CCTVમાં સ્કોર્પિયો પાસે દેખાયો PPE કિટ પહેરેલો મિસ્ટ્રીમેન, ઈનોવા કારનો ડ્રાઈવર હોવાની શંકા.

Published By : B.K.NEWS DAINIK
Published Date : 2021-03-09 13:35:27
Views : 243
Modified Date : 2021-03-09 13:35:27

થોડા દિવસ પહેલાં દક્ષિણ મુંબઈમાં ઉદ્યોગપતિ મુકેશ અંબાણીના ઘર એન્ટિલિયા બહાર વિસ્ફોટકોથી ભરેલી એક સ્કોર્પિયો કાર મળી હતી. મહારાષ્ટ્રમાં એન્ટીટેરરિસ્ટ સ્ક્વોડ (ATS) આ કેસની તપાસમાં જોડાયેલી છે. મુંબઈ પોલીસની ટીમ પણ 2000થી વધારે સીસીટીવી ફૂટેજની મદદથી તપાસ આગળ વધારી રહી છે. આ દરમિયાન પોલીસને આ કેસ સાથે જોડાયેલા એક નવો સીસીટીવી વીડિયો મળ્યો છે. તેમાં એક વ્યક્તિ PPE કિટ પહેરીને ઘટના સ્થળની પાસેથી પસાર થતો જોવા મળી રહ્યો છે.

પોલીસ હવે એ તપાસ કરી રહી છે કે, શું ઓળખ છુપાવવાના બહાને આ વ્યક્તિએ જાણી જોઈએ પીપીઈ કિટ પહેરી હતી. આ પહેલાં જે સીસીટીવી ફૂટેજ સામે આવ્યા હતા તેમાં એક સ્કોર્પિયો કાર અને ઈનોવા કાર જોવા મળી હતી. એક થિયરી એવી પણ સામે આવી છે કે પીપીઈ કિટ પહેરનાર વ્યક્તિ કાર ડ્રાઈવર પણ હોઈ શકે છે. પોતાની ઓળખ છુપાવવા માટે તેણે પીપીઈ કીટનો ઉપયોગ કરવો જોઈએ. આ ઈનોવા બે વાર મુંબઈમાં સ્કોર્પિયોની પાછળ જોવા મળી છે.

મુંબઈ એટીએસને મળેલા સીસીટીવી ફૂટેજથી મહત્વના પુરાવા મળ્યા છે. સૂત્રોના જણાવ્યા પ્રમાણે આ તે જ ઈનોવા કારનો ડ્રાઈવર હોઈ શકે છે. જે ઓછામાં ઓછી બે વાર એન્ટિલિયાની આસપાસ જોવા મળી હતી. આ વ્યક્તિએ ઓળખ છુપાવવા માટે પીપીઈ કિટ પહેરેલી હતી.ઉદ્યોગપતિ મુકેશ અંબાણીના ઘર એન્ટિલિયા બહાર સ્કોર્પિયોમાં જિલેટિન સ્ટીક મળવાના કેસની NIA એજન્સી પણ તપાસ કરી રહી છે. આ મામલે મહારાષ્ટ્ર એટીએસ પણ તપાસ કરી રહી છે. આ સંજોગોમાં એક વાર ફરી કેન્દ્ર અને રાજ્ય સરકાર આમને સામને આવી ગઈ છે. સ્કોર્પિયો માલિક મનસુખ હિરેનની મોતનો મુદ્દો પણ રવિવારે મહારાષ્ટ્ર એટીએસે એક ફરિયાદ નોંધી છે.

નિરિક્ષણ દરમિયાન NIAની એન્ટ્રી થતા મહારાષ્ટ્રના મુખ્યમંત્રી ઉદ્ધવ ઠાકરેએ કહ્યું કે, ATS દ્વારા મનસુખ હીરેનના મોતની તપાસ હાથ ધરી દેવાઈ છે. સિસ્ટમ ખાલી એક વ્યક્તિમાટે જ નથી, અગાઉની સરકારમાં પણ આ સિસ્ટમ હતી. આ પ્રમાણે હોવા છતાં જો કેન્દ્ર સરકાર જો આ કેસને NIAના હસ્તક આપશે, તો તેનો એક જ તાત્પર્ય છે કે, આ બાબતે કઈંક ગડબડ છે. તેમણે વધુમાં જણાવ્યું કે, જ્યાં સુધી તેઓ આખી ઘટનાને ઉજાગર નહીં કરે, ત્યાં સુધી તેઓ હાર નહીં માને.

25 ફેબ્રુઆરીએ દક્ષિણ મુંબઈના પેડર રોડ પર આવેલી એન્ટિલિયા બહાર વિસ્ફોટકથી ભરેલી એક સ્કોર્પિયો ગાડી મળી હતી. 24 ફેબ્રુઆરીની મધ્ય રાતે 1 વાગે એન્ટિલિયા બહાર ઉભી રાખવામાં આવી હતી. બીજા દિવસે ગુરુવારે પોલીસે આ ગાડી જોઈ હતી અને કારમાંથી 20 જિલેટિન સ્ટિક મળી આવી હતી. 5 માર્ચે આ સ્કોર્પિયો માલિક મનસુખ હિરેનનો મૃતદેહ મળી આવ્યો હતો. થોડા દિવસ પહેલાં જ મનસુખે આ ગાડી ગુમ થઈ હોવાની ફરિયાદ દાખલ કરી હતી.