24 વર્ષની પીડિતાએ કહ્યું- તે મારા શરીરને ચૂંથી રહ્યો હતો, ચીસ પાડી તો માથામાં પથ્થર માર્યો, મેં કરગરતા કહ્યું- રેપ કરી લો, પણ જીવ ન લેશો.

Published By : B.K.NEWS DAINIK
Published Date : 2021-02-19 13:10:08
Views : 44431
Modified Date : 2021-02-19 13:10:08

ભોપાલના કોલાર વિસ્તારમાં રહેતી 24 વર્ષની નિક્કી (નામ બદલ્યું છે) સાથે 16 જાન્યુઆરીએ જેકે હોસ્પિટલ પાસે દુષ્કર્મ કરવામાં આવ્યું છે. નિક્કીએ વિરોધ કર્યો તો આરોપીએ તેના માથા પર પથ્થર મારી દીધો હતો. છોકરીને ધક્કો વાગતા તે પડી ગઈ તો તેની કરોડ રજ્જૂ પર ગંભીર ઈજા આવી છે. એમ્સમાં ઓપરેશન કરવામાં આવ્યું છે અને તેમાં 42 ટાકાં લેવામાં આવ્યા છે. પરંતુ હાલની સ્થિતિ પ્રમાણે તે બિલકુલ હલી નથી શકતી. પહેલીવાર નિક્કીએ ભાસ્કરને તેની કહાની સંભળાવી છે.

હું 16 જાન્યુઆરીની સાંજે 7.30 વાગે રોજની જેમ ઈવનિંગ વોક પર નીકળી હતી. જેકે હોસ્પિટલ તરફથી દાનિશકુંજ ચાર રસ્તા તરફ જઈ રહી હતી, ત્યારે જ હોસ્પિટલથી અંદાજે 200 મીટર આગળ નર્સરી પાસે સામેથી એક છોકરો આવતો દેખાયો હતો. નજીક આવતા જ તેણે મને જોરથી ધક્કો માપ્યો. હું રસ્તાના કિનારે આવેલા પાંચ ફૂટ ઉંડા ખાડામાં પડી ગઈ. મારી કરોડરજ્જૂ ટૂટી ગઈ. મે જેકેટ છોડાવવાનો પ્રયત્ન કર્યો તો તેણે મને ઝાડીઓમાં ધક્કો મારી દીધો. તે મારા શરીરને ચૂંથવા લાગ્યો અને બટકાં ભરવા લાગ્યો. તે દુષ્કર્મનો પ્રયત્ન કરી રહ્યો હતો. હું હાથ પગ હલાવીને બચવાનો પ્રયત્ન કરી રહી હતી પરંતુ તે મને મારી રહ્યો હતો.

મેં ચીસ પાડી તો તેણે પથ્થર લઈને મારા માથામાં ઘણી વખત માર્યો. મને કશી ખબર નહતી પડતી કે હું શું કરું. એક મીનિટ માટે મને એવું લાગ્યું કે એ મને જીવતી નહીં છોડે. તેથી જીવ બચાવવા હું તેને કરગરી- તું રેપ કરી લે, હું ચીસો નહીં પાડું, કોઈને ફોન પણ નહીં કરું, પરંતુ મને પથ્થરથી મારીશ નહીં. થોડો શ્વાસ તો લેવા દે. તેણે પથ્થર મારવાનું બંધ કર્યું. તેણે અંદાજે 5 મિનિટ સુધી મારી સાથે રેપ કર્યો. હું હેલ્પ-હેલ્પની બુમો પાડતી હતી. સારુ થયું કે, મરો અવાજ ત્યાંથી પસાર થતાં એક યુવક-યુવતી સુધી પોંચી ગયો. બંને ઝાડીઓમાં આવ્યા. આરોપી તેમને જોઈને મને અધમુઈ છોડીને ભાગી ગયો.

