કોરોના ગ્રહણ ઇતિહાસમાં પ્રથમવાર રથ મંદિર પરિસરમાં ફર્યા

Published By : B.K.NEWS DAINIK
Published Date : 2020-06-24 11:31:16
Views : 353
Modified Date : 2020-06-24 11:31:16

અમદાવાદના જમાલપુર આવેલા મંદિરમાંથી ભગવાન જગન્નાથજીની ૧૪૩મી રથયાત્રા આ વર્ષે કોરોનાકાળમાં નગરચર્યાએ નથી નીકળી અને મંદિરપરિસરમાં જ રથોને
પરિક્રમા કરાવવામાં આવી હતી. ઇતિહાસમાં ૧૪ દાયકા બાદ પ્રથમ વખત જ ભગવાન જગન્નાથજીનો રથ મંદિરના પ્રાંગણમાં જ ફર્યે છે. આ સમયે દર્શન માટે આતુર ભક્તોએ હાથી ઘોડા પાલકી જય કનૈયા લાલ કી, જય રણછોડ માખણ ચોરના નારા વચ્ચે ત્રણેય રથે
પરિક્રમા પૂર્ણ કરી હતી. જેમા
ં પહેલા ભગવાન જગન્નાથજીનો રથ, ત્યારબાદ બહેન સુભદ્રાનો રથ અને છેલ્લે ભાઇ બલરામના રથને મંદિર પરિસરમાં પ્રસ્થાન કરાવવામાં આવ્યું હતું. આ પૂર્વે મંદિર પરિસરની આસપાસ ચુસ્ત પોલીસ બંદોબસ્ત ગોઠવવામાં આવ્યો હતો.
કોરોના મહામારીનું ગ્રહણ અમદાવાદ ની રથયાત્રા ને પણ નડયું છે. ત્યારે આજે અષાઢી બીજના પાવન પર્વ પર ભગવાન જગન્નાથજી, બહેન સુભદ્રાજી તેમજ ભાઈ બલભદ્રજીની રથયાત્રા ફકત મંદિરના પરિસરમાં જ ફરી હતી. સવારના વહેલી પરોઢે ૪ વાગ્યે ભગવાન જગન્નાથજીની મંગળા આરતી કરવામાં આવી હતી. જ્યારે રાજ્યના મુખ્યમંત્રી વિજયભાઈ રૂપાણીએ સવારના ૭ કલાકે ભગવાનના રથની આગળ સોનાની સાવરણી દ્વારા માર્ગ સ્વચ્છ કરીને પહિંદવિધિ કરાવી હતી અને ત્યારબાદ ભગવાનના રથનું પ્રસ્થાન કરાવ્યું હતું. શણગારેલા
ગજરાજોએ સૌપ્રથમ મંદિર
પટાંગણમાં જ પ્રદક્ષીણા કરી હતી. ત્યારબાદ મુખ્યમંત્રીએ ભગવાન જગદિશનો રથ ખેંચીને પ્રસ્થાન કરાવ્યું હતું.
મુખ્યમંત્રી વિજયભાઈ
રૂપાણીએ જણાવ્યું કે, કોરોનાકાળમાં ભગવાન જગન્નાથજીની રથયાત્રા નગરચર્યાએ નહીં નિકળી શકે અને વર્ષેથી ચાલી આવતી આ પરંપરામાં ફેરફાર થયો છે. હાઈકોર્ટના ચુકાદાને પગલે આ વર્ષે રથ ફકત મંદિર પરિસરમાં ફેરવવામાં આવ્યો છે. અષાઢી બીજીના પર્વ પર કચ્છી લોકોનું નવું વર્ષ હોવાથી તેમને મુખ્યમંત્રીએ શુભેચ્છા પાઠવી હતી. રૂપાણીએ વધુમાં જણાવ્યું કે, હું ભગવાન જગન્નાથજીને પ્રાર્થના કરૂ છું કે મહામારીના સમયમાં તેઓ લોકોનું રક્ષણ કરી તેમાંથી ઉગારે. અને રાજયના લોકોનું આરોગ્ય સારૂ રહે તેવી પ્રાર્થના. સરકારે
હાઈકોર્ટમાં અરજી કરી રથ યાત્રાને શરતી મંજૂરી આપવા અરજી પણ કરી હતી. ભગવાન જગન્નાથજીની અષાઢી બીજના
પર્વ પર સવારે ચાર કલાકે નીજ મંદિરમાં મંગળા આરતી યોજાઈ હતી. રાયના ગૃહમંત્રી પ્રદીપસિંહ જાડેજા અને મેયર બીજલબેન
પટેલ પણ મંગળા આરતીમાં
ઉપસ્થિત રહી ભગવાનના આર્શિવાદ મેળવ્યા હતા.
મંદિરનાં મહંત, ટ્રસ્ટી અને રાજયનાં ગૃહમંત્રી પ્રદીપસિંહ સાથે પહિન્દ વિધિ બાદ દોઢ કલાક જેટલી મંત્રાણા ચાલી હતી. જેમાં મહંત દિલીપદાસજી મહારાજને રથ મંદિરની બહાર લઇ જવા હતા પરંતુ તે શકય ન બન્યું. ત્રણેય રથનું મંદિર
પરિસરમાં પ્રસ્થાન કરાવવામાં આવ્યું હતું. ત્યારબાદ ૬ વાગ્યાથી ભગવાનને રથમાં બિરાજમાન કરાવવામાં આવ્યા હતા. ભગવાન જગન્નાથજી નંદિઘોષમાં, બહેન સુભદ્રાજી કલ્પધ્વજ રથમાં તેમજ બલભદ્રજી તાલધ્વજમાં બિરાજમાન થયા હતા.
અમદાવાદમાં ભગવાન જગન્નાથજીની રથયાત્રા યોજવાના મુદ્દે રાત્રે બે વાગ્યા સુધી ગુજરાત હાઈકોર્ટમાં હાઈવોલ્ટેજ ડ્રામા ચાલ્યો હતો. હાઈકોર્ટે બે વાગ્યા સુધી ઓનલાઈન સુનાવણી કરી તમામ પક્ષોને સાંભળી અંતે ભકતો અને લોકોના આરોગ્યની ચિંતા વ્યકત કરતા ગુજરાત સરકારની અરજીને ફગાવી દેવામાં આવી હતી અને ભગવાન જગન્નાથજીની રથયાત્રાને નગરચર્યાએ નિકળવા પરનો પ્રતિબંધ યથાવત્ રખાયો હતો.
જ્યારે પુરીના શ્રી જગન્નાથજી મંદિરે અષાઢી બીજના દિવસે દર વર્ષે નીકળતી રથયાત્રા ૪૫૨ વર્ષના ઇતિહાસમાં ૩૨ વખત નથી નીકળી. દર વર્ષની જેમ આ વખતે પણ પુરીમાં ભગવાન જગન્નાથની ઐતિહાસિક રથયાત્રા કેટલીક શરતો સાથે કાઢવામાં આવી હતી. સુપ્રીમ કોર્ટે કેટલાક પ્રતિબંધ સાથે કોરોના મહામારી વચ્ચે
પરવાનગી આપી હતી.

