નગરપાલિકાનું બોર્ડ વંદેમાતરમ્‌ ના ગીત સાથે જ પુરૂ થયું : પ્રજાના પ્રશ્નો અને વિરોધ પક્ષને બોલવા ના દેવાના વલણને ખુદ શાસક પક્ષના સભ્યો પણ નારાજ

Published By : B.K.NEWS DAINIK
Published Date : 2021-10-17 12:10:41
Views : 274
Modified Date : 2021-10-17 12:10:41

ડીસા નગરપાલિકામાં ભાજપે સ્પષ્ટ બહુમતી સાથે સત્તા હાંસલ કરી છે. પરંતુ છેલ્લા ઘણા સમયથી નગરપાલિકાની તમામ સાધારણ સભા એ માત્ર નામ પુરતી જ બની રહી છે. અધ્યક્ષ સ્થાનેથી નિયમ વિરૂદ્ધના ઠરાવો કરવાના અને આગલા બોર્ડમાં તેની વગર ચર્ચાએ કે વિરોધ પક્ષને સાંભળ્યા વગર માત્ર ૧૫ થી ૩૦ સેકન્ડમાં બોર્ડ આટોપી અધ્યક્ષ ચલતી પકડે છે. ખુદ ભાજપના જ ચૂંટાયેલા સભ્યો બોર્ડની ગરીમા જળવાતી નથી તેવું જણાવે છે. પરંતુ શિક્ષાત્મક પગલાના ડરથી જાહેરમાં કે મિડીયા સમક્ષ બોલવાનું ટાળે છે. નગરપાલિકાના આ બોર્ડમાં ૩-૪ નિર્ણયો જે ગત બોર્ડમાં લેવામાં આવેલા અને ગઈકાલે બહાલી માટે મુકેલા. જેમાં અપક્ષ ચૂંટાયેલા રમેશભાઈ માજીરાણાને અગાઉથી જ ખબર હતી કે સાધારણ સભા ચર્ચા વગર જ પુરી કરવા ટેવાયેલા છે. એટલે તેમણે સાધારણ સભાના બે દિવસ પહેલાં સાધારણ સભાના એજન્ડા પૈકીની બે-ત્રણ આઈટમોનો લેખિત વિરોધ કર્યો હતો. જેમાં તેમના જણાવ્યા મુજબ ગત સભાના એજન્ડા નં. ૧ ની કાર્યવાહીના ઠરાવ નં.૧૦ (૧) માં ફુવારા સર્કલથી ગાયત્રી મંદિર સુધી જે ડામર રોડનું કામ તા. ૨૩-૩-૨૦૨૧ ના રોજ અખબારોમાં જાહેરાત કરવામાં આવી અને રોડ પણ બનાવી દેવામાં આવ્યો. ત્યાર બાદ ૩૧-૩-૨૦૨૧ ના રોજ જે સાધારણ સભા મળી. તેમાં પણ કોઈ ટેન્ડરનો કોઈ ઉલ્લેખ થયો ન હતો. આ રોડ અત્યંત ખરાબ અને સામાન્ય વરસાદમાં તૂટી ગયો. તેમજ આરસીએમની કચેરી ગાંધીનગરમાં આ મેટર પેન્ડીંગ છે તેથી તેને બહાલી આપી શકાય નહીં. એજ રીતે એજન્ડાની આઈટમ નં. ૩ માં ડોર ટુ ડોરના ટેન્ડરની મુદ્દનો જે વધારો કરવામાં આવ્યો તે નિયમ વિરૂદ્ધ કરી. તેનો પણ અમારો વાંધો છે. તેજ રીતે સ્કાડા દ્વારા જે પાણી વિતરણ થાય છે. તેના ટેન્ડરનો પણ મુદ્દત વધારો કરવામાં આવ્યો હતો. તે પણ નિયમ વિરૂદ્ધ છે. આ ઉપરાંત ડોર ટુ ડોર કચરા કલેકશનમાં ડીસા શહેરની કોમર્શિયલ કોમ્પલેક્ષોના પ્રથમ, બીજાે અને ત્રીજાે માળની દુકાનો પૈકી મોટાભાગની દુકાનો બંધ હાલતમાં છે. અને ત્યાં ઉપર જઈને કચરો પણ લેવામાં આવતો નથી. તેથી આવી પ્રોપર્ટીઓનું સર્વે કરી ડોર ટુ ડોર કલેકશનના લીસ્ટમાંથી બાદ કરવી જાેઈએ. આવી મિલ્કત પાંચ હજારથી વધુ હોવાનો અમારો અંદાજ છે.

