IMA મહાસચિવે બાબા રામદેવને ગણાવ્યા અભણ, કહ્યું- હિંમત હોય તો જાહેરમાં ચર્ચા કરવા આવો; પ્રાચી સાધવી યોગગુરુના પક્ષમાં

Published By : B.K.NEWS DAINIK
Published Date : 2021-05-29 17:13:38
Views : 239
Modified Date : 2021-05-29 17:13:38

દેશમાં છેલ્લા બે દિવસથી ચર્ચા ચાલી રહી છે કે આયુર્વેદ બેસ્ટ છે કે એલોપથી સારવાર. જોકે ધીમે ધીમે શરૂ થયેલી આ ચર્ચામાં જ્યારે યોગ ગુરુ બાબા રામદેવે ઈન્ડિયન મેડિકલ એસોસિયેશન(IMA) ને ખુલ્લો પત્ર લખીને 25 સવાલો પૂછી લેતા હવે આ ચર્ચાએ વિવાદનું સ્વરૂપ ધારણ કરી લીધું છે. આયુર્વેદની સામે એલોપથીની ચર્ચા હવે બાબા રામદેવ VS IMA સુધી પહોંચી ગઈ છે. આ સમગ્ર વિવાદમાં IMAએ બાબા રામદેવને ખૂબ કડક શબ્દોમાં જવાબ આપ્યો છે જ્યારે સાધ્વી પ્રાચી અને આયુર્વેદિક ડોક્ટર્સની સંસ્થાઓ બાબા રામદેવના પક્ષમાં ઉતરી આવ્યા છે. તો આવો જાણીએ કે અત્યારે આ સમગ્ર વિવાદ કઈ સીમા પર પહોંચી ગયો છે

બીજી બાજુ IMAના મહાસચિવ જયેશ લેલેએ રામદેવે મોકલેલા 25 સવાલ વિશે કહ્યું છે કે, એક અભણ વ્યક્તિ અમને સવાલ પૂછી રહ્યો છે. અમે જવાબ આપીશું અને સમગ્ર વિશ્વનો રેફરન્સ લઈને જવાબ આપીશું. પરંતુ તેમને જવાબ નહીં આપીએ. અમે આ જવાબો અમારી વેબસાઈટ રક અપલોડ કરીશું. મજાની વાત એ છે કે, જે લાઈફ સ્ટાઈલ બીમારીઓના નામ રામદેવે પત્રમાં લખ્યા છે તે નામ પણ એલોપેથીમાંથી જ આવ્યા છે. તેમને આ બીમારીઓના આયુર્વેદિક નામ પણ નથી ખબર. રામદેવે 90% કોવિડ દર્દીઓના સાજા થવાના દાવા વિશે લેલેએ કહ્યું છે કે, જો આ વાત સાચી હોય તો તેઓ પુરાવા આવે. અમે જણાવી શકીએ છીએ કે દેશમાં અલગ અલગ રાજ્યોમાં કુલ 2.30 કરોડ દર્દીઓ એલોપથીની સારવારથી સાજા થયા છે. તેમણે આગળ કહ્યું છે કે, બાબા રામદેવના આવા નિવેદનો સાંભળીને લોકો વેક્સિનેશનની પીછે હટ કરી શકે છે.

રામદેવના 25 સવાલોના લિસ્ટ મોકલવા વિશે જયલાલે કહ્યું છે કે, તે સવાલ ઉભા કરનાર છે કોણ? હું કોઈ પણ આયુર્વેદ ડોક્ટર સાથે જાહેરમાં ચર્ચા કરવા તૈયાર છું. રામદેવ ડોક્ટર નથી એટલે એમની સાથે આ વિશે ચર્ચા કરવાનો કોઈ સવાલ જ ઉભો થતો નથી. હકીકતમાં તેઓ IMA પર જે આરોપો લગાવી રહ્યા છે તે આરોપ તેમના પર જ લાગ્યા છે. તેઓ પોતે ફાર્મા કંપનીઓના પ્રેશરના કારણે આવુ બધુ કરી રહ્યા છે.યોગ ગુરુ બાબા રામદેવે શુક્રવારે એક ઈન્ટરવ્યુ દરમિયાન ઈન્ડિયન મેડિકલ એસોસિયેશન (IMA) પર ગંભીર આરોપ લગાવ્યા હતા. હવે IMA અધ્યક્ષ ડોક્ટર જોનરોન ઓસ્ટિન જયલાલે આ આરોપોના જવાબ પણ આપ્યા છે. જયલાલે સ્પષ્ટ કહ્યું છે કે, કોઈ પણ બીમારી સામે કઈ સારવારને મંજૂરી આપવી તે સરકારનું કામ છે. જો સરકાર પણ તેમની વાત સાથે સહમત હોય તો તેમણે દેશમાં એલોપથી દવા ઉપર પ્રતિબંધ મુકી દેવો જોઈએ. જયલાલે સ્પષ્ટ કહ્યું છે કે, તેઓ નેચરોપેથી પર કોઈ પણ આયુર્વેદ ડોક્ટર સાથે ચર્ચા કરવા તૈયાર છે. તે સાથે જ તેમણે પૂછ્યું કે, અમારે આમ તો બાબા રામદેવ સાથે આ વિશે ચર્ચા જ કેમ કરવી જોઈએ? એ ક્યાં ડોક્ટર છે?

IMA ઉત્તરાખંડ રાજ્યના મહાસચિવ ડૉ. અજય ખન્નાએ જણાવ્યું છે કે, બાબા રામદેવ તરપથી પૂછવામાં આવેલા 25 સવાલોના જવાબ માટે એક કમિટી બનાવવાનું નક્કી કર્યું છે. આ કમિટી બાબા રામદેવના સવાલોના જવાબ આપશે. તે ઉપરાંત આ કમિટી બાબા રામવેદને 5 સવાલ પૂછશે. તેમણે કહ્યું છે કે, IMA બાબા રામદેવના દરેક સવાલના જવાબ આપવા માટે તૈયાર છે. તો હવે બાબા રામદેવ પણ કોઈ પણ શરત વગર મીડિયા સામે અમારી સાથે ચર્ચા કરવા તૈયાર થાય. અમે ટૂંક સમયમાં જ તે પાંચ ડોક્ટર્સની કમિટીના નામ જાહેર કરીશું.

સામાન્ય રીતે વિવાદોમાં રહેતા સાધ્વી પ્રાચીએ આયુર્વેદ સામે એલોપેથીના વિવાદમાં બાબા રામદેવને સમર્થન આપ્યું છે. તેમણે કહ્યું છે કે, બાબાએ કરોડો લોકોને સાજા કર્યા છે. IMAના લોકો કાન ખોલીને સાંભળી લો અને તમે ઢાંકણીમાં પાણી લઈને ડૂબી જાઓ, શરમ કરો. આયુર્વેદ પર કિચડ ઉછાળનાર દરેક લોકો આ વાત સાંભળી લે. બાબા રામદેવ દેશ માટે બહુ મોટું કામ કરી રહ્યા છે. તેઓ કરોડો લોકોને સાજા કરી રહ્યા છે. સાધ્વી પ્રાચીએ IMAના નામે મધર ટેરેસા પર આકરા પ્રહાર કર્યા છે. તેમણે કહ્યું કે, IMA દ્વારા 1928માં એક એનજીઓ બનાવવામાં આવી હતી. એક જાદુગરની હતી ભારતમાં...મધર ટેરેસા જે લોકોને માત્ર સ્પર્શ કરીને સાજા કરી દેતી હતી. પરંતુ તેમનું પોતાનું મોત હોસ્પિટલમાં થયું હતું.યોગ ગુરુ બાબા રામદેવ અને ઈન્ડિયન મેડિકલ એસોસિયેશન વિવાદમાં હવે આયુર્વેદિક ડોક્ટરની સંસ્થા નેશનલ ઈન્ટીગ્રેટેડ એસોસિયેશન (NIMA) પણ કૂદી પડી છે. NIMAએ દેશના સ્વાસ્થય મંત્રી ડૉ. હર્ષવર્ધનને પત્ર લખીને પૂછ્યું છે કે, શું દેશમાં કોરોના સંક્રમણમાં રિકવરી રેટ વધ્યો છે અને મોતનું પ્રમાણ ઘટ્યું છે તેમાં માત્ર એલોપથી ડોક્ટર્સની જ મહેનત છે. આયુર્વેદિક ડોક્ટર્સનું તેમાં કોઈ યોગદાન નથી.

આ સંસ્થાએ IMA પર પ્રહાર કરતાં પણ કહ્યું છે કે, જે પદાધિકારીઓ આજે બાબા રામદેવને અભણ કહી રહ્યા છે તેઓ જ અવારનવાર કોરોના મહામારીમાં હડતાલ પર જવાની ધમકીઓ આપી રહ્યા છે.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links