ડીસા નગરપાલિકાએ વસાવ્યું ૫ લાખનું સેનીટાઇઝર પ્રેશર મશીન

Published By : B.K.NEWS DAINIK
Published Date : 2020-04-13 11:46:03
Views : 420
Modified Date : 2020-04-13 11:46:03

કોરોના નામની વિશ્વવ્યાપી આ બીમારીને ડામવા માટે દરેક રાજ્યમાં અલગ અલગ પ્રયાસ હાથ ધરવામાં આવ્યા છે. ત્યારે ડીસા નગરપાલિકાએ પણ આ બીમારી સામે લડવા સેનીટાઈઝર પ્રેશર મશીન વસાવ્યું છે.
ડીસા નગરપાલિકા ગુજરાતની પ્રથમ એવી
નગરપાલિકા બની છે જેને આ સેનીટાઇઝર પ્રેશર મશીન લાવ્યું છે. આ મશીનની ખાસિયત એ છે કે આ ૬૦ ફૂટ જેટલો એરિયા કવર કરે છે અને ૨૦ ૨૦ મીટર સુધીની લંબાઈ સુધીના અંતરને આ મશીન સેનીટાઇઝ કરી શકશે. તેમજ મશીન કદમાં નાનું હોવાથી ડીસાની નાનામાં નાની ગલીમાં જઇને તેને સેનીટાઇઝ કરી શકશે. આ ઉપરાંત આ મશીન ફાયર ફાઈટરનું પણ કામ કરે છે. આ મશીન ૩ કિલોમીટર સુધી પ્રેશર સાથે પાણીનો છંટકાવ કરી આગ પર કાબુ મેળવી શકે છે. એટલે આ મશીનનો ફાયર ફાઈટર તરીકે ઉપયોગ થઈ શકશે. આ મશીન ૫ લાખની કિંમતમાં ડીસા નગરપાલિકા દ્વારા ખરીદવામાં આવ્યું છે. જેનું લોકાર્પણ ડીસાના ધારાસભ્ય શશીકાંત પંડયા, નગરપાલિકા ચીફ આફિસર ગઢવી,
નગરપાલિકા પ્રમુખ કાંતિલાલ સોની દ્વારા નગરપાલિકના કર્મચારીઓની હાજરીમાં કરવામાં આવ્યું હતું.