ડીસામાં પ્રથમવાર રથયાત્રા રદ થતા ભક્તો નિરાશ
અષાઢી બીજ એટ્‌લે ભગવાન જગન્નાથને નગરચર્યા પર નીકળવાનો દિવસ. સદીયોથી અષાઢી બીજના દિવસે ધામધૂમથી ભગવાન જગન્નાથની રથયાત્રા નીકળતી હોય છે. પરંતુ વર્તમાન સમયમાં કોવિડ-૧૯ને લીધે જિલ્લામાં ભગવાન જગન્નાથની રથયાત્રાને ગ્રહણ લાગ્યું છે. આ વર્ષે ભગવાન જગન્નાથની રથયાત્રા મુલતવી રાખવામાં આવી છે. ત્યારે ડીસામાં પણ આ વર્ષે કોવિડ-૧૯ ને રામજી મંદિરથી દર વર્ષે અષાઢી બીજના ધામધૂમથી નીકળતી ભગવાન જગન્નાથની શોભાયાત્રા આ વર્ષે મોકૂફ રાખવામાં આવી હતી. રામજી મંદિર ખાતે ભગવાનના માત્ર દર્શન કરવા માટે મંદિરને ખુલ્લુ મૂકવામાં આવ્યું હતું. જેમાં દર્શન કરવા આવતા દર્શનાર્થીઓને સેનીટાઈજ કર્યા બાદ સોશિયલ ડિસ્ટન્સ જળવાઈ રહે તે રીતે દર્શન કરવાની વ્યવસ્થા કરવામાં આવી હતી. આ ઉપરાંત મંદિરમાં લોકોની ભીડ એકત્રિત ના થાય તે માટે
પોલીસ વિભાગ દ્વારા મંદિરની ૧૦૦ મીટરની ત્રિજયાને સીલ કરી દેવામાં આવી હતી અને ચુસ્ત પોલીસ બંદોબસ્ત
આભાર - નિહારીકા રવિયા ખડકી દેવામાં આવ્યો હતો. આ અંગે રથયાત્રાના આયોજક મુકેશ
પંડ્‌યાએ જણાવ્યું હતું કે, ડીસાના ઇતિહાસમાં પ્રથમવાર ભગવાન જગન્નાથની રથયાત્રા કોરોના વાયરસને લઈ મોકૂફ રાખવામાં આવતા ભગવાનના દર્શન કરવા માટે આતુરતાથી રાહ જોઈ રહેલા ભકતોમાં નિરાશા જોવા મળી હતી.