નેપાળની નવી સરકારમાં આગામી પ્રધાનમંત્રી પ્રચંડ માટેનો માર્ગ મોકળો

Published By : parth lakhtaria
Published Date : 2022-12-26 13:56:46
Views : 435
Modified Date : 2022-12-26 13:56:46

નવા ગઠબંધનમાં પ્રચંડ પાસે સીપીએન-યુએમએલના 78, માઓવાદી સેન્ટરના 32, રાષ્ટ્રીય સ્વતંત્ર પાર્ટીના 20, રાષ્ટ્રીય સ્વતંત્ર પાર્ટીના 14, જનતા સમાજવાદી પાર્ટીના 12, જનમત પાર્ટીના 6 અને નાગરિક ઉન્મુક્તિ પાર્ટીના 4 સાંસદ છે. કુલ મળીને પ્રચંડને 166 સાંસદોનું સમર્થન છે, જેથી નેપાળના નવા પ્રધાનમંત્રી તરીકે પ્રંચડનો માર્ગ મોકળો થયો છે.

રવિવારે યોજાયેલી છ પક્ષીય બેઠકમાં નેપાળના આગામી વડાપ્રધાનને મંજૂરી મળી ગઇ છે. પુષ્પ કમલ દહલને છ પક્ષોના ગઠબંધન દ્વારા આગામી વડાપ્રધાન તરીકે સ્વીકારવામાં આવ્યા છે. એટલે કે નેપાળના આગામી વડાપ્રધાન પુષ્પ કમલ દહલ ઉર્ફે પ્રચંડ હશે. તેઓ અઢી વર્ષ સુધી આ પદ પર રહેશે. આ પછી અન્ય પક્ષના નેતાને વડાપ્રધાન બનાવવામાં આવશે. વાસ્તવમાં નેપાળમાં હાલમાં જ થયેલી સામાન્ય ચૂંટણીમાં કોઈ પણ પાર્ટીને બહુમત મળી શક્યો નથી. જે બાદ છ પક્ષીય ગઠબંધને નેપાળના માઓવાદી કેન્દ્રના નેતા પુષ્પ કમલ દહલને સમર્થન આપવાનો નિર્ણય કર્યો હતો.

છ પક્ષોના ગઠબંધને પુષ્પ કમલ દહલને આગામી વડા પ્રધાન તરીકે પસંદ કર્યા છે. આ કરારને મંજૂરી આપી દેવામાં આવી છે. દહલ અઢી વર્ષ સુધી સરકારનું નેતૃત્વ કરશે અને સીપીએન-યુએમએલ અઢી વર્ષ સુધી તેનું નેતૃત્વ કરશે."

આ પહેલા મૂવાડી કેન્દ્ર સત્તારૂઢ ગઠબંધનમાં નેપાળી કોંગ્રેસ સાથે ગઠબંધન કરીને સરકાર ચલાવી રહ્યું હતું. પરંતુ પુષ્પ કમલ દહલ ઉર્ફે પ્રચંડ બંને પક્ષો વચ્ચેની બેઠકમાંથી ઉભા થયા અને કહ્યું કે જોડાણ તેની પ્રાસંગિકતા ગુમાવી ચૂક્યું છે. આમ કહીને તેમણે નેપાળી કોંગ્રેસ સાથેનું ગઠબંધન પણ તોડી નાખ્યું હતું.

આ પછી, નેપાળમાં આગામી વડા પ્રધાન કોણ હશે તે અંગે ચર્ચા થઈ હતી. આ દરમિયાન 6 પાર્ટીઓના નેતાઓએ આગળ આવીને નવા ગઠબંધનને નવું સ્વરૂપ આપ્યું. સાથે જ આ ગઠબંધને પુષ્પ કમલ દહલને પોતાના નેતા તરીકે ચૂંટીને તેમને વડાપ્રધાન બનાવવાનો નિર્ણય કર્યો હતો. નેપાળી કોંગ્રેસ પાસે 275માંથી 89 સાંસદ છે