દુર્લભભાઈની સંમતિ વિના પોલીસ મથકમાં નોટરી થઇ હતી, તપાસમાં સમર્થન મળ્યું

Published By : B.K.NEWS DAINIK
Published Date : 2020-09-14 12:16:12
Views : 383
Modified Date : 2020-09-14 12:16:12

દુર્લભભાઈએ આપઘાત કેસમાં રાંદેર પોલીસ સ્ટેશનના સીસીટીવીનું ડીવીઆર જિલ્લા પોલીસે કબજે કર્યા હતા. બીજી ફેબુઆરીએ દુર્લભભાઈના બંગલામાં પર રાંદેર પીઆઈ બોડાણાના કહેવાથી તેમને બોલાવવા આવ્યા ગયા હતા. જેથી ડીવાયએસપીએ રાંદેર પોલીસના પીએસઆઇ સહિત 3 પોલીસકર્મીના નિવેદનો લીધા હતા. આ દરમિયાન રાંદેરનો પીઆઈનો કેશિયર અજય બોપાલા પણ ત્યાં આવ્યો હતો. પીએસઆઈ અને તેનો સ્ટાફ ગયા પછી અજય બોપાલા ત્યાં વાત કરવા રોકાયો હતો. પીએસઆઈને એવુ કહ્યું હતું કે પીઆઈએ અજયને અરજીના કામે મોકલ્યો હશે એટલે તેઓ ત્યાંથી કાકાને પીઆઈનો મેસેજ આપી રવાના થયા હતા. તપાસનીશ રૂપલ સોલંકીએ જણાવ્યું કે, રાંદેર પોલીસ મથકમાં દુર્લભભાઇની સંમતિ વગર જે ડોક્યુમેન્ટ નોટરી થયા હતા તે બાબતે નોટરીનું નિવેદન લેવાતા તપાસમાં સમર્થન મળ્યું છે. બીજી તરફ ગુનો દાખલ થતા તમામે મોબાઇલ બંધ કરી દીધો છે. છેલ્લું લોકેશન સુરતનું મળ્યુ હતું. બિલ્ડર રાજુ ભરવાડ, હેતલ દેસાઈ, કિશોર કોશિયા કનૈયા નરોલા, ભાવેશ સવાણી, રાંદેર પીઆઈ બોડાણા, વિજય શિંદે, મુકેશ કુલકર્ણી, રાઇટર કિરણ સિંઘ અને રાંદેરનો કેશિયર અજય બોપાલાનું છેલ્લું લોકેશન સુરત આવતું હતું, કેમ કે પોલીસ મોબાઇલ ચાલુ કરશે તો લોકેશન આધારે શોધી નાખશે તે પહેલા તમામે આરોપીએ ગુનો નોંધાયો તે દિવસથી મોબાઇલ ઓલવી નાખ્યા હતા. આરોપી કનૈયા નરોલા વિદેશમાં હોવાની ખબર પડતા પોલીસે પાસપોર્ટ ઓફિસમાં લેટર લખી જાણ કરી છે અને લુક આઉટ નોટીસ આપવાની તૈયારી શરૂ કરી છેપાટીદાર અગ્રણી દુર્લભ પટેલ આત્મહત્યા કેસમાં વિવાદનું કેન્દ્ર બનેલી પીસાદની હજાર વાર જેટલી જમીનના ભાવ સતત વધતાં ગયા હતા. બીજી તરફ ITની નોટિસ અને ચેકથી ચૂકવવાની થતી રૂપિયા ત્રણ કરોડની રકમ મામલે વિવાદ સતત વધતો જ રહ્યો હતો. જે અંતે દુર્લભ પટેલને આત્મહત્યા સુધી પ્રેરી ગયો હતો. અલબત્ત, પોલીસ તપાસ ચાલી રહી હોય આવનારા સમયમાં જમીન વિવાદમાં અત્યાર સુધી છુપા રહેલાં અનેક રહસ્ય પરથી પડદાં ઉંચકાઈ શકે છે. જમીનનો સોદો થયો ત્યારે અને હાલ બજાર કિંમતમાં 20 કરોડ જેટલો ઉછાળો આવ્યો છે. હાલ પિસાદ વિસ્તારમાં રેલવે લાઇનની આજુબાજુના લોકેશન પ્રમાણએ રેટ ચાલે છે. એવરેજ અહીં 35 હજાર વારનો ભાવ છે. જમીનનો સોદો કોશિયા અને દુર્લભ પટેલ વચ્ચે માર્ચ, 2014માં થયો હતો. જે તે વખતે પિસાદ 21 હજારની નજીક વારનો ભાવ ચાલી રહ્યો હતો. જો કે, સોદો 24 કરોડમાં નક્કી થયો હતો. બાકીની રકમ ચેકમાં ચૂકવવાનું નક્કી કરાયુ હતુ અને ત્રણ કરોડ જેટલી જ રકમ ચૂકવવાની બાકી હતી. તે વખતે પણ દસ્તાવેજ થયો નહતો. પરંતુ આ દરમિયાન જ ઓગષ્ટ, 2016મા ંઆઇટીના દરોડા કિશોર કોશિયાને ત્યાં પડ્યા હતા. જેમાં જમીનને લગતા ડોકયુમેન્ટ જપ્તા કરાયા હતા એક સાટાખત મરનાર દૂર્લભભાઇ સાથેનો હોય તેમના સુધી પણ તપાસનો રેલો ગયો હતો. જેમાં વિવિધ પેનલ્ટી અન કેપિટલ ગેઇન સહિત મળી કુલ 13 કરોડની રિકવરી નિકળી હતી. એટલે કિશોર કોશિયાએ આ ઇશ્યુનો નિકાલ કરવાની જવાબદારી લીધી હતી. પરંતુ તેનો નિકાલ આવ્યો ન હતો અને બીજી તરફ ત્રણ કરોડ રૂપિયા પણ ચૂકવાયા નહતા. એટલે છેક ત્રણ વર્ષ સુધી આ ઇશ્યુ ચાલ્યો હતો અને જાન્યુઆરી, 2020માં રાંદેર પોલીસ મથકમા અરજી કરવામાં આવી હતી.ITએ 18 કરોડની એક જ રકમ પર દુર્લભ અને કોશિયા બંનેની ઉઘરાણી કાઢી હતી. દુર્લભ પર રોકડ સ્વીકારવા માટે અને કોશિયા પર રોકડ આપવા બાબતે પેનલ્ટીઓ લગાવી હતી. એવું પણ કહેવાય છે કે કોશિયા સોદામાંથી બહાર આવવા માટે અન્ય પાર્ટીને પણ લઇ આવ્યો હતો.બિલ્ડર રાજુ ભરવાડ, હેતલ દેસાઈ, કિશોર કોશિયા, કનૈયા નરોલા, ભાવેશ સવાણી, રાંદેર પીઆઈ બોડાણા, ઉધનાનો કોન્સ્ટેબલ વિજય શિંદે, મુકેશ કુલકર્ણી, રાંદેરનો રાઇટર કિરણ સિંઘ અને રાંદેરનો કેશિયર અજય બોપાલા શોધવા માટે એસઆઈટીની 4 ટીમોએ તપાસ શરૂ કરી છે.પરંતુ એકપણ આરોપી મળી આવ્યા ન હતા. આરોપીઓને ભગાડવામાં પડદા પાછળ કેટલાક પોલીસકર્મીઓ કામ કરતા હોવાની આશંકા છે. જેના કારણે આરોપી પોલીસના હાથમાં આવતા નથી. બીજી એવી પણ વાત છે કે આરોપીઓ પહેલા આગોતરા માટેની તૈયારી કરી રહ્યા હોવાની વાત છે અને તેમાં કંઈ ન થાય તો પોલીસમાં હાજર થાય શકે તેવી શક્યતા છે. રાંદેર પીઆઈ સહિત 4 પો.કર્મીઓ સામે ઈન્કવાયરી સુરત પોલીસમાં ડીસીપી ઝોન-4ને સોંપવામાં આવી છે. જેમાં પોલીસ અધિકારીએ દુર્લભભાઈના બન્ને સંતાનોના નિવેદનો લીધા હતા. પીઆઈ બોડાણા સહિત ચારેય પોલીસકર્મીઓ હાલમાં ફરાર છે અને તેમની સામે ગંભીર ગુનો નોંધાયો છે. છતાં સુરત પોલીસ સંડોવાયેલા પોલીસ કર્મીઓને સસ્પેન્ડ કરવા કેમ વિલંબ કરે છે તે એક તપાસનો વિષય છે.