અમદાવાદની સિવિલ હોસ્પિટલમાં ધનતેરસે ભગવાન ધન્વંતરીની વિશેષ પૂજાનું આયોજન

Published By : B.K.NEWS DAINIK
Published Date : 2020-11-13 13:22:10
Views : 240
Modified Date : 2020-11-13 13:22:10

કોરોના કાળ વચ્ચે દિવાળીનો તહેવાર ઉજવાઈ રહ્યો છે. ત્યારે દિવાળી પર્વમાં ધનતેરસના દિવસે ભગવાન ધન્વંતરીની પૂજાનું વિશેષ મહત્વ છે. ભગવાન ધન્વંતરીને વૈધ અને ચિકિત્સકોના દેવ તરીકે માનવામાં આવે છે. એટલે તબીબો માટે ધનતેરસનો દિવસ ખૂબજ મહત્વનો હોય છે. આ દિવસે તબીબો ધન્વંતરીની પૂજા અર્ચના કરે છે. ત્યારે અમદાવાદની સિવિલ હોસ્પિટલમાં ભગવાન ધન્વન્તરીની પૂજા કરવામાં આવી હતી.સિવિલ સુપ્રિડેન્ડેન્ટ ડૉ. જે.પી મોદી સહિત ડૉક્ટરો, નર્સ તથા અન્ય સ્ટાફ આ પૂજનવિધિમાં જોડાયાં હતાં અને ભગવાન ધન્વંતરીની પૂજા કરી હતી. સિવિલ હોસ્પિટલમાં દર વર્ષે ભગવાનની પૂજાનો કાર્યક્રમ યોજવામાં આવે છે. આ વખતે કોરોના કાળમાં સિવિલ કેમ્પસમાં યોજાયેલ પૂજાવિધિમાં ડૉકટરોએ સૌના સ્વચ્થ સ્વાસ્થ્યની કામના કરી હતી. દર્દીઓને ઝડપથી દર્દમાં રાહત થાય તથા તેઓ સાજા થઈને ફરીવાર જીવનની એક નવી સફર શરુ કરે તેવા ભગવાન પાસે આશિર્વાદ માંગ્યાં હતાં. દર વર્ષે ભગવાન ધન્વંતરિને સ્વાસ્થ્ય અને સમૃદ્ધિની કામના કરવામાં આવે છે.