વડોદરામાં પુત્રએ માતાની ઘાતકી હત્યા કરીને ઘરની પાછળના ભાગે લાશને સળગાવી દેવાનો પ્રયાસ કર્યો, હત્યા કર્યાં બાદ બે હાથ જોડીને મૃતદેહ પાસે જ ઉભો રહ્યો.

Published By : B.K.NEWS DAINIK
Published Date : 2020-12-29 15:15:14
Views : 339
Modified Date : 2020-12-29 15:15:14

વડોદરા શહેરના ગોત્રી વિસ્તારમાં આવેલા જય અંબેનગરમાં પુત્રએ માતાની ઘાતકી હત્યા કરીને લાશને સળગાવી નાખવાનો પ્રયાસ કરતા ચકચાર મચી ગઈ છે. માતાની હત્યા કર્યાં બાદ પુત્ર બે હાથ જોડીને લાશ પાસે જ ઉભો રહ્યો હતો અને ઓમ નમઃ શિવાયના જાપ કર્યાં હતા. ગોત્રી પોલીસે આરોપી પુત્રની અટકાયત કરીને કાયદેસરની કાર્યવાહી હાથ ધરી છે.

ગોત્રી વિસ્તારના અંબિકા નગરની પાછળ આવેલા જય અંબેનગરમાં માતા-પુત્ર એકલા રહેતા હતા. 27 વર્ષીય પુત્ર દિવ્યેશ સરદારસિંહ બારીયા છૂટક ડ્રાઇવિંગ કરતો હતો અને 50 વર્ષીય માતા ભીખીબેન બારીયા ઘરકામ કરતા હતા. સોમવારે રાત્રે માતા અને પુત્ર વચ્ચે કોઇક કારણોસર માથાકૂટ થતા ઉશ્કેરાયેલા પુત્રએ માતાના છાતીથી પેટ સુધી કાચનો ટુકડાથી હુમલો કરી દીધો હતો. જેમાં માતાનું કમકમાટીભર્યું મોત નીપજ્યુ હતું, ત્યાર બાદ ઘટના પાછળ ઢાંકપિછોડો કરવા પુત્રએ ઘરના પાછળના ભાગે આવેલા ખુલ્લા મેદાનમાં માતાની લાશને સળગાવવાનો પ્રયાસ કર્યો હતો અને ત્યાર બાદ માતાની લાશ પાસે જ ઉભો રહી ગયો હતો અને ઓમ નમઃ શિવાયના જાપ કર્યાં હતા.

મહિલાની હત્યાની જાણ થતાં સ્થાનિક લોકો એકત્ર થયા હતા અને ગોત્રી પોલીસને જાણ કરી દીધી હતી. લોકોએ માતાની હત્યા કરનાર પુત્ર સામે ફિટકાર વરસાવી હતી. ઘટનાની જાણ થતાં જ મૃતક મહિલાની દીકરી સજ્જનબેન અને જમાઈ દોડી આવ્યા હતા. તેઓ વડોદરાના બાપોદ વિસ્તારમાં આવેલા હિરાબાનગરમાં રહે છે.ગોત્રી પોલીસ મથકના કાફલો ઘટના સ્થળે દોડી આવ્યો હતો અને મહિલાના મૃતદેહને પોસ્ટમોર્ટમ માટે મોકલી આપ્યો હતો. પોલીસે આરોપી પુત્રની અટકાયત કરીને તલસ્પર્શી તપાસ શરૂ કરી છે. આ ગુનાની વધુ તપાસ ગોત્રી પોલીસ સ્ટેશનના PI એચ. વી. ચૌધરીએ હાથ ધરી છે.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links