રાજ્યના પાટનગર ગાંધીનગર ખાતે અદ્યતન નવિનીકરણ સાથે કાયાકલ્પ થયેલા ગાંધીનગર કેપિટલ રેલવે સ્ટેશનનું લોકાર્પણ કરશે નરેન્દ્ર મોદી

Published By : B.K.NEWS DAINIK
Published Date : 2021-07-15 12:41:03
Views : 312
Modified Date : 2021-07-15 12:41:03

વડાપ્રધાન નરેન્દ્રભાઇ મોદી શુક્રવાર તા.૧૬ જુલાઇ, ર૦ર૧ના રોજ રાજ્યના પાટનગર ગાંધીનગર ખાતે પુનઃ નિર્મિત “ગાંધીનગર કેપિટલ રેલવે સ્ટેશન''ના લોકાર્પણની સાથે ગુજરાતને અનેકવિધ વિકાસકામોની ભેટ આપશે. વડાપ્રધાન શુક્રવારે બપોરે ૪ કલાકે ગાંધીનગરના અદ્યતન નવિનીકરણ સાથે કાયાકલ્પ થયેલા ગાંધીનગર રેલવે સ્ટેશન સહીત આઠ જેટલા વિવિધ વિકાસલક્ષી કાર્યોનું નવી દિલ્હીથી ખાતેથી વર્ચ્યુઅલ લોકાર્પણ કરશે.

“મહાત્મા મંદિર'' ખાતે નિયમિત રીતે યોજાતી દ્વિવાર્ષિક “વાઇબ્રન્ટ ગુજરાત ગ્લોબલ ઇન્વેસ્ટર્સ સમિટ'' બાદ તો આ સ્થળનું આકર્ષણ સૌના માટે અનેકગણું વધી ગયું. આ સ્થળ વિશ્વના અનેકાનેક દેશોના પ્રમુખો, વડાપ્રધાનો, સાંસદો, રાજદૂતો, ઉદ્યોગ સાહસિકો, વિજ્ઞાનીઓ અને શિક્ષણવિદો માટે મુખ્ય યજમાન સ્થળ બની ગયું છે. મહાત્મા મંદિર, મેટ્રો રેલ, અમદાવાદ-ગાંધીનગરને જાેડતા છ-માર્ગીય ધોરીમાર્ગ, નેશનલ ફોરેન્સિક સાયન્સિસ યુનિવર્સિટી, રક્ષા શક્તિ યુનિવર્સિટી, ગિફ્ટ-સીટી સહિતના સંખ્યાબંધ અત્યાધુનિક પ્રકલ્પોની માફક “મહાત્મા મંદિર''ની નજદીકમાં જ અદ્યતન નવિનીકરણ સાથે કાયાકલ્પ થયેલા “ગાંધીનગર કેપિટલ રેલવે સ્ટેશન''માં ૩ પ્લેટફોર્મ્સનું પુનઃ નિર્માણ કરવામાં આવ્યું છે. દેશમાં વૈશ્વિક કક્ષાના રેલવે-સ્ટેશનની નવી માર્ગદર્શિકા અનુસાર નિર્માણ પામેલા આ રેલવે સ્ટેશન ખાતે ૩ પ્લેટફોર્મ પૈકી એક વન -એન્ડ પ્લેટફોર્મ, જયારે અન્ય આઇલેન્ડ પ્લેફોર્મ છે. આ સ્ટેશન ખાતે ૨ એસ્કેલેટર્સ, ૩ એલિવેટર્સ અને ૨ પેડેસ્ટ્રીયન (રાહદારી) સબ-વે છે, જે પ્લેટફોર્મ્સને જાેડે છે. આ ઉપરાંત, અલગ અલગ સ્થળે આશરે ૩૦૦ વ્યક્તિઓ માટેનું પ્રતીક્ષા સ્થળ, સેન્ટ્રલી એર-કન્ડીશંડ મલ્ટિપર્પસ હોલ, બેબી ફીડિંગ રૂમ, પ્રાર્થના ખંડ તથા પ્રાથમિક સારવારનો ખંડ, ઑડિયો-વિડીયો, એલઈડી સ્ક્રીન સાથે આર્ટ ગેલેરી માટેનો ડિસ્પ્લે એરિયા તથા ૧૦૫ મીટર લાબું કોલમ વગરનું એલ્યુમિનમની છત ધરાવતું સ્ટેશન છે. આ સ્ટેશન દિવ્યાંગોને ૧૦૦% સાનુકૂળ છે.

આ અદ્યતન નવિનીકરણ પામેલું રેલવે સ્ટેશન અને હોટેલનું નિર્માણ એવી રીતે કરવામાં આવ્યું છે કે તેની અવકાશી ધરી ગુજરાત વિધાનસભાના ભવન સાથે એક હારમાં દેખાય ! આ નવા નિર્માણોની ડિઝાઇન જ એવી છે કે, કેપિટલ રેલવે સ્ટેશન, “મહાત્મા મંદિર'', દાંડી કુટિર અને નવી પંચતારક હોટલ સાથે સમગ્ર કોમ્પ્લેક્સને ફરતો, ૧૮-મીટર પહોળો તથા પૂર્વ-પશ્ચિમને જાેડતો અંડરપાસ જાણે એકીકૃત થઇ ગયો હોય તેવું લાગે. આ અંડરપાસ પૂર્વે “ખ'' રોડ અને પશ્ચિમે “ક'' રોડ સાથે બાકીના રસ્તાઓને જાેડે છે. “મહાત્મા ગાંધી કન્વેનશન સેન્ટર કોમ્પ્લેક્સ''થી અત્યંત નજદીકમાં અને અમદાવાદના સરદાર પટેલ ઇન્ટરનેશનલ એરપોર્ટથી માત્ર ૨૦ મિનિટના અંતરે મહાત્મા મંદિર ખાતે બિઝનેસ સમિટ માટે આવતા મહાનુભાવો, પ્રતિનિધિઓ માટે અથવા આ સ્થળે યોજાતી રાષ્ટ્રીય-આંતરરાષ્ટ્રીય કક્ષાની અનેકવિધ કોન્ફરન્સને ધ્યાને રાખીને આ સમિટ-સેમિનાર-કોન્ફ્રન્સમાં સામેલ થનારા ડેલિગેટ્‌સની સુવિધા માટે અત્યાધુનિક પંચતારક હોટલનું આ રેલવે સ્ટેશનની પાસે ૭૪૦૦ ચો.મીટરમાં અંદાજિત રૂ.૭૯૦ કરોડના ખર્ચે નિર્માણ થયું છે. ૩૧૮ રૂમ ધરાવતી આ હોટલમાં રહેવાની બેજાેડ વ્યવસ્થા છે; જે “મહાત્મા મંદિર'' ખાતે આવનારા વિવિધ ડેલિગેટ્‌સની જરૂરિયાતોને પૂર્ણ કરવામાં સક્ષમ છે.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links