દુષ્કર્મ : વડોદરાના ડેસરમાં લગ્ન માણી રહેલી 13 વર્ષની વિદ્યાર્થિનીને ખેંચી જઈને 3 નરાધમોએ દુષ્કર્મ આચર્યું, બેન્ડવાજાના ઘોંઘાટમાં પીડિતાની ચીસો દબાઈ ગઈ.

Published By : B.K.NEWS DAINIK
Published Date : 2021-05-28 15:45:33
Views : 388
Modified Date : 2021-05-28 15:55:30

વડોદરા જિલ્લાના ડેસર તાલુકાના એક ગામમાં રાત્રિના સમયે 3 નરાધમોએ 13 વર્ષની કિશોરી ઉપર સામૂહિક દુષ્કર્મ આચર્યું હતું. આ મામલે ડેસર પોલીસ સ્ટેશનમાં ફરિયાદ નોંધાવતાં પોલીસે એક આરોપીને ઝડપી પાડ્યો છે, જ્યારે બે આરોપીની શોધખોળ હાથ ધરી છે.

ગુરુવારે રાત્રે ડેસરના નાનકડા ગામમાં લગ્ન હોવાથી વરઘોડો નીકળ્યો હતો. ધોરણ-8માં અભ્યાસ કરતી ગામની કિશોરી વરઘોડામાં સામેલ થઇ હતી અને રાત્રે 9 વાગ્યાના અરસામાં મંદિર પાસે વરઘોડો રોકાયો હતો, ત્યાં સગીરા મંદિરના ઓટલા ઉપર બેઠી હતી, એ દરમિયાન ગામનો ચિરાગ બાબુભાઇ માછી તેની બાજુમાં ઓટલા ઉપર આવીને બેસી જઈને 'ચાલ, મારી સાથે એમ જણાવી સગીરાનો હાથ પકડી મંદિરની પાછળના ભાગે અંધારામાં ખેંચીને લઇ ગયો હતો. બેન્ડવાજાના સ્પીકરનો અવાજ હોવાથી ગામની બીજી કોઈ વ્યક્તિ જાણે એ પહેલાં ગામના બીજા હવસખોર યુવાનો ભૂપેન્દ્ર કાંતિભાઈ માછી અને પરેશ ઉર્ફે બટાકી મનુભાઇ માછી પણ નક્કી કરેલી જગ્યા ઉપર જઈ ચઢ્યા હતા.

મંદિરની પાછળ આવેલા સૂમસામ ખેતરમાં સગીરાને લઇ જઇને ત્રણેય હવસખોરોએ ભેગા મળીને તેને પકડી રાખી ચિરાગે સગીરાનાં કપડાં ઉતારી નાખ્યા હતા અને ભૂખ્યા વરુની જેમ વારાફરતી ત્રણે નરાધમ સગીરા પર તૂટી પડ્યા હતા અને સામૂહિક દુષ્કર્મ આચર્યું હતું. નાના છોકરાઓની ચહલપહલ અને બૂમાબૂમ થતાં ઘટનાસ્થળેથી ચિરાગ, ભૂપેન્દ્ર અને પરેશ ઉર્ફે બટાકી ભાગી છૂટ્યા હતા

દુષ્કર્મ કેસના ત્રણેય આરોપીઓની ફાઇલ તસવીર

ધોરણ-8માં અભ્યાસ કરતી સગીરાનાં માતા-પિતાને જાણ થતાં તેઓ બેબાકળા બની ગયાં હતાં. તેમના ફૂવા દીકરીને ઘરે લાવ્યા હતા. સગીરાએ નામો જણાવતાં આરોપીઓના ઘરે તપાસ કરી હતી, પરંતુ ત્રણેય હવસખોર ભાગી છૂટયા હતા. કિશોરીના પિતાએ 181 પર ફોન કરી વિગતે જાણ કરી હતી. ડેસર પોલીસને જાણ થતાં તાત્કાલિક ઘટનાસ્થળે દોડી ગઇ હતી અને રાત્રિ દરમિયાન એક આરોપી પરેશ ઉર્ફે બટાકીને ઝડપી પાડ્યો હતો, જ્યારે અન્ય બે આરોપીની શોધખોળ પોલીસ કરી રહી છે. નાનકડા ગામમાં રાત્રિ દરમિયાન સામૂહિક બળાત્કારની ઘટના બનતાં ડેસર તાલુકામાં ચકચાર મચી જવા પામી હતી. સ્થાનિક નાગરિકો આરોપીઓ પર ફિટકારની લાગણી વરસાવી રહ્યા છે અને આવા ગુનાહિત કૃત્ય આચરનારને સખતમાં સખત સજા થાય એવી ગ્રામજનો માગણી કરી રહ્યા છે. ડેસર પોલીસે IPC કલમ ગુનો નોંધીને વધુ તપાસ હાથ ધરી છે.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links