પાટનગર ગાંધીનગરમાં બે ભાઈનું કારસ્તાન ગાંધીનગર બેઠા બેઠા અમેરિકાના નાગરિકોને બાટલામાં ઉતારતું કોલ સેન્ટર ઝડપાયું

Published By : B.K.NEWS DAINIK
Published Date : 2020-07-24 11:23:07
Views : 448
Modified Date : 2020-07-24 11:23:07

ગાંધીનગરમાં બે ભાઈઓ દ્વારા સંચાલિત કોલ સેન્ટર પર સેક્ટર-૭ પોલીસે દરોડો પાડ્યો હતો. જેમાં ૫ લેપટોપ, ૬ મોબાઈલ અને ટાઉટર મળી કુલ ૮૦,૫૦૦ની કિંમતનો મુદ્દામાલ સાથે આરોપી ઝડપાયા હતા. ગાંધીનગરના સેક્ટર-૩-એના રહેણાંકમાં કોલ સેન્ટર ખોલીને લોન આપવાના નામે વિદેશી નાગરિકો સાથે ઠગાઈ કરતા પાંચ યુવકોને પોલીસે ઝડપી પાડ્યા છે.
પોલીસે પાંચેય યુવકો સામે છેતરપીંડી અને આઈટી એક્ટ હેઠળ ગુનો દાખલ કર્યો હતો.
પોલીસે તેમના કોરોના ટેસ્ટ કરાવવા સહિતની પ્રક્રિયા હાથધરીને વધુ કાર્યવાહી હાથધરી હતી. આરોપીઓ ઈન્ટરનેટના માધ્યમથી કોલ અમેરિકાના નાગરિકોને ફોન કરતા હતા. જેમાં સામાવાળાને લોન અપાવવા માટે વિશ્વાસ અપાવીને તેમની પાસેથી ઈન્સ્ટોલમેન્ટના ૧૦થી ૧૫ ટકા પૈસા એડવાન્સ ભરાવતા હતા. શહેરના સેક્ટર-૭ પોલીસ સ્ટેશન પી.આઈ. જે.એચ. સિંધવના માર્ગદર્શનમાં ટીમ નાઈટ પેટ્રોલિંગમાં હતી. ત્યારે સેક્ટર-૩ એ ન્યુ પ્લોટ નં-૧૩૨/૨ ખાતે કોલ સેન્ટર ચાલતું હોવાની બાતમી મળી હતી. જેના આધારે પોલીસે રાત્રે સવા એક વાગ્યે રેડ કરતાં ઘરના પ્રથમ માળે લાઈટ ચાલુ જોવા મળી હતી. પોલીસે ઉપર જઈને તપાસ કરતાં પાંચ શખ્સો ઝડપાયા હતા. જેઓની પ્રાથમિક પૂછપરછ કરતાં અમેરિકા ખાતે રહેતો લોકો સાથે લોનના નામે ઠગાઈ કરતાં હોવાનું જણાવ્યું હતું. ઝડપાયેલા લોકોમાં પ્લોટ નં-૧૩૨/૨, સેક્ટર-૩-છ ન્યૂ ખાતે રહેતા અને મુખ્ય સુત્રધાર પાર્થ અશ્વિનભાઈ શાહ (૩૬ વર્ષ) તથા સનિ અશ્વિનભાઈ શાહ (૨૯ વર્ષ), દિપ અખીલકુમાર
પટેલ (૨૪ વર્ષ,પ્લોટ નં-૬૧૨/૧, સેક્ટર-૭-છ), ધીરજ કાલીદત્ત પાંડે (૨૬ વર્ષ,ગોલ્ડરતન સોસાયટી, કોલવડા), નિકોલસ બર્થોલોમેયુ રાયન (૨૪ વર્ષ, નેનો સિટી-૨, સરગાસણ)નો સમાવેશ થાય છે.
પોલીસે ૫૦ હજારની કિંમતના
૫ લેપટોપ, ૩૦ હજારની કિંમતના ૫ મોબાઈલ અને રાઉટર મળી ૮૦,૫૦૦ની કિંમતનો મુદ્દામાલ જપ્ત કર્યો હતો.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links