અમદાવાદમાં સ્કૂલ વર્ધી કરતા રીક્ષા ચાલકને બાળકની માતા સાથે પ્રેમ થયો, 2015થી દુષ્કર્મ આચરતો હતો

Published By : B.K.NEWS DAINIK
Published Date : 2021-03-27 17:51:24
Views : 669
Modified Date : 2021-03-27 17:52:19

અમદાવાદમાં પ્રેમનો ગજબનો કિસ્સો સામે આવ્યો છે. જેમાં એક સ્કૂલ વર્ધી કરતા રીક્ષા ચાલકને એક બાળકની માતા સાથે પ્રેમ થઈ ગયો હતો. આ દરમિયાન તે બાળકની માતા સાથે 2015થી દુષ્કર્મ ગુજારતો હતો. તે ઉપરાંત મહિલાને પરિવારને જાણ કરવાની ધમકી પણ આપતો હતો. મહિલાએ આ અંગે પોલીસ ફરિયાદ નોંધાવતા પોલીસે આરોપી રીક્ષા ચાલકની ધરપકડ કરી છે.

પ્રાપ્ત વિગતો પ્રમાણે શહેરના મેઘાણીનગરમાં રહેતી 32 વર્ષીય બે દીકરાની માતાને સ્કૂલ વર્ધી કરતા યુવક સાથે મિત્રતા થઈ હતી.મહિલા છેલ્લા કેટલાક સમયથી નોકરી કરે છે. મહિલાના લગ્ન 2007માં રીતરિવાજ મુજબ થયા હતા. વર્ષ 2014થી એક યુવક મહીલાને જોઈને હસતો હતો. આ યુવક રીક્ષા લઇ મહિલાના બે બાળકોને સ્કૂલે મુકવા જતો હતો. આ દરમિયાન પરિચયમાં આવી જતા બન્નેની આંખ મળી ગઈ હતી. દરમિયાનમાં ઘરમાં જ રીક્ષા ચાલક આવી જઈ મહીલા સાથે શારીરિક સંબંધ બાંધતો હતો.

આ યુવક મહિલાના પતિ અને પરિવારને જાણ કરવાની ધમકી આપી નરોડા અને શાહીબાગની હોટેલમાં લઇ જઇ મહિલા સાથે દુષ્કર્મ ગુજારતો હતો. આ યુવકે મહિલા સાથે 2015થી અત્યાર સુધી અલગ અલગ જગ્યા પર લઇ જઇ દુષ્કર્મ કર્યું હતું. આ યુવક મહિલાના પૈસે જ યુવક ખરીદી કરતો હતો.આખરે મહિલાને રિવરફ્રન્ટ બોલાવી તેને ગાડદા પાટુ નો માર માર્યો હતો. આખરે મહિલાએ આ અંગે ગુનો નોંધાવતા મેઘાણીનગરના રીક્ષા ચાલક બ્રિજેશ રાજુ રાંગીતની પોલીસે ધરપકડ કરી હતી.