સોમવારથી ધોરણ 3થી 8ના 50 લાખથી વધુ વિદ્યાર્થીઓની પરીક્ષા, જે નહીં આવી શકે તેને ઘરેબેઠા પ્રશ્નપત્રો તેમજ ઉત્તરવહી મળશે.

Published By : B.K.NEWS DAINIK
Published Date : 2021-03-13 13:58:24
Views : 340
Modified Date : 2021-03-13 13:58:24

કોરોના મહામારીને પલગે રાજ્યની તમામ સ્કૂલ-કોલેજો બંધ રાખવામાં આવી હતી, જે હવે સ્થિતિ થોડી કાબુમાં આવતા ધીરે-ધીરે શરૂ થઈ છે. ત્યારે હવે પ્રાથમિક સ્કૂલોમાં પરીક્ષા લેવાની પણ તૈયારી થઈ રહી છે. સોમવારથી ધોરણ 3થી 8ના વિદ્યાર્થીઓની પરીક્ષા શરૂ થઈ રહી છે. કોરોના સંકટ વચ્ચે રાજ્યમાં પ્રથમવાર પ્રાથમિક સ્કૂલોમાં અંદાજે 50 લાખથી વધુ વિદ્યાર્થીઓની પ્રત્યેક્ષ પરીક્ષા લેવાનું આયોજન કરાયું છે. જેને લઈને પ્રાથમિક શિક્ષણ વિભાગ દ્વારા વિદ્યાર્થીઓની સુરક્ષા માટેની તમામ વ્યવસ્થા હાથ ધરવામાં આવી રહી છે. સાથે જ જે વિદ્યાર્થી પરીક્ષા આપવા નહીં આવી શકે તેને ઘરેબેઠા પ્રશ્નપત્રો તેમજ ઉત્તરવહી મળશે.

કોરોના મહામારીથી સૌથી વધુ નુકસાના વિદ્યાર્થીઓનું પડ્યું છે. સતત એક વર્ષ સુધી સ્કૂલ-કોલેજ બંધ રહેતા અભ્યાસ પર મોટી અસર પડી છે. ઓનલાઈન અભ્યાસ ચાલું હોવા છતાં વિદ્યાર્થીઓ પુરતું ધ્યાન આપી શકતા ન હતા. ત્યારે હવે છેલ્લા કેટલાક મહિનાથી ધીરે-ધીરે સ્કૂલો તેમજ કોલેજો ફરી શરૂ થતા વિદ્યાર્થીઓ ખુશ થયા છે. શહેરની સાથે ગ્રામિણ વિસ્તારોમાં પણ વિદ્યાર્થીઓમાં સ્કૂલે જવાનો ઉત્સાહ વધારે જોવા મળ્યો છે. હાલમાં ગ્રામિણ વિસ્તારની સ્કૂલોમાં 70 ટકાની આસપાસ વિદ્યાર્થીઓની હાજરી નોંધાઈ છે. ત્યારે હવે 15 માર્ચથી પરીક્ષા શરૂ થતા વિદ્યાર્થીઓ તેમજ શિક્ષકો પણ તૈયારીમાં લાગી ગયા છે.

પ્રાથમિક શિક્ષણ વિભાગ દ્વારા મળતી માહિતી અનુસાર, 15થી 22 માર્ચ સુધી પ્રથમ સત્રની નિદાન કસોટી યોજાશે. જેમા સરકારી, ગ્રાન્ટેડ તેમજ ખાનગી એમ તમામ સ્કૂલોમાં પરીક્ષા લેવામાં આવશે. સાથે જે પણ વિદ્યાર્થી પરીક્ષામાં હાજર નહીં રહી શકે તેઓને પ્રશ્નપત્રો તેમજ ઉત્તરવહી તેઓના ઘરે પહોંચાડવામાં આવશે. ધોરણ 3થી 4ના વિદ્યાર્થીઓએ પ્રશ્નપત્રોમાં તેના જવાબ લખવાના રહેશે ત્યારે ધોરણ 5થી 8ને અલગથી ઉત્તરવહી આપવામાં આવશે.કોરોનાકાળમાં પ્રથમ વખત પ્રાથમિક શાળાઓમાં વિદ્યાર્થીઓની પ્રત્યક્ષ પરીક્ષા લેવામાં આવી રહી છે, પરંતુ પરીક્ષા દરમિયાન તમામ વિદ્યાર્થી તેમજ શિક્ષકોએ કોરોના ગાઈડ લાઈનનું પાલન કરવું ફરજિયાત રહેશે. પ્રાથમિક સ્કૂલોમાં ધોરણ 6થી 8ના ક્લાસ શરૂ થતા જ વિદ્યાર્થીઓમાં સ્કૂલે જવાનો અનેરો ઉત્સાહ જોવા મળ્યો હતો.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links