કમોસમી વરસાદથી કેરીના પાકને વ્યાપક નુકસાન: ખેતરમાં ઘઉંના ઢગલા પલળ્યા

Published By : B.K.NEWS DAINIK
Published Date : 2020-03-06 12:21:16
Views : 446
Modified Date : 2020-03-06 12:21:16

દક્ષિણ ગુજરાત અને સૌરાષ્ટ્ર પંથકમાં કમોસમી વરસાદથી ખેડૂતો ચિંતામાં મૂકાયા છે.ત્યારે સુરત,વલસાડ,નવસારી,તાલાલા,દીવ અને કોડીનારમાં કમોસમી વરસાદ પડ્યો હતો.જેના કારણે ઘઉં,ઘાણા,ચણા સહિતના ખેડૂતના તૈયાર પાક ખેતરમાં હોવાથી નુકસાનની ભીતી સેવાઈ રહી છે.તેવા સમયે સૌરાષ્ટ્રના ભાવનગર,દ્વારકા,માંગરોળ, વેરાવળ સહિતના ધોધમાર વરસાદ વરસ્યા બાદ મોડીરાત્રે દીવ, ગીરસોમનાથ,કોડીનાર સહિતના મોટાભાગના વિસ્તારોમાં વરસાદ પડતા કેરીના પાકને મોટાપ્રમાણમાં નુકસાન થયું છે.તેમજ જસદણ અને આટકોટ પંથકમાં ખેતરમાં પડેલા ઘઉં અને જીરૂનો પાક પલળતા ખેડૂતોની પડતાં પર પાટા સમાન પરિસ્થિતિ સર્જાઇ છે.તેમજ રાજકોટમાં રાત્રે વરસાદી છાંટા પડ્યા બાદ આકાશ કાળા ડિબાંગ વાદળોથી ઘેરાયેલું છે. દીવમાં વહેલી સવારે ચાર વાગ્યે વરસાદી ઝાપટુ વરસી જતા વાતાવરણમાં ઠંડક પ્રસરી ગઇ હતી. તાલાલા અને કોડીનાર પંથકમાં કેરના પાકને વ્યાપક પ્રમાણમાં નુંકસાન પહોંચ્યું છે.જ્યારે જસદણ અને આટકોટ પંથકમાં રાત્રે બે વાગ્યે 15 મિનિટ સુધી ગાજવીજ સાથે ધોધમાર વરસાદ પડ્યો હતો.આથી રસ્તા પર પાણી ફરી વળ્યા હતા તૈયાર પાકના ઢગલાને ઢાંકવા માટે ખેડૂતોમાં રાત્રે દોડધામ મચી હતી.તેમછતાં ઘઉં,જીરૂ,ચણાનો પાક પલળી ગયો હતો.દક્ષિણ ગુજરાતના વાતાવરણમાં મોડી રાત્રીથી પલટો આવ્યો હતો.મોડીરાત્રીથી વલસાડમાં વરસાદ પડ્યો હતો.જ્યારે સવારે 8 વાગ્યાથી સુરત અને જિલ્લામાં વરસાદ શરૂ થયો હતો.જે પોણો કલાક સુધી વરસતા પાણી પાણી થઈ ગયું હતું.નવસારી અને ડાંગ જિલ્લામાં પણ હળવો વરસાદ નોંધાયો હતો. આમ કમોસમી વરસાદને કારણે ખેડૂતોમાં ચિંતાનો માહોલ છવાયો છે.ત્યારે વહેલી સવારે વલસાડ જિલ્લામાં વરસાદ પડતાં વીજળી ડૂલ થઈ ગઈ હતી.