તમિલનાડુના પ્રવાસ પર ગયેલા રાહુલે ગામ લોકોની સાથે મશરૂમ બિરયાની બનાવી, લોકોની સાથે રાહુલે બિરિયાનીની લિજ્જત પણ માણી.

Published By : B.K.NEWS DAINIK
Published Date : 2021-01-31 13:24:26
Views : 264
Modified Date : 2021-01-31 13:24:26

કોંગ્રેસ નેતા રાહુલ ગાંધી તામિલનાડુના ત્રણ દિવસીય પ્રવાસ પર હતા. રાજ્યમાં આ વર્ષે વિધાનસભાની ચૂંટણી યોજાવાની છે અને રાહુલની નજર અહીંની તેમની પાર્ટીની ખોવાયેલી જમીન ફરીથી મેળવવા પર છે. આ માટે તેઓ એક મહિનામાં બીજી વખત તમિલનાડુની મુલાકાતે ગયા હતા. આ દરમિયાન તેઓ જલ્લીકટ્ટૂમાં સમલે થયા, રોડ શો યોજ્યો અને વિવિધ સમુદાયોના લોકો સાથે વાત કરી. આ દરમિયાન તેમનો એક વીડિયો સામે આવ્યો છે, જેમાં તેઓ બિરયાની બનાવવામાં ગામ લોકોને મદદ કરી રહ્યો છે. આ વીડિયોને અત્યાર સુધીમાં 68 લાખથી વધુ લોકો જોઇ ચૂક્યા છે.

લગભગ 14 મિનિટનો આ વીડિયો શુક્રવારે અપલોડ કરવામાં આવ્યો હતો. કેટલાક લોકો તેમાં બિરયાની બનાવવાની તૈયારી કરી રહ્યા છે. ત્યારે જ રાહુલ ગાંધી ત્યાં પહોંચે છે. તેઓ તે લોકો સાથે વાત કરે છે. રાહુલ સાથે એક ટ્રાન્સલેટર પણ છે. તે રાહુલને ગ્રામજનો સાથે વાત કરવામાં મદદ કરી રહી છે. આ દરમિયાન રાહુલ ગ્રામજનોને બિરયાની બનાવવામાં મદદ કરવા જણાવે છે. તેઓ તેમની સાથે ભળી જવા માટે તમિલમાં કેટલાક શબ્દો પણ બોલે છે. રાહુલે કેળાનાં પાન પર ગામ લોકો સાથે બિરયાની લિજ્જત પણ માણી હતી.

આ પછી, દરેક સાથે બેસીને વાત કરતા જોવા મળે છે. રાહુલ તેમને પૂછે છે કે તેઓ આગળ શું કરવા માગે છે. તે બાબત પર એક ગ્રામીણ કહે છે કે અમે કુકિંગ માટે વિદેશમાં પણ જવા માંગીએ છીએ. તે બાબત પર રાહુલ કહે છે કે મારો એક સારો મિત્ર અમેરિકામાં રહે છે. હું તેઓને કહીશ કે તેઓ આપને ત્યાં બોલાવે અને કુકિંગ માટે તક આપે. રાહુલે કહ્યું કે તે આ વિશે સેમ પિત્રોડાને જણાવશે. રાજીવ ગાંધીની નજીકના રહેલા સેમ પિત્રોડાને પૂર્વ પીએમ મનમોહન સિંહના સલાહકાર બનાવવામાં આવ્યા હતા.

રાહુલ ગાંધીએ 23 જાન્યુઆરીએ રાજ્યમાં પાર્ટીના પ્રચારની શરૂઆત કરી હતી. આ દરમિયાન તેમના નિશાના પર મોદી સરકાર અને રાષ્ટ્રીય સ્વયંસેવક સંઘ હતું. તેઓ કેન્દ્ર સરકારની નીતિઓ પર સતત હુમલો કરી રહ્યા છે.1967માં તમિલનાડુની સટ્ટાથી બહાર થયા બાદ કોંગ્રેસે ક્યારેય વાપસી કરી નથી. 2016ની વિધાનસભાની ચૂંટણીમાં કોંગ્રેસે માત્ર 8 બેઠકો જીતી હતી. આ વખતે અટકળો ચાલી રહી છે કે કોંગ્રેસ ડીએમકે સાથે ચૂંટણી લડશે.તમિળનાડુમાં ભાજપે વિધાનસભાની ચૂંટણી અન્નાદ્રમુક (AIADMK) સાથે મળીને વિધાનસભા ચૂંટણી લડવાની જાહેરાત કરી છે. જો કે, બંને પક્ષો વચ્ચે હજી બેઠકોની વહેંચણી અંગેનો નિર્ણય લેવામાં આવ્યો નથી. આ અગાઉ બંને પક્ષોએ 2019ની લોકસભાની ચૂંટણીઓ પણ સાથે લડી હતી. ત્યારે રાજયમાં સરકાર ચલાવી રહેલ AIADMK માત્ર એક જ બેઠક જીતી શક્યુ હતુ. ભાજપ ખાતું પણ ખોલાવી શક્યું ન હતુ.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links