નિક્કીએ આગળ કહ્યું કે, મને બેભાન થતાં પહેલા એટલું યાદ છે કે, તે બંનેએ ફોન કરીને કાર બોલાવી અને મને કારમાં રાખીને લઈ ગયા. તેઓ મને એમ્સ લાવ્યા હતા. મારી કરોડરજ્જૂ ટૂટી ગઈ છે, માથામાં ઘણી ઈજા થઈ છે અને ટાંકા પણ આવ્યા છે. ડોક્ટર્સે કરોડરજ્જૂમાં સળીયો નાખ્યો છે. ઓપરેશન તો થઈ ગયું છે, પરંતુ હું મારી મરજીથી એક ઈંચ પણ હલી નથી શકતી. કમરની નીચેનો ડાબી બાજુનો હિસ્સો પેરલાઈઝ થઈ ગયો છે. ડાબો પગ રોકાયા વગર જ હલ્યા કરે છે. ઓછામાં ઓછા આગમી છ મહિના સુધી દરેક સેકન્ડ મારે પથારીમાં રહેવું પડશે. પોલીસે જેટલી મને પીડા આપી છે, તેટલી જ પોલીસ આરોપીને છુપાવી રહી છે. કોલાર પોલીસ 17 જાન્યુઆરીએ એમ્સ પહોંચી. તેમણે દાનિશકુંજ ચારરસ્તા પર આવેલા સીસીટીવી કેમેરાનું રેકોર્ડિંગ જપ્ત કરી લીધું છે. તેમાં તે આરોપી સામેની બાજુથી મને ધક્કો મારતો દેખાઈ રહ્યો છે.

પોલીસ ત્રણ દિવસ સુધી એવું જ કહેતી રહી કે, આરોપી કોઈ પરિચીત જ હશે. પરંતુ 20 દિવસપછી તેમણે અચાનક જણાવ્યું કે, મહાબલી નગરના એક યુવકે આરોપ સ્વીકારી લીધો છે. તેની ધરપકડ કરી લેવામાં આવી છે. પરંતુ પોલીસ હજી સુધી આરોપીને પીડિતા સામે લઈને આવી નથી. મેં આરોપીના અવાજનો ઓડિયો પણ માંગ્યો છે, જેથી હું તેને ઓળખી શકું. પરંતુ પોલીસે એ પણ નથી આપ્યું. આ જીવલેણ હુમલો હતો, રેપનો પ્રયત્ન હતો અને છતા પણ પોલીસ સામાન્ય મારઝૂડનો કેસ માની રહી છે. મારી માતા મને વ્હીલચેર, સ્ટ્રેચર પર પોલીસ સ્ટેશન લઈ જવા તૈયાર છે, જેથી આરોપીની ઓળખ કરી શકું. પરંતુ પોલીસ ના આરોપીનો ફોટો દર્શાવી રહી છે, ના અમને સામ-સામે કરી રહી છે. માતાએ ગયા મંગળવારે મુખ્યમંત્રી શિવરાજ સિંહ ચૌહાણ પાસે પણ મદદ માંગી છે. હું ઈચ્છું છું કે, તેણે મને જેટલી પીડા આપી, તે પણ એટલી પીડાથી તડપે. આ વર્ષે દિવાળી સુધી હું નોકરી કરતી હતી. માતાને કોવિડ થયો હતો તો આરમ કરવો પડ્યો હતો. પહેલાં નોકરી જતી રહી અને હવે આ દુર્ઘટના થઈ.

કોલાર પોલીસ સ્ટેશનના ટીઆઈ સુધીર અરજરિયાએ કહ્યું કે, ઘટનાવાળી જગ્યા પરથી એક એક્ટિવ મોબાઈલ નંબર મળ્યો છે, જે હરિયાણાના કોઈ છોકરાનો છે. પરંતુ તે છોકરાનો આ ઘટના સાથે કોઈ સંબંધ નથી. ત્યારપછી અમે બીજા એક છોકરાની ધરપકડ કરી છે. તેની માહિતી અમને એક સાક્ષી દ્વારા આપવામાં આવી છે. છેડતીના તે આરોપીની ધરપકડ કરીને તેને જેલ મોકલી દેવામાં આવ્યો છે. તે મહાબલી નગરમાં રહે છે.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links