કોરોનાનું વધતું સંક્રમણ:મેયર ઉતર્યા મેદાનમાં, સિટીબસમાં માસ્કનું કર્યું વિતરણ

Published By : B.K.NEWS DAINIK
Published Date : 2021-03-20 14:12:36
Views : 245
Modified Date : 2021-03-20 14:12:36

રાજકોટમાં કોરોનાનું સંક્રમણ વધતા હવે રાજકોટના મેયર ખુદ મેદાને આવ્યા છે. આજે કે. કે. વી. હોલ ખાતે મેયર ડો. પ્રદીપ ડવ સીટીબસમાં મુસાફરીને માસ્ક પહેરવા અપીલ કરી હતી. સાથે જ કોરોના માટે વધુમાં વધુ લોકોના એન્ટીજન ટેસ્ટ થાય તે માટે આરોગ્ય વિભાગને સૂચનાઓ આપી હતી.

રાજકોટમાં વધતા જતા કેસોને પગલે તંત્ર દોડતું થયું છે. રાજકોટના મેયર ડો. પ્રદિપ ડવ આજે કે. કે. વી હોલ ખાતે સીટી બસમાં પહોંચ્યા હતા અને લોકોને સોશિયલ ડિસ્ટન્સ જાળવવા અને જે લોકોએ માસ્ક નહોતા પહેર્યા તેવા લોકોને માસ્કનું વિતરણ પણ કર્યુ હતુ. ડો. પ્રદિપ ડવે લોકોને સાવચેતી રાખવા અને કોવિડના નિયમોનું પાલન કરવા અપીલ કરી હતી. તો રોડ પર રિક્ષાઓમાં જતા મુસાફરો અને ફૂટપાથ પર રહેતા ગરીબ લોકોને માસ્કનું વિતરણ કર્યું હતું.

છેલ્લા 24 કલાકમાં રાજકોટમાં 115 કેસ સામે આવ્યા છે. ત્યારે કોરોનાનું ટેસ્ટિંગ વધુ થાય તેવા પ્રયાસ કરવા મેયરે આરોગ્ય વિભાગને સૂચના આપી છે. રાજકોટના કે. કે. વી હોલ ચોક અને રૈયા ચોકડીએ એન્ટીજન ટેસ્ટ માટેના બે બુથ શરૂ કરવામાં આવ્યા છે. મેયર પ્રદીપ ડવે જણાવ્યુ હતું કે, જાહેર સ્થળો પર લોકોને મોટી સંખ્યામાં એકત્ર ન થવા અપીલ છે સાથે જ ભાજપના પ્રદેશ અધ્યક્ષ સી. આર. પાટીલે પણ રાજકીય જમાવડા ન કરવા સૂચનાઓ આપી છે તેનું પાલન કરવામાં આવશે.