ડીસામાં બનેલા 200 કરોડના એલિવેટેડ ઓવરબ્રિજથી સમસ્યાઓની ભરમાર

Published By : B.K.NEWS DAINIK
Published Date : 2022-07-08 14:09:00
Views : 809
Modified Date : 2022-07-08 14:09:00

કામગીરી દરમિયાન હેવી મશીનરીથી નીચેનો રોડ તૂટી જતા ભારે હાલાકી

બાંધકામનો કાટમાળ ગટરમાં ભરાતાં વરસાદી પાણી સોસાયટીઓમાં ભરાય છે

ડીસામાંથી પસાર થતાં નેશનલ હાઇવે ઉપર રૂપિયા 200 કરોડ ઉપરાંતના ખર્ચે ગુજરાતનો સૌથી લાંબો એલિવેટેડ ઓવરબ્રિજ બનાવવામાં આવેલ છે પરંતુ ઓવરબ્રિજ બનતાં હેવી મશીનરીના લીધે નીચેનો રોડ તૂટી જવા પામ્યો છે અને ગટરોમાં કચરો ભરાઈ જતાં સોસાયટીઓમાં વરસાદી પાણી ભરાઈ જતા ભારે હાલાકીઓ વેઠવાનો વારો આવ્યો છે.

કરોડોનો ખર્ચ કરવા છતાં પણ સમસ્યાઓ યથાવત
ડીસાના નેશનલ હાઇવે પર વારંવાર ઉભી થતી ટ્રાફિક સમસ્યાના નિવારણ માટે કેન્દ્ર સરકાર દ્વારા બે વર્ષ અગાઉ મંજુર કરવામાં આવેલ એલિવેટેડ ઓવરબ્રિજની કામગીરી પૂર્ણ થયાં ને એક વર્ષ જેટલો સમય વિતવા છતાં નેશનલ હાઇવે ઓથોરીટી અને રચના કન્સ્ટ્રકશન કંપની દ્વારા ડીસા શહેરની જનતાને પડતી મુશ્કેલીઓનો આજદિન સુધી નિકાલ ન આવતાં શહેરીજનો સહિત હાઇવે પરથી પસાર થતાં વાહન ચાલકો ભારે હાડમારી વેઠી રહ્યાં છે.

સમસ્યાના કાયમી ઉકેલ માટે લેખિતમાં રજૂઆત કરાઈ
આથી ડીસાની વિવિધ સંસ્થાઓ સાથે સંકળાયેલા અને જૈન શ્રેષ્ઠી હસમુખભાઈ વેદલીયાએ ઓવરબ્રિજની કામગીરી દરમિયાન ઉભી થયેલી સમસ્યાના કાયમી ઉકેલ માટે મુખ્યમંત્રી, જીલ્લા કલેકટર, નેશનલ હાઇવે ઓથોરીટી, નગરપાલિકા સહિતને લેખિત રજૂઆત કરવામાં આવી છે.