રાજ્ય સરકાર દ્વારા શૈક્ષણિક દાખલો મેળવવા માટે સોગંદનામુ નીકાળી દેતા વિદ્યાર્થીઓમાં ખુશી

Published By : B.K.NEWS DAINIK
Published Date : 2022-06-16 12:16:42
Views : 260
Modified Date : 2022-06-16 12:16:42

રાજ્યના કેબિનેટ મંત્રી જીતુ વાઘાણીએ વિદ્યાર્થીઓના હિતમાં મહત્વનો નિર્ણય લીધો છે જેમાં વિદ્યાર્થીઓએ અભ્યાસ ક્ષેત્રે નીકાળવામાં આવતા દાખલાઓમાંથી સોગંદનામું નીકાળી દેવામાં આવતા વિદ્યાર્થીઓમાં ખુશી જોવા મળી હતી.

રાજ્યના કેબિનેટ મંત્રી જીતુ વાઘાણીએ તાજેતરમાં જ વિદ્યાર્થીઓના હિતમાં નિર્ણય લીધો છે જેમાં ગુજરાત રાજ્યમાં હાલ ધોરણ ૧૨ની પરીક્ષાઓ પૂર્ણ થઇ છે.જે બાદ પરીક્ષાનું પરિણામ આવ્યા બાદ અન્ય કોલેજોમાં પ્રવેશ મેળવવા માટે વિદ્યાર્થીઓ મોટી સંખ્યામાં મામલતદાર કચેરી ખાતે આવકનો દાખલો, જાતિના દાખલા અને નોન ક્રિમિનલ સર્ટી નીકળવા માટે મોટી સંખ્યામાં આવી રહ્યા છે. આ તમામ દાખલાઓ નીકાળવા માટે વિદ્યાર્થીઓએ ફોર્મ ભરાવવાથી લઈ સોગંદનામા કરાવવા સુધી વિદ્યાર્થીઓએ કલાકોના સમય સુધીનો સમય અને મોટા ખર્ચ થતા હતા. ત્યારે આ તમામ બાબતોને ધ્યાને લઇ રાજ્ય સરકારે વિદ્યાર્થીઓના હિતમાં આજથી મહત્વનો નિર્ણય લીધો છે જેમાં આજથી મામલતદાર કચેરી ખાતે વિદ્યાર્થીઓ અભ્યાસ માટે નીકાળવામાં આવતા આવક ના દાખલા જાતિના દાખલા અને ક્રિમિનલ સર્ટી નીકાળવા માટે કોઇ પણ પ્રકારનું સોગંદનામું કરવું પડશે નહીં રાજ્ય સરકારના આ નિર્ણયથી આજે વિદ્યાર્થીઓ માં ખુશી જોવા મળી હતી અને વિદ્યાર્થીઓએ જણાવ્યું હતું કે રાજ્ય સરકારે જે વિદ્યાર્થીઓના હિતમાં નિર્ણય લીધો છે તેને અમે આવકારીએ છીએ અને સોગંદનામા માંથી મુક્તિ આપવામાં આવતા વિદ્યાર્થીઓ નો સમય અને ખર્ચ પણ બચશે. જેથી ગુજરાત સરકારના આ નિર્ણયને લઈ વિદ્યાર્થીઓએ સરકારનો આભાર વ્યક્ત કર્યો હતો.

છેલ્લા ઘણા સમયથી ડીસા શહેરના વિદ્યાર્થીઓ ક્રિમિનલ સર્ટી આવકના દાખલા અને જાતિના દાખલા મેળવવા માટે કલાકો સુધી પરેશાન થતા હતા ખાસ કરીને શિક્ષણ માટે દાખલા મેળવવા વિધાર્થીઓએ ફરજિયાત સોગંદનામું કરવું પડતું હતું જેના કારણે વિદ્યાર્થીઓએ ખોટા ખર્ચ અને સમય બગડતો હતો ત્યારે આ રજૂઆતના પગલે રાજ્ય સરકારે આજથી કોઇપણ વિદ્યાર્થી એ શિક્ષણ માટે જે દાખલા મેળવવા ના હોય છે તેમાં વિદ્યાર્થી સોગંદનામાથી આજથી છૂટકારો આપવામાં આવે છે અને હજુ પણ આવનારા સમયમાં વિદ્યાર્થીઓના હિતમાં સરકાર દ્વારા અને કાર્ય કરવામાં આવનાર છે.