સ્ટેચ્યૂ ઓફ યુનિટીને દેશ સાથે જોડતી 8 ટ્રેનને પીએમ મોદી રવાના કરશે, દેશના પહેલા ગ્રીન બિલ્ડીંગ રેલવે સ્ટેશનનું વર્ચ્યુઅલ લોકાર્પણ કરશે.

Published By : B.K.NEWS DAINIK
Published Date : 2021-01-17 11:25:00
Views : 273
Modified Date : 2021-01-17 11:25:00

પીએમ મોદી આજે કેવડિયાને દેશના વિવિધ પ્રદેશોથી જોડતી 8 ટ્રેનોને વિડિયો કોન્ફરન્સિંગ દ્વારા રવાના કરશે. આ ટ્રેનો સ્ટેચ્યૂ ઓફ યુનિટીને સીમલેસ ક્નેક્ટિવિટી પ્રદાન કરશે. આ ઉપરાંત દેશના પહેલા ગ્રીન બિલ્ડીંગ રેલવે સ્ટેશનનું વર્ચ્યુઅલ લોકાર્પણ કરશે. વડાપ્રધાન સમારોહ દરમિયાન ગુજરાતમાં રેલવે સંબંધિત અન્ય અનેક પ્રોજેક્ટ્સનું ઉદ્ઘાટન પણ કરશે. આ પ્રસંગે ગુજરાતના મુખ્યમંત્રી અને કેન્દ્રીય રેલવે પ્રધાન ઉપસ્થિત રહેશે.

પ્રધાનમંત્રીના હસ્તે દિલ્હીથી વર્ચ્યુઅલના માધ્યમથી આજે કેવડિયા રેલવે સ્ટેશનના લોકાર્પણ અને નવી રેલવે સેવાઓના પ્રારંભ કરાવશે. જેમની સાથે રેલ મંત્રી પિયુષ ગોયેલ પણ વર્ચ્યુઅલ રીતે દિલ્હી રેલ ભવનથી કાર્યક્રમમાં હાજર રહ્યા છે. આજે કેવડિયા ખાતે દેશનું પ્રથમ ઇકો ફ્રેન્ડલી રેલવે સ્ટેશનનું ઇ-લોકાર્પણ કરવામાં આવશે. પિયુષ એકસાથે 8 રેલવે સ્ટેશનથી રેલવે કેવડિયા આવવા રવાના થશે. ત્યારે કેવડિયા જાહેર સભા સ્થળ પર મોટા LED પાંચ સ્ક્રીન પર તમામ જગ્યાઓ ઓનલાઈન દેખાશે.

ડભોઇ- ચાણોદ-કેવડિયા રેલવે લાઇન અને રેલવે સ્ટેશનનું લોકાર્પણ થશે. એજ સમયે દેશમાં આઠ સ્થળો પરથી એક સાથે 8 ટ્રેનોનું ફ્લેગ ઓફ થશે. કેવડિયા કોલોની ખાતે મુખ્યમંત્રી વિજય રૂપાણી કેવડિયા ખાતે પહોંચ્યા છે. જ્યારે કેન્દ્રીય રેલવે મંત્રી પિયુશ ગોયેલ વર્ચ્યુઅલ રીતે રેલ ભવનથી વર્ચ્યુઅલ રીતે જોડાયા છે. આ ઉપરાંત ગુજરાતના રાજ્યપાલ, રેલવેના GM, સરોવર નર્મદા નિગમના ચેરમેન કૈલાસ નાથન, એમડી ડો. રાજીવ ગુપ્તા અને છોટાઉદેપુરના સાંસદ ગીતાબેન રાઠવા હાજર રહ્યા છે

વડાપ્રધાન ડભોઇ-ચંડોદ ગેજ રૂપાંતરિત બ્રોડગેજ રેલવે લાઇન, ચાંદોદ-કેવડિયા નવી બ્રોડગેજ રેલવે લાઇન, નવી વિદ્યુતકૃત પ્રતાપનગર-કેવડિયા વિભાગ અને ડભોઇ જંક્શન, ચાંદોદ અને કેવડિયા નવા સ્ટેશન બિલ્ડિંગનું ઉદઘાટન કરશે. આ ઇમારતો સ્થાનિક સુવિધાઓ અને આધુનિક મુસાફરોની સવલતોથી સુંદર રીતે બનાવવામાં આવી છે. કેવડિયા સ્ટેશન એ ભારતનું પહેલું રેલવે સ્ટેશન છે જેણે ગ્રીન બિલ્ડિંગનું પ્રમાણપત્ર મેળવ્યું છે. આ પ્રોજેક્ટ આજુબાજુના આદિજાતિ વિસ્તારોની વિકાસલક્ષી પ્રવૃત્તિઓમાં વધારો કરશે. નર્મદા નદીના કાંઠે મહત્વપૂર્ણ ધાર્મિક અને પ્રાચીન તીર્થસ્થાનો સાથે જોડાણ વધારશે અને સ્થાનિક અને આંતરરાષ્ટ્રીય પર્યટન અને આ ક્ષેત્રનો એકંદર સામાજિક-આર્થિક વિકાસ અને નવા રોજગાર અને વ્યવસાયમાં વધારો કરશે અને તકો પૂરી પાડવામાં પણ મહત્વની ભૂમિકા ભજવશે.

ટ્રેન નંબર	પ્રારંભિક સ્ટેશન	લક્ષ્યસ્થાન સ્ટેશન	ટ્રેનનું નામ અને આવર્તન
09103/04	કેવડિયા	વારાણસી	મહામાન એક્સપ્રેસ (સાપ્તાહિક)
02927/28	દાદર	કેવડિયા	દાદર-કેવડિયા એક્સપ્રેસ (દૈનિક)
09247/48	અમદાવાદ	કેવડિયા	જનસતાબ્દિ એક્સપ્રેસ (દૈનિક)
09145/46	કેવડિયા	હજરત નિઝામુદીન	નિઝામુદ્દીન-કેવડિયા સંપર્ક ક્રાંતિએક્સપ્રેસ (દ્વિ-સાપ્તાહિક)
09105/06	કેવડિયા	રિવા	કેવડિયા - રિવા એક્સપ્રેસ (સાપ્તાહિક)
09119/20	ચેન્નાઇ	કેવડિયા	ચેન્નાઇ – કેવડિયા એક્સપ્રેસ (સાપ્તાહિક)
09107/08	પ્રતાપનગર	કેવડિયા	મેમુ ટ્રેન (દૈનિક)
09109/10	કેવડિયા	પ્રતાપનગર	મેમુ ટ્રેન (દૈનિક)

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links