લાકડી ઓન માર્કેટમાં રાજકોટ કોર્પોરેશનના ડેપ્યુટી કમિશનર.

Published By : B.K.NEWS DAINIK
Published Date : 2021-03-17 16:23:17
Views : 249
Modified Date : 2021-03-17 16:23:17

રાજકોટ મહાનગરપાલિકાના બે રૂપ આજે જોવા મળ્યા હતા. એક તરફ મવડી વિસ્તારમાં બનાવવામાં આવેલા સ્માર્ટઘર 2 અને સ્માર્ટઘર 3ની કુલ 3 દુકાનની હરાજીમાં મનપાએ લોકોનો મેળાવડો જમાવ્યો હતો. તો બીજી તરફ મનપાના ડેપ્યુટી કમિશનર એ.આર. સિંઘ પાન-ગલ્લાવાળા પાસે કોરોનાની ગાઇડલાઇનનું પાલન કરાવવા ધોકો લઇને નીકળ્યાં હતા. આથી લોકોમાં સવાલ ઉઠ્યો હતો કે, આ તે કેવો નિયમ?

રાજ્યમાં સ્થાનિક સ્વરાજ્યની ચૂંટણી બાદ અમદાવાદ, સુરત બાદ રાજકોટમાં પણ કોરોનાએ માથુ ઉચક્યું છે. ત્યારે રાજકોટમાં કોરોના વકરતા ડેપ્યુટી કમિશનર ફરી ધોકો લઇને નિયમોનું પાલન કરાવવા મેદાને ઉતર્યા હતા. શહેરના કાલાવડ રોડ, યુનિવર્સિટી રોડ, નાનામોવા સહિતના અનેક વિસ્તારોમાં ચા-પાનના ગલ્લા તેમજ ભીડવાળી જગ્યાએ સોશિયલ ડિસ્ટન્સ, માસ્ક અને સફાઇનું કડકપણે પાલન થાય તે માટે લોકોને માર્ગદર્શન આપવામાં આવ્યું હતું.

રાજકોટ મહાનગરપાલિકા દ્વારા મવડી વિસ્તારમાં બનાવવામાં આવેલા સ્માર્ટઘર-2 અને સ્માર્ટઘર-3ની કુલ 38 દુકાનોની આજે જાહેર હરાજી કરવામાં આવી હતી. જેમાં તમામ 38 દુકાનોની હરાજી દરમિયાન વેચાણ થયું છે. આ દુકાનોની હરાજીથી મહાનગરપાલિકાને કુલ 8.50 કરોડની આવક થઇ છે. આ દુકાનો 11.89 ચોરસ મીટરથી 21.21 ચોરસ મીટર સુધી સાઈઝની દુકાનો છે. દુકાનોની અપસેટ કિંમત રૂ.9.80 લાખથી રૂ.20.20 લાખ સુધીની રાખવામાં આવી હતી. તેમ મ્યુનિ. કમિશનર ઉદિત અગ્રવાલે જણાવ્યું હતું.