17000 સફાઈકર્મી હડતાળ પર ઊતરી ગયા છે. સવારથી સફાઈકર્મીઓ બોડકદેવ ખાતે આવેલી ઉત્તરપશ્ચિમ ઝોનની ઓફિસે ભેગા થયા છે. કર્મીઓની ભીડ જામતા બોડકદેવ ઝોનલ ઓફિસના ગેટ પોલીસે બંધ કરાવી દીધા છે. મ્યુનિસિપલ કોર્પોરેશનનો કર્મચારી હોય કે સામાન્ય માણસ હોય કોઈને પણ અંદર જવાની પરમિશન આપવામા આવતી નથી. પોલીસે ઝોનલ ઓફિસના ગેટને બંધ કરાવી દેતાં કામકાજ અટકી પડ્યું છે. ત્યારબાદ વસ્ત્રાપુર પોલીસ સ્ટેશનના પણ ગેટ બંધ કરી દેવાતા નોકર મંડળની આકરા આંદોલનની ચીમકી આપવામાં આવી છે.

આજથી સફાઈ બંધ કરી દેવામાં આવી છે. 6200 જેટલા સફાઈકર્મી ઉત્તરપશ્ચિમ ઝોનમાં ફરજ બજાવે છે. આજે માગ નહિ સંતોષાય તો અચોક્કસ મુદતની હડતાળની ચીમકી પણ ઉચ્ચારવામાં આવી છે. સવારથી સફાઈકર્મીઓ બોડકદેવ ખાતે આવેલી ઉત્તરપશ્ચિમ ઝોનની ઓફિસે ભેગા થયા છે. બુધવારે સાંજે બોડકદેવ ઓફિસે પણ સફાઈકર્મીઓ રજૂઆત કરવા ગયા હતા ત્યારે એક સફાઈકર્મીએ ઝેરી દવા પી લીધી હતી, જેથી તેને સારવાર માટે સોલા સિવિલ હોસ્પિટલમાં મોકલી આપ્યો હતો. હાલમાં મોટી સંખ્યામાં સફાઈકર્મી ભેગા થઇ રોડ પર બેસી ગયા અને વાહનવ્યવહાર રોક્યો હતા. બોડકદેવ ઝોનલ ઓફિસના ગેટ પોલીસે બંધ કરાવી દીધા છે. મ્યુનિસિપલ કોર્પોરેશનનો કર્મચારી હોય કે સામાન્ય માણસ હોય કોઈને પણ અંદર જવાની પરમિશન આપવામા આવતી નથી. પોલીસે ઝોનલ ઓફિસના ગેટને બંધ કરાવી દેતાં કામકાજ અટકી પડ્યું છે.

સફાઈ કામદારના આગેવાનોની ડેપ્યુટી મ્યુનિસિપલ કમિશનર સી.આર. ખરસાણ સામે પોલીસ ફરિયાદની માગણી કરવામાં આવી છે. માગણી નહિ સંતોષાય ત્યાં સુધી લડત ચાલુ રહેશે. ડેપ્યુટી મ્યુનિસિપલ કમિશનરના નામે હાય હાયના નારા લીધા. અમદાવાદ મ્યુનિસિપલ નોકર મંડળના મહામંત્રી કલ્પેશ મકવાણાએ જણાવ્યું કે, ડેપ્યુટી મ્યુનિસિપલ કમિશનર સી.આર.ખરસાણ અને સોલિડ વેસ્ટ મેનેજમેન્ટના ડાયરેક્ટર હર્ષદ સોલંકી સામે ફરિયાદ કરવાની માંગ કરવામાં આવી છે. અત્યારે વસ્ત્રાપુર પોલીસ સ્ટેશનમાં બંને સામે ફરિયાદ કરવામાં આવશે. આજે હડતાળ યથાવત રહેશે.

ઝોન 1 ડીસીપી ડો. રવિન્દ્ર પટેલ બોડકદેવ ઝોનલ ઓફિસ ખાતે પહોંચ્યા હતા. ઓફિસ પર પહોંચ્યા ત્યારે ડીસીપી ડો.રવિન્દ્ર પટેલ પોતે ગાડી અંદર ઓફિસ પરિસરમાં લેવડાવી હતી. પોતે ગાડીમાંથી નીચે ઉતરવાની તસદી લીધી ન હતી. ગાડી અંદર લેવડાવી હતી અને પોતે બેસી રહ્યા હતા. સફાઈ કામદારોને ઉભા કર્યા હતા.ઉત્તર પશ્ચિમ ઝોનના સફાઈકર્મીઓને વારસાઈ હક મળે તેવી માંગ કરવામા આવી રહી છે. બોડકદેવ, ઘાટલોડિયા, ગોતા, ચાંદલોડિયા, થલતેજ સહિતના વિસ્તારમાં ફરજ બજાવતા સફાઈકર્મીઓ હક માગી રહ્યા છે. બીજીતરફ કોર્પોરેશનના અધિકારીઓ સફાઈકર્મીઓના પ્રશ્ન મામલે એકબીજા પર ઢોળી રહ્યા છે. બોડકદેવ ઓફિસના દરવાજા બંધ કરી પોલીસ બંદોબસ્ત ગોઠવી દેવાયો. અન્ય કામ માટે આવતા લોકોને પણ અંદર જવાની મનાઈ ફરમાવવામાં આવી.

ગઈકાલે અમદાવાદમાં થલતેજ વોર્ડના સફાઈ કર્મીએ બોડકદેવ ઝોનલ ઓફિસમાં ઝેરી દવા ગટગટાવતાં ચકચાર મચી જવા પામી હતી. સફાઈકર્મીઓના પ્રશ્નોને લઈને રજુઆત કરવા જતાં ઉપરી અધિકારીઓ દ્વારા યોગ્ય જવાબ ન મળતા આ પગલુ ભર્યાની પ્રાથમિક માહિતી મળી હતી. થલતેજ વોર્ડના આ સફાઈ કર્મીને 108 મારફતે સોલા સિવિલમાં સારવાર અર્થે ખસેડવામાં આવ્યો હતો.જ્યાં તેનું મોત નીપજ્યું હતું. જેથી આજે સફાઈ કર્મીઓ હડતાળ પર ઉતરીને વિરોધ પ્રદર્શન કરી રહ્યા છે.