ગત બોર્ડના ઠરાવ નં.૧૯ માં શિક્ષણ માટે મોનીટરીંગ સમિતી બનાવેલ છે. અને તે જ બોર્ડમાં શિક્ષણ સમિતિ પણ બનાવેલ છે. મોનીટરીંગ સમિતિના નામે જેઓ ચૂંટાયેલા નથી, એ નથી તો શિક્ષણ સાથે સંકળાયેલા નથી.

તેવા માણસોની કમિટી બનાવવાનો કોઈ અર્થ નથી. જાે શિક્ષણ સમિતિ હોય તો આવી સમિતી બનાવવાની જરૂર કેમ પડે. અને જાે

બનાવવી હોય તો ચૂંટાયેલા સભ્યોમાંથી જ બનાવવી જાેઈએ એવું અમારું સૂચન છે. ગત સભાના ઠરાવ નં.૧૮ માં ડીએનપી ગર્લ્સ હાઈસ્કૂલ અંદર ત્રણ શિક્ષકોની બે વર્ષ માટે નિમણૂંક આપી ભરતી કરેલ છે. જે નિયમ મુજબ ૧૧ માસથી વધારે કરાર કરી શકાય નહીં એનો પણ અમારો વાંધો છે.

આવા મુદ્દાઓ સાથે ભાજપના ૬ થી ૭ સભ્યોએ પણ લેખિતમાં જ આ બોર્ડમાં રજુઆત કરી છે. લોકો તંત્રનું ગળુ દબાવીને સાધારણ સભા બહુમતીના જાેરે સેકન્ડોમાં પુરૂ કરી ચાલતી પકડતા શાસક

પક્ષના વલણને ખુદ શાસક પક્ષના સભ્યો જ નારાજ છે.

બોર્ડની સાથે સાથે

- ડોર ટુ ડોર કલેકશનમાં ડીસા શહેરમાં ચાલતી ધુપ્લબાજીને સભ્યોએ ઉજાગર કરી

- સ્કાડાના, તેમજ ભરતીના તેમજ એવા ઘણાય ઠરાવો અધ્યક્ષ સ્થાનથી રાતોરાત કરવા અને બોર્ડમાં ચર્ચા વગર જ સભ્યો જાેડે મંજુર કરાવવા ભાજપના શાસકને ટેવ પડી

- શિક્ષણ સમિતી સિવાય મોનીટરીંગ સમિતિમાં એક સભ્ય એવા છે જેમણે એસ.સી.ડબલ્યું હાઈસ્કૂલના ૧૫૦ વર્ષની ઉજવણીમાં મસમોટું ફંડ લાવી સ્કૂલનું રીનોવેશન તો સારી રીતે કર્યું. પરંતુ તેમણે લાવેલ ફંડનો હિસાબ નગરપાલિકાને કે જાહેર જનતાને આપ્યો નથી. અને એજ મહાશયને ફરી સમિતિમાં લેવામાં આવ્યા.

- આ સમિતીના મહાશય સામે દબાણોના આક્ષેપ છે, થોડા માસ પહેલા સ્થળ ઉપર નગરપાલિકાની ટીમ દબાણ દૂર કરવા ગઈ હતી પરંતુ મોટા રાજકીય લાગવગ ધરાવતા આ મહાશયનું એક પતરું પણ હલ્યું નહતું. અને નગરપાલિકાની ટીમ ધોયેલા મૂળાની જેમ પાછી આવી હતી.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links