આખરે ભાભર, પાલનપુર અને ડીસાને મળ્યા નવા સુકાનીઓ

Published By : B.K.NEWS DAINIK
Published Date : 2021-03-16 11:11:16
Views : 373
Modified Date : 2021-03-16 11:11:16

બનાસકાંઠા જિલ્લામાં
પાલનપુર, ડીસા અને ભાભર ખાતે તાજેતરમાં યોજાયેલી નગરપાલિકાની ચૂંટણીમાં ભાજપે બહુમતી મેળવ્યા બાદ ગતરોજ ત્રણેય પાલિકામાં પ્રમુખ અને ઉપપ્રમુખની ચૂંટણી યોજવામાં આવી હતી. જેમાં ડીસા સહિત જિલ્લામાં ત્રણેય
પાલિકામાં ભાજપ સત્તા હાંસલ કરી છે.
બનાસકાંઠા જિલ્લામાં સ્થાનિક સ્વરાજ્યની ચૂંટણીમાં ભાજપે ડંકો વગાડ્યો છે. ત્રણેય પાલિકા પર બહુમતી મેળવ્યા બાદ ગતરોજ પાલિકાના પ્રમુખ અને ઉપપ્રમુખ તરીકેની ચૂંટણી યોજાઈ હતી. જેમાં પાલનપુરમાં પ્રમુખને લઈ અનેક નામોને લઈને ચર્ચા થતી હતી. પરંતુ ભાજપ મોવડી મંડળે આખરે હેતલબેન રાવલને પ્રમુખ અને હસમુખભાઈ પઢિયારને ઉપપ્રમુખ, શાશક પક્ષના નેતા હર્ષાબેન મહેશ્વરી, કારોબારી ચેરમેન દિપકભાઈ પટેલ, દંડક તરીકે નરેશભાઈ રાણાની નીમણુંક કરાઈ હતી. સવારે ૧૦ વાગ્યાથી જ પોલીસ બંદોબસ્ત ગોઠવાઈ ગયો હતો. જાે કે સંપૂર્ણ બહુમતી હોવાના કારણે કોઈ તંગદીલી જાેવા મળી ન હતી. અને ભાજપ શહેર પ્રમુખ દિનેશભાઈ પટેલે વિહ્‌પ અને મેન્ડેડ રજુ કર્યા હતા. સામે કોંગ્રેસે પણ જાગૃત્તિબેન રમેશભાઈ સોલંકીને પ્રમુખ અને ઉપપ્રમુખ તરીકે મહંમદભાઈ રસુલભાઈ મનસુરીના ઉમેદવાર તરીકે ફોર્મ ભરાવ્યું હતું. તેમના તરફેણમાં કોંગ્રેસમાંથી જીતેલા ૧૨ સભ્યોએ હાથ ઉંચો કર્યો હતો. જ્યારે હેતલબેન રાવલના પક્ષમાં ૩૨ સભ્યોએ હાથ ઉંચો કર્યો હતો. આમ ૩૨ મત મળવાથી હેતલબેન પ્રમુખ પદના વિજેતા ઉમેદવાર જાહેર થયા હતા.
ડીસા નગરપાલિકામાં પ્રમુખ અને ઉપપ્રમુખની ચૂંટણી બિનહરીફ થઈ છે. ડીસા
નગરપાલિકાના પ્રમુખ તરીકે રાજુભાઇ બુલચંદભાઈ ઠક્કર અને ઉપપ્રમુખ તરીકે સવિતાબેન જીજ્ઞેશભાઈ હરિયાણીની બિન હરીફ વરણી થતા ભાજપમાં હર્ષની લાગણી ફેલાઇ ગઇ છે. આ સાથે કારોબારી ચેરમેન તરીકે જીગ્નેશ જાેશી, પક્ષના નેતા તરીકે શિલ્પાબેન માળી, દંડક તરીકે શૈલેષ પ્રજાપતિની વરણી કરાઈ હતી. જાેકે ચૂંટણી પ્રક્રિયા પૂર્ણ થયા બાદ ડીસાના ધારાસભ્ય શશીકાંત પંડ્યા, કૈલાસ ગેલોત, જિલ્લા ભાજપ મહામંત્રી ડાહ્યાભાઈ પીલિયતર, ડો. રીટા પટેલએ શુભેચ્છાઓ પાઠવી હતી. જ્યારે નવનિયુક્ત પ્રમુખ રાજુ ઠકકરે પાર્ટી અને મતદારોનો આભાર માન્યો હતો. સાથે ડીસાનો વિકાસ આગળ વધે તેવા પ્રયત્ન કરવાની ખાત્રી આપી હતી.
ભાભર નગરપાલિકામાં ભાજપના ચૂંટાયેલા ૨૨ ઉમેદવારોની હાજરીમાં સર્વાનુમતે પ્રમુખ પદે રોહિતભાઇ આચાર્ય તેમજ ઉપપ્રમુખ પદે પ્રભાતસિંહ રાઠોડની વરણી કરવામાં આવી હતી. આ ઉપરાંત શાશક પક્ષના નેતા તરીકે કાંતિભાઈ જાેષી, કારોબારી ચેરમેન પદે રાજુભાઈ ઠાકોર અને દંડક પદે ગીતાબેન માળીની નિમણૂક કરાઈ હતી.

ધાર્યુ ધણીનું નહીં... ધાર્યુ ધારાસભ્યનું...
પાલિકાની ચૂંટણી ડીસા સંગઠન જે કહીએ તો ઈન્ચાર્જ સંગઠન હતું. પરંતુ ભાજપની એક લોબી ધારાસભ્યને પછાડવા માટે દિવસ-રાત મજુરી કરી છે. જેમાં સંગઠનના કેટલાંક લોકો હાથો બન્યા હતા. ઉમેદવારોની પસંદગીથી લઈને પ્રમુખ પદ સુધી દરેક જગ્યાએ ધારાસભ્યશ્રીને સંઘર્ષમાં ઉતરવું પડયું છે. ધારાસભ્યએ એકલા હાથ સંપૂર્ણ બહુમતી લાવ્યા બાદ ચૂંટાયેલા ઉમેદવારોએ જે રીતે પ્રમુખ અને હોદ્દા લેવા માટે દોડ લગાવી અને ધારાસભ્યનું ધાર્યુ ન થાય એવા પ્રયત્ન કરાયા. આગામી વિધાનસભાની ચૂંટણીને લઈને તમામ જગ્યાએ ધારાસભ્યના વિરોધીઓએ પક્ષની અંદર એડીચોટીનું જાેર લગાવ્યું. પરંતુ સંગઠનના પગથીયા ચડીને ધારાસભાના પદ સુધી પહોંચનાર શશીકાંતભાઈ પંડયાએ દરેક જગ્યાએ સંગઠનના મોવડી મંડળોને પોતાની વાત સમજાવવામાં સફળ રહ્યા છે.