થરા નગરપાલિકાની 20 બેઠકો માટે મતદાન યોજાયું

Published By : B.K.NEWS DAINIK
Published Date : 2021-10-04 11:40:56
Views : 273
Modified Date : 2021-10-04 11:40:56

થરા નગરપાલિકા માટે આજે સવારે સાત વાગ્યાથી મતદાન પ્રક્રિયા શરૂ થઇ ગઇ છે, નગરપાલિકાની 24 માંથી ચાર બેઠકો પર અગાઉ જ ભાજપ બિનહરીફ વિજેતા થયું છે, જેથી 20 બેઠકો માટે આજે સવારથી મતદાન શરૂ થયું છે. થરા નગર પાલિકામાં કુલ 15 કેન્દ્રો પર મતદાન ચાલી રહ્યું છે જેમાંથી બે કેન્દ્ર અતિસંવેદનશીલ છે જ્યારે કુલ 11400 જેટલા મતદારો પોતાના મતાધિકાર નો ઉપયોગ કરી સદસ્યો ચૂંટશે.

થરા નગરપાલિકાની આજે યોજાયેલી ચૂંટણીમાં સવારથી જ 15 કેન્દ્ર પર મતદારો પોતાના ઉમેદવારને મત દાન આપવા માટે પહોંચી ગયા હતા ખાસ કરીને સૌથી વધુ મતદાન મથકો પર લાઈનો સવારથી સાંજ સુધી મહિલાઓની જોવા મળી હતી. આમ આજે થરા નગરપાલિકાની ચુંટણીને લઈ મતદારોમાં ભારે ઉત્સાહ જોવા મળી રહ્યો છે. પોતાના વિસ્તારમાં અને ખાસ કરીને થરા ના તમામ વોર્ડમાં જે ઉમેદવાર વિકાસને વેગ આપશે તેવા ઉમેદવારોને જ મત આપવા ઉમેદવારો જણાવી રહ્યા હતા.ત્યારે સવારથી જ પુરુષો સાથે સાથે મહિલાઓ ની પણ લાંબી કતારો મતદાન માટે ઉમટી પડી હતી.

થરા ખાતે આજે યોજાયેલી ચૂંટણીમાં કોઇ અનિચ્છનીય બનાવ ન બને તે માટે પોલીસ દ્વારા પણ ચુસ્ત પોલીસ બંદોબસ્ત ગોઠવી દેવામાં આવ્યો છે અને પોલીસ જવાનો સહિત કુલ 300 જેટલા કર્મચારીઓ નિગરાની હેઠળ મતદાન પ્રક્રિયા ચાલી રહી છે. ત્યારે ચોક્કસથી કહી શકાય કે આજે થરા ખાતે યોજાયેલી નગરપાલિકાની ચૂંટણીમાં લોકોમાં એકતા જોવા મળ્યો હતો તો ક્યાંક ને ક્યાંક સવારથી મતદાન મથકો પર ઉમેદવારો પણ ઓછી સંખ્યામાં જોવા મળ્યા હતા.

આજે થરા નગરપાલિકા ખાતે સવારથી જ 20 બેઠકો માટે 15 કેન્દ્ર પર મતદાન પ્રક્રિયા હાથ ધરાઈ હતી જેમાં સવારથી જ મતદારોએ ઉત્સાહભેર મતદાન કર્યું હતું અને પોતાના વિસ્તારમાં જે પણ ઉમેદવાર વિકાસ કરશે તેવા ઉમેદવારોને મતદાન આપવાનો બીજા જ ઉમેદવારોએ જણાવ્યું હતું તો આ તરફ ભાજપની ચાર ઉમેદવારો બિન હરીફ વિજેતા બનતા કોંગ્રેસ બેડામાં ખળભળાટ મચી જવા પામ્યો હતો. વિજેતા બનેલા ઉમેદવારોએ જણાવ્યું હતું કે જેમ પ્રજાએ અમારા પર વિશ્વાસ મૂકીને અમને વિજય બનાવ્યા છે તેમ આ વખતે પણ અમારા પાંચ વર્ષના થરા નગર પાલિકાના વિકાસના કામોને પ્રજા વેગ આપી ફરી એકવાર ભાજપને વિજયી બનાવી નગરપાલિકા નું સુકાન આપશે.જેથી આવનારા સમયમાં હજુ પણ થરા વિસ્તારનો વિકાસ વચ્ચે તેવું જણાવ્યું હતું.

થરા ખાતે આજે યોજાયેલી ચૂંટણીમાં કોંગ્રેસે પણ પોતાની જીત નિશ્ચિત છે તેવું જણાવ્યું હતું ગત વર્ષે પણ થરા નગરપાલિકામાં ભાજપ અને કોંગ્રેસની બારબાર સીટો થતા બંને વચ્ચે ટાઈ પડી હતી પરંતુ જે બાદ ભાજપે બાજી મારતા નગરપાલિકા નું સુકાન ભાજપે સંભાળ્યું હતું ત્યારે આજે યોજાયેલી ચૂંટણીમાં સવારથી જ મતદારો એ મોટી સંખ્યામાં મતદાન કરતા નજરે પડ્યા હતા જેથી કોંગ્રેસના ઉમેદવારોએ જણાવ્યું હતું કે આ વખતે ભાજપ દ્વારા કરવામાં આવેલા ભ્રષ્ટાચાર અને રોડ પાણી સફાઈ જેવી સુવિધાથી લોકો પરેશાન થયા છે જેના કારણે આ વખતે કોંગ્રેસ થરા નગરપાલિકામાં વિજય બનશે.

થરા ખાતે આજે ચુસ્ત પોલીસ બંદોબસ્ત વચ્ચે નગરપાલિકાની ચૂંટણી નું મતદાન યોજાયું હતું આ મતદાનની પ્રક્રિયા દરમિયાન સવારથી જ મતદારો એ મોટી સંખ્યામાં સાંજ સુધી મતદાન કર્યું હતું 15 કેન્દ્ર પર યોજાયેલા આ મતદાને લઈ લોકોમાં પણ ભારે ઉત્સાહ જોવા મળ્યો હતો ત્યારે હવે આજે સાંજે મતદાન પૂર્ણ થયા બાદ તમામ ૨૦ ઉમેદવારોનું ભાવિ evm મશીનમાં શીલ થયું હતું. ત્યારે હવે જોવાનું એ રહ્યું કે બે દિવસ બાદ જ્યારે મતગણતરી છે ત્યારે કોણ મેદાન મારે છે અને કોણ મેદાનથી બહાર રહે છે એ તો પરિણામ આવ્યા બાદ જ ખબર પડશે.