સુરતના બારડોલી, કામરેજ,પલસાણા,મહુવા, માંગરોળમાં વરસાદ, ધરતીપુત્રોમાં ખુશીની લહેર છવાઇ.

Published By : B.K.NEWS DAINIK
Published Date : 2023-06-26 14:29:59
Views : 94
Modified Date : 2023-06-26 14:29:59

સુરત જિલ્લામાં વાતાવરણમાં પલટો જોવા મળ્યો છે. સુરત શહેરમાં વહેલી સવારથી જ અનેક વિસ્તારમાં વરસાદ વરસી રહ્યો છે. તો બીજી તરફ સુરત જિલ્લામાં પણ વરસાદી માહોલ જોવા મળ્યો છે. વરસાદના કારણે તાવરણમાં ઠંડક પ્રસરી છે. તો ધરતીપુત્રોમાં ખુશીની લહેર જોવા મળી છે.સુરત શહેર અને જિલ્લામાં મેઘરાજાનું આગમનસુરત જિલ્લામાં ચોમાસું સક્રિય થયું છે. શહેર અને જિલ્લામાં છેલ્લા બે ત્રણ દિવસથી વાદળછાયા વાતાવરણ વચ્ચે છૂટો છવાયો વરસાદ વરસી રહ્યો હતો, પરંતુ ગઈકાલ મોડી સાંજથી જ સુરત જિલ્લાના વાતાવરણમાં પલટો જોવા મળ્યો હતો. આજે વહેલી સવારથી જ સુરત શહેરમાં પણ વરસાદી માહોલ જોવા મળ્યો છે.સુરત શહેરમાં વહેલી સવારથી જ કાળા ડીબાંગ વાદળો વચ્ચે વરસાદી માહોલ સર્જાયો છે. વરસાદના કારણે સ્કુલ-કોલેજ જતા તેમજ નોકરી ધંધે જતા લોકોને રેઈનકોટ તેમજ છત્રી લઈને જવાની ફરજ પડી હતી. મોડી રાતથી જ શહેરમાં મેઘરાજાનું આગમન થતા વાતાવરણમાં ઠંડક પ્રસરી હતી. જેના કારણે લોકોને ગરમીથી રાહત મળી છે.બીજી તરફ સુરત જિલ્લામાં પણ વરસાદી માહોલ જોવા મળ્યો છે. ગત બપોરથી જ સુરત જિલ્લાના વાતાવરણમાં પલટો આવ્યો હતો અને ચોમાસું સક્રિય થયું હોય તેમ વરસાદી માહોલ જોવા મળ્યો છે. આજે વહેલી સવારથી જ સુરત જિલ્લાના બારડોલી, કામરેજ, પલસાણા, મહુવા, માંગરોળ પંથકમાં વરસાદ વરસી રહ્યો છે. સુરત જિલ્લામાં વરસાદના કારણે રસ્તાઓ પર પાણી ફરી વળ્યા હતા. બીજી તરફ વરસાદના કારણે ધરતીપુત્રોમાં ખુશીની લહેર જોવા મળી છે.સુરત શહેરમાં પણ વહેલી સવારથી વરસાદી માહોલ છે. સુરતના અલગ અલગ વિસ્તારોમાં વરસાદ વરસ્યો છે. જેમાં કતારગામ, અડાજણ, પાલ, ભાગળ, પીપલોદ અને અમરોલીમાં પણ વરસાદ નોંધાયો છે.