કોરોના રસીકરણ બીજાે તબક્કો સરકારીમાં મફત-ખાનગી હોસ્પિ.માં રસીના ૨૫૦ રૂપિયા ચૂકવવા પડશે

Published By : B.K.NEWS DAINIK
Published Date : 2021-02-28 11:17:24
Views : 292
Modified Date : 2021-02-28 11:17:24

કોરોના રસીકરણ બીજાે તબક્કો
સરકારીમાં મફત-ખાનગી હોસ્પિ.માં રસીના ૨૫૦ રૂપિયા ચૂકવવા પડશે
રાજ્યના નાયબ મુખ્યમંત્રીએ પહેલી માર્ચથી નાગરિકોને વેક્સિન આપવાની પ્રક્રિયા શરૂ થશે ઃ સરકાર માન્ય ખાનગી હોસ્પિટલોમાં વેક્સિન અપાશે
બી.કે.ન્યૂઝ ઃ ગાંધીનગર
દેશની સાથે સાથે ગુજરાતમાં પણ પહેલી માર્ચથી એટલે કે સોમવારથી ૬૦ વર્ષ કે તેથી મોટી ઉંમરના તેમજ ૪૫થી ૫૯ વર્ષના કો-મોર્બિડ કન્ડીશન ધરાવતા લોકોને કોરોના રસી આપવાની શરૂઆત થશે. રાજ્યના નાયબ મુખ્યમંત્રી નીતિન પટેલે જાહેરાત કરી છે કે, કોરોના વાયરસ સામે હેલ્થ વર્કર અને ફ્રન્ટલાઈન વર્કર્સને રક્ષણ આપવા રસીકરણ અભિયાનની પૂર્ણાહુતિ સાથે જ હવે કેન્દ્ર સરકારના માર્ગદર્શન મુજબ રાજ્યમાં પહેલી માર્ચથી સામાન્ય નાગરિકો માટે પણ રસીકરણની પ્રક્રિયા શરું કરવાં આવશે. આ સાથે જ નાયબ મુખ્યમંત્રીએ ટિ્‌વટ કરીને જણાવ્યું છે કે કેન્દ્ર સરકાર દ્વારા સમાન્ય નાગરીકો માટે કોરોના વેકસીનની કિંમત નક્કી કરવામાં આવી છે જે અંતર્ગત ખાનગી હોસ્પિટલમાં કોરોના વેક્સિન લેવા માટે રુ. ૨૫૦ ચૂકવવા પડશે જ્યારે સરકારી હોસ્પિટલમાં આ વેક્સિન વિનામૂલ્યે આપવામાં આવશે.
નાયબ મુખ્યમંત્રીએ આ સાથે સ્પષ્ટતા કરી છે કે આરોગ્ય વિભાગ દ્વારા માન્ય ખાનગી હોસ્પિટલોમાં કોરોના વેક્સિન આપવામાં આવશે. જેમાં રુ. ૧૫૦ વેક્સિનની કિંમત પેટે અને રુ. ૧૦૦ વહીવટી ચાર્જ સ્વરુપે એમ કુલ મળીને રુ. ૨૫૦ પ્રતિ ડોઝ લેવામાં આવશે.
અત્રે નોંધનીય છે કે, ફ્રન્ટલાઈન વર્કર્સ અને આરોગ્યો કર્મચારીઓ બાદ હવે સામાન્ય નાગરિકોને કોરોનાની રસી આપવા માટેની તૈયારીઓ શરૂ થઈ છે. અમદાવાદમાં પહેલી માર્ચથી સામાન્ય નાગરિકોને કોરોનાની વેક્સિન આપવામાં આવશે. અમદાવાદ શહેરમાં અત્યાર સુધીમાં હેલ્થ વર્કર્સ, ફ્રંટ લાઈન વર્કર્સને હોસ્પિટલ પ્રશાસનમાં વેક્સિનેશન સેંટરમાં વેક્સિન આપવાની કામગીરી કરવામાં આવી હતી. પરંતુ હવે શહેરના અલગ અલગ સેંટર
પર સામાન્ય નાગરિકોને કોરોનાની રસી આપવામાં આવશે.
પ્રથમ તબક્કામાં અંદાજે ૫૦ જેટલા સેંટરો પર વેક્સિનેશનની કામગીરી શરૂ કરવામાં આવશે. રાજ્ય સરકાર મહાનગર પાલિકાઓને સરક્યુલર મોકલ્યા બાદ કેટલા વ્યકિતઓને વેક્સિન આપવી તે અંગે ર્નિણય કરવામાં આવશે. અમદાવાદ મહાનગર
પાલિકાની તૈયારીઓ અનુસાર જે ૫૦ વર્ષથી ઉપરના અને અન્ય બિમારી ધરાવતા નાગરિકોનો સર્વે હાથ ધરાયો હતો. તે તમામ નાગરિકોને વેક્સિન આપવાની કામગીરી શરૂ કરવામાં આવશે. ૧ માર્ચે કેન્દ્ર સરકાર કોવિડ ૨.૦ વેબસાઈટ લોન્ટ કરશે, એના
પર યોગ્ય ઉંમર ધરાવનાર વ્યક્તિએ રજિસ્ટ્રેશન કરાવાનું રહેશે. ઉપરાંત આરોગ્ય સેતુ મોબાઈલ એપ હોય તો એમા એક નંબર ઉપર ચાર વ્યક્તિનું રજિસ્ટ્રેશન થઈ શકશે. આ નોંધણી માટે આધાર્ડ કાર્ડ, પાન કાર્ડ, ડ્રાઈવિંગ લાયસન્સ,
પાસપોર્ટ, ઈલેક્શન કાર્ડ સહિત ફોટા સાથેના સરકારના માન્ય ઓળખપત્રોની જરૂર રહેશે.
મીડિયા રિપોર્ટ મુજબ જે લોકો પાસે સ્માર્ટ ફોન ન હોય અથવા ઓનલાઈન રજિસ્ટ્રેશન કરવામાં સમસ્યા થતી હોય તો એવા લોકોએ સરકાર દ્વારા નિયત સરકારી અને ખાનગી રસીકરણ કેન્દ્રો ખાતે દસ્તાવેજાે સાથે જઈને ઓફલાઈન રજિસ્ટ્રેશન પણ કરાવી શકશે. ૪૫થી ૫૯ વર્ષની ઉંમરના઼ કો-મોર્બિડ કન્ડીશન ધરાવતા નાગરિકો માટે ૨૦ પ્રકારની ગંભીર બીમારી કેન્દ્ર સરકારે નિયત કરી છે. જેમાં એક વર્ષમાં હાર્ટ એટેક આવ્યો હોય, હાર્ટની ગંભીર બીમારી, જન્મજાત બીમારી, કેથેટર, સ્ટેન્ટ મૂકાયા હોય, કિડની અને લિવરની ગંભીર બીમારી, ડાયાબિટીસ, હાઈપરટેંશન અને એન્ઝાયટી એમ ત્રણ ભેગી બીમારી, કેન્સર, એચઆઈવી, સિક્લસેલ, થેલેસેમિયા મેજરનો સમાવેશ થાય છે. જે લોકોને આ બીમારીની સારવાર ચાલતી હોય તેમણે રજિસ્ટ્રર્ડ મેડિકલ પ્રેક્ટિશનરનું સર્ટિફિકેટ પણ જાેડીને રસીકરણ માટે રજિસ્ટ્રેશન કરાવવાનું રહેશે.