૧૯૮૫ બાદ પ્રથમ વખત કોરોનાથી રથયાત્રાની પરંપરા તૂટી ગાંધીનગરમાં ૩૭ કિલોમીટરની રથયાત્રા માત્ર મંદિર પરિસરમાં ફરી

Published By : B.K.NEWS DAINIK
Published Date : 2020-06-24 11:42:16
Views : 351
Modified Date : 2020-06-24 11:42:16

ગાંધીનગર ખાતે વર્ષોથી રથયાત્રા નીકાળવામાં આવે છે અને તમામ નગરજનોને જગન્નાથ એવા જગતના તાતના દર્શન થાય છે. ત્યારે કોરોના જેવી મહામારીના કારણે અનેક જગ્યાએ ભીડ ભેગી ન થયા તે માટે સુરક્ષા આરોગ્યને ધ્યાને લઈને રથને મંદિરની આસપાસ ફેરવવામાં આવ્યો હતો. ભગવાન જગન્નાથ, ભાઈ બલરામ અને બહેન સુભદ્રા સાથે નગરચર્યાએ નીકળે છે. ત્યારે પાટનગરમાં ૧૯૮૫ બાદ પ્રથમ વખત ભગવાનની રથયાત્રા માત્ર ૩૦ મિનીટમાં મંદિર પરિસરમાં ફરીને પૂરી થઈ હતી. કોરોનાની વૈશ્વિક મહામારીએ અનેક લોકોને મુસીબતમાં મૂકી દીધા છે. ધાર્મિક મેળાવડા સહિત તહેવારો પણ નાગરિકો ઉજવી શકતા નથી. અષાઢી બીજના દિવસે રાજ્યના પાટનગર ગાંધીનગરમાં સૌથી મોટી ૩૭ કિલોમીટરની રથયાત્રા યોજવામાં આવે છે. કોરોનાના કારણે રથયાત્રાની પરંપરા તૂટી છે. ત્યારે ભક્તોમાં નિરાશા જોવા મળી હતી.
અષાઢી બીજના દિવસે સમગ્ર દેશમાં અનેક જગ્યાએ ભગવાન જગન્નાથ નગરચર્યાએ નીકળતા હોય છે. દર્શનાર્થે લાખો શ્રદ્ધાળુઓ આવતા હોય છે. તેવા સમયે રથયાત્રા યોજવામાં આવી નથી. પુરીમાં સુપ્રીમ કોર્ટ દ્વારા શરતોને આધીન રથયાત્રા કાઢવાની મંજૂરી આપવામાં આવી છે. જ્યારે અમદાવાદમાં વહેલી સવારે ત્રણ વાગ્યા સુધી હાઈકોર્ટમાં સુનાવણી ચાલી હતી અને ત્યારબાદ મંજૂરી આપવામાં આવી ન હતી. તેવા સમયે રાજ્યમાં સૌથી લાંબી રથયાત્રા ગાંધીનગરમાં નીકળે છે. ભગવાનની આરતી કરીને રથમાં બેસાડવામાં આવે છે. શુભ મુહૂર્તમાં ભગવાનના રથને પ્રદક્ષિણા માટે લઈ જવામાં આવે છે. પાટનગરમાં ૧૯૮૫ થી પંચદેવ યુવક મંડળ દ્વારા રથયાત્રાનું આયોજન કરવામાં આવે છે. ત્યારે પહેલી વખત ભગવાન માત્ર ૩૦ મિનીટમાં મંદિર પરિસરમાં પ્રદક્ષિણા કરીને નીજ મંદિર પરત પહોંચી ગયા હતા. ભક્તો દ્વારા જય રણછોડ માખણચોરના નારા લગાવવામાં આવ્યા હતા. પરંતુ ક્યાંક તેમના ચહેરા ઉપર માયુસી જોવા મળતી હતી. અનેક ભક્તો દર વર્ષે અષાઢી બીજના દિવસે રથયાત્રામાં જોડાતા હોય છે. ભગવાનના રથને ખેંચવાનો લ્હાવો લેતા હોય છે. પરંતુ આ લ્હાવો ક્ષણિક જોવા મળતા તેમના ચહેરા ઉદાસ જોવા મળતા હતા. ભગવાન દર્શન આપવા જતા હતા તેની પરંપરા તૂટી છે. પરંતુ પંચદેવ મંદિર પરિસરમાં રથયાત્રાનું આયોજન કરવામાં આવ્યું હતું. તમામ કાર્યક્રમ દર વર્ષની જેમ યોજાયો હતો પરંતુ મંદિરના પરિસરમાં જ યોજાયો હતો. તેમજ સાંજે ૭ ભગવાનની આરતી કરવામાં આવી હતી. આ પ્રસંગે મેયર રીટાબેન પટેલ, વીએચપી પૂર્વ પ્રમુખ તથા લોહાણા સમાજના અને જલારામ મંદિરના ટ્રસ્ટી એવા અમૃતભાઈ ઠક્કરથી લઈને અનેક ભક્તજનો હાજર રહ્યા હતા